完整藏文原文 · 德格版页 当前仅加载第 76 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྔར་ཞིང་སྦྱིན་པ་ལ་དགའ་ཞིང་གཞན་ལ་རྟེན་པས་འཚོ་བར་འགྱུར་རོ། །ཀྱེ་པད་མའི་སྙིང་པོ་དེ་ནི་སྐྱེས་པའི་ཡོན་ཏན་གྱི་ལེའུའོ། །གཞན་ཡང་བྲམ་ཟེ་བདག་གིས་སྔོན་གྱི་གནས་རྗེས་སུ་དྲན་པའི་ཤེས་པས་མངོན་སུམ་དུ་བྱས་ནས། སེམས་ཀྱིས་རིག་པ་རྣམས་གཏན་ལ་
D358.076.0275b01.01ཕབ་ཅིང་སྣ་ཚོགས་པའི་སྔོན་གྱི་གནས་རྗེས་སུ་དྲན་ཏེ། ཚངས་པ་མཆོག་ཏུ་གྱུར་པ་དེ་ཁྱོད་གཞན་ཞིག་ཡིན་སྙམ་ན། དེ་ལྟར་བལྟ་བར་མི་བྱ་སྟེ། ང་ཉིད་དེའི་ཚེ་དེའི་དུས་ན་ལྷ་རྣམས་ཀྱི་ཚངས་པ་མཆོག་ཏུ་གྱུར་ཏོ། །བདག་དེ་ནས་ཤི་འཕོས་ནས་ལྷའི་དབང་པོ་བརྒྱ་བྱིན་དུ་
D358.076.0275b02.01གྱུར་ཏོ། །དེ་ནས་ཤི་འཕོས་ནས་བྲམ་ཟེ་དགོན་པ་པ་མུ་ཁྱུད་གཽ་ཏ་མ་ཞེས་བྱ་བར་གྱུར་ཏོ། །དེ་ནས་ཤི་འཕོས་ནས་དྲང་སྲོང་དཀར་པོའི་ཏོག་ཅེས་བྱ་བར་གྱུར་ཏོ། །དེ་ནས་ཤི་འཕོས་ནས་ཐ་མལ་པའི་པན་ཌི་ཏ་ནེ་ཙོ་ཞེས་བྱ་བར་གྱུར་ཏོ། །དེའི་ཚེ་བདག་གིས་རིག་བྱེད་བཞི་བཀླགས་
D358.076.0275b03.01ཏེ། འདི་ལྟ་སྟེ། རྒྱལ་ཞེས་བྱ་བའི་གནོད་པའི་ཕྱོགས་དང་། སྡེབ་སྦྱོར་གྱི་གནོད་པའི་ཕྱོགས་དང་། ཆ་ཉི་ཤུ་རྩ་གཅིག་པ་བྱས་ཤིང་སྲིད་སྲུང་རྣམས་བདག་གིས་བྱས་སོ། །བྲམ་ཟེ་ཁྱོད་ཡང་དེའི་ཚེ་དེའི་དུས་ན་དྲང་སྲོང་བ་སུ་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་དེ་དེ་
D358.076.0275b04.01ལྟར་མི་བལྟ་སྟེ། ང་ཉིད་དེའི་ཚེ་དེའི་དུས་ན་དྲང་སྲོང་བ་སུ་ཞེས་བྱ་བར་གྱུར་ཏོ། །དེའི་ཚེ་ངས་ཤིང་མཁན་གྱི་བུ་མོ་སེར་སྐྱ་མོ་ཞེས་བྱ་བ་ཆུང་མའི་དོན་དུ་བླངས་སོ། །དེ་ལ་བདག་ཀུན་དུ་ཆགས་པས་རྫུ་འཕྲུལ་ཉམས་ཤིང་བསམ་གཏན་དང་བྲལ་ཏེ། དེས་བདག་ཉིད་འགྱོད་
D358.076.0275b05.01ནས་དེའི་ཚེ་དག་བྱེད་ཀྱི་སྔགས་འདི་དག་སྨྲས་ཏེ། ཨོཾ་བྷུར་བྷུ་བ་སྭ། ཏད་ས་བྷི་ཏུ་ར་བ་རེ་ཎྱཾ་བྷར་གོ་དེ་བ་ས་དྷྲི་མ་ཧི་དྷི་ཡོ་ན་བྲ་ཛོ་ད་ཡ། དེ་བས་ན་བྲམ་ཟེ་ངས་ཁྱོད་ལ་བཤད་པར་བྱས་ཏེ། བདག་ནི་ཐ་མལ་པ་ཙམ་ཉིད་དེ། འཇིག་རྟེན་དུ་འདི་ལྟར་བྲམ་ཟེ་ཞེས་བྱ་བ་དང་། རྒྱལ་
D358.076.0275b06.01རིགས་ཞེས་བྱ་བ་དང་། རྗེའུ་རིགས་ཞེས་བྱ་བ་དང་། དམངས་རིགས་ཞེས་བྱ་བ་འདི་ཐམས་ཅད་གཅིག་པ་ཉིད་དེ། ཐམས་ཅད་ཐ་དད་པ་མ་ཡིན་ནོ། །དེ་བས་ན་བདག་གི་བུ་གཞོན་ནུ་སྟག་རྣ་ལ་བུ་མོ་གཟུགས་བཟང་མོ་ཆུང་མའི་དོན་དུ་བྱིན་ཅིག །གང་རིན་ཇི་སྙེད་བབ་པ་དེ་འདོད་
D358.076.0275b07.01