完整藏文原文 · 德格版页 当前仅加载第 76 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གནས་སོ། །ས་ག་ནི་ཆུ་ལ་གནས་པའི་སེམས་ཅན་རྣམས་ལ་གནས་སོ། །ལྷ་མཚམས་ནི་ཚོང་པ་ཟོང་དང་ལྡན་པ་རྣམས་ལ་གནས་སོ། །སྣྲོན་ནི་སྒོ་སྲུངས་རྣམས་ལ་གནས་སོ། །སྣྲུམས་ནི་འདྲོན་པོ་རྣམས་ལ་གནས་སོ། །ཆུ་སྟོད་ནི་པ་ཧྣི་
D358.076.0257a01.01ཀ་པ་རྣམས་ལ་གནས་སོ། །ཆུ་སྨད་ནི་ཀམ་པོ་ཙེའི་གླིང་ན་གནས་སོ། །གྲོ་བཞིན་ནི་རྐུན་མ་དང་ཕོ་ཉ་རྣམས་ལ་གནས་སོ། །བྱི་བཞིན་ནི་ལྷོ་ཕྱོགས་པ་ཐམས་ཅད་དང་། ཟངས་གླིང་པ་རྣམས་ལ་གནས་སོ། །མོན་གྲུ་ནི་ཀཽ་ཤི་ཀ་པ་དང་། སྲིད་སྲུང་བ་རྣམས་ལ་
D358.076.0257a02.01གནས་སོ། །མོན་གྲེ་ནི་ཀུ་རུ་དང་། ལྔ་མཚན་ན་གནས་སོ། །ཁྲུམས་སྟོད་ནི་གན་དྷ་ར་བ་རྣམས་དང་། ནས་གླིང་པ་རྣམས་དང་། ཀམ་པོ་ཙེ་རྣམས་ལ་གནས་སོ། །ཁྲུམས་སྨད་ནི་དྲི་ཟ་རྣམས་ལ་གནས་སོ། །ནམ་གྲུ་ནི་གྲུ་པ་རྣམས་ལ་གནས་སོ། །ཐ་སྐར་ནི་རྟ་
D358.076.0257a03.01འཚོ་བ་རྣམས་ལ་གནས་སོ། །བྲ་ཉེ་ནི་ཞིང་པ་བཟང་པོ་རྣམས་ལ་གནས་སོ། །ཀྱེ་པད་མའི་སྙིང་པོ་དེ་དག་ནི་རྒྱུ་སྐར་རྣམས་ཀྱི་གནས་ངེས་པར་བསྟན་པའི་ལེའུའོ། །ཀྱེ་ཏྲེ་ཤང་ཀུ་དུས་གང་ལ་ཆར་འབབ་པ་ཞེས་བྱ་བའི་ལེའུ་བཀླགས་སམ་བཀླགས་སོ། །ཀྱེ་དེ་
D358.076.0257a04.01ལྟར་ཡིན་ན་ཁྱོད་ཀྱིས་ཤོད་ཅིག །ཀྱེ་པད་མའི་སྙིང་པོ་དེ་ལྟར་ན་དུས་གང་ལ་ཆར་འབབ་པ་ཞེས་བྱ་བའི་ལེའུ་བཤད་ཀྱིས་དེ་ཉོན་ཅིག །སྨིན་དྲུག་དང་ལྡན་པའི་སོས་ཀའི་ཟླ་བ་ཐ་མ་ལ་ཆར་འབབ་པ་ནི་ཨ་ལང་ཀ་དྲུག་ཅུའི་ཆར་ནུབ་བཅུའི་བར་དུ་འབབ་ཅིང་པ་བ་སངས་སྔོན་
D358.076.0257a05.01དུ་གནས་པ་ནི་ཆར་རྒྱུན་ཆད་མེད་པར་མཚན་མོ་ཆར་འབབ་པར་ཡང་དག་པར་ཤེས་པར་བྱ་སྟེ། དགུན་དང་། དཔྱིད་ཀྱི་བར་གསུམ་བཟུང་བར་གྱུར་པ་ནི་མའི་སྟོབས་ཞེས་བྱ་བར་འགྱུར་ཏེ། སྨིན་དྲུག་གི་ཡིན་པར་བསྟན་ཏོ། །སྣར་མ་དང་ལྡན་པ་སོས་ཀའི་ཟླ་བའི་
D358.076.0257a06.01ཐ་མ་ལ་གང་དུ་ཆར་བབ་པ་དེ་ཨ་ལང་ཀ་ཉི་ཤུ་རྩ་གཅིག་འབབ་ཅིང་དེར་ཞིང་རྨོས་ན་ལས་བྱེད་པ་དེས་འབྲས་བུ་དང་བཅས་ཤིང་འབྲུ་རྣམས་ཕུན་སུམ་ཚོགས་ཤིང་དེར་ནད་གཉིས་འབྱུང་བར་འགྱུར་ཏེ། ཕོ་བའི་ནད་དང་། མིག་ནད་དང་། ཡུལ་དུ་རྐུན་པོ་མང་བ་ནི་སྣར་
D358.076.0257a07.01