完整藏文原文 · 德格版页 当前仅加载第 79 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་བཤད་བྱ། །རྒྱུད་རྣམས་ཀུན་ཏུ་སྦས་པ་སྟེ། །དཔལ་ལྡན་ཁྲག་འཐུང་རྒྱུད་ཆེན་དུ། །འདོད་པའི་དོན་ཀུན་སྒྲུབ་པར་བྱེད། །ས་ཡི་ཆ་མཉམ་ཡིད་འོང་བར། །དྲི་ཡི་ཆུ་ཡིས་ཉེར་བྱུགས་ཏེ། །སྣ་ཚོགས་སྤོས་ནི་ཡིད་
D374.079.0002a01.01འོང་དང་། །མེ་ཏོག་སྣ་ཚོགས་གཅལ་དུ་བཀྲམ། །གཙང་ཞིང་དབེན་པའི་ས་ཕྱོགས་སུ། །སྔགས་ཤེས་པས་ནི་བསྲུང་བར་བྱ། །ཕྱོགས་ནི་བཅིང་བར་བྱ་བའོ། །དེ་ལྟར་ཆོ་ག་ཡང་དག་ལྡན། །མཁས་པས་དགོད་བྱ་དགོད་པར་བྱ། །སེམས་ནི་
D374.079.0002a02.01ཤིན་ཏུ་དགའ་བ་ཡིས། །ཀུན་ནས་ཀུན་ཏུ་ཆོ་ག་བསམ། །བུད་མེད་ཕྱག་རྒྱ་གེ་སར་བཅས། །དང་པོའི་ཚེག་དྲག་རྗེས་དབྱངས་དང་། །རིང་དང་ཐུང་བར་རབ་ཏུ་གྲགས། །གྲུ་གསུམ་གཉིས་ནི་ཡང་དག་ལྡན། །དེ་བཞིན་མ་ནིང་བཞི་བོ་
D374.079.0002a03.01དང་། །བུད་མེད་སྐྱེས་བུ་རྣམ་པ་བཞི། །དེ་བཞིན་གཉིས་པ་དང་པོའི་དབྱངས། །རིང་དང་ཐུང་བར་ཤེས་བྱ་སྟེ། །དབྱངས་ཀྱི་ཕྱི་མོ་དགོང་པར་བྱ། །དབྱངས་ཀྱི་སྡེ་ནི་དང་པོར་དགོད། །ལྕེ་རྩའི་དབྱངས་ནི་གཉིས་པར་དགོད། །ཚེག་དྲག་
D374.079.0002a04.01དབྱངས་ནི་གསུམ་པར་རོ། །དབུས་སུ་པད་མ་བཞི་པར་རོ། །ལྔ་པ་ཏ་ཡི་སྡེ་ཚན་ཏེ། །དྲུག་པ་པ་ཡི་སྡེ་ཚན་ཡིན། །ཨན་ཏསྠ་ནི་བདུན་པར་འདོད། །དྲོ་བའི་ཡི་གེ་བརྒྱད་པ་སྟེ། །མཐའ་མ་རུ་ནི་བསྡུས་པ་ཡིན། །དེ་ལྟར་རིག་
D374.079.0002a05.01ཅིང་རྣམ་ཤེས་པས། །སྔགས་ཀྱི་གཙོ་བོ་ཉིད་ནི་བཏུ། །བཀོད་པ་ལས་ནི་སྔགས་བཏུས་པས། །མྱུར་དུ་དངོས་གྲུབ་འབྲས་བུ་འཐོབ། །དཔལ་ཁྲག་འཐུང་མངོན་པར་འབྱུང་བ་ལས་སྔགས་དགོད་པའི་ཆོ་གའི་ལེའུ་ཞེས་བྱ་བ་སྟེ་གཉིས་པའོ།། །།
D374.079.0002a06.01