完整藏文原文 · 德格版页 当前仅加载第 79 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
སྲོག། །དེ་ཉིད་མཆོག་ཏུ་མི་འགྱུར་བ། །ཀུན་ལ་ཁྱབ་པ་དེ་ཉིད་རྙེད། །དེ་ནི་ལུས་ཀུན་ལ་ནི་གནས། །དེ་ཉིད་སངས་རྒྱས་ཡེ་ཤེས་ཏེ། །དཔལ་ལྡན་ཧེ་རུ་ཀ་ཡིས་གསུངས། །སྔགས་འདི་དག་ནི་ཡང་དག་འབྱུང་། །གང་ཞིག་ལ་ལར་རབ་ཏུ་གནས། །བསྟན་
D374.079.0007b01.01བཅོས་མཐའ་དག་ས་སྟེང་དུ། །གྲུབ་མཐའ་ངེས་པ་ཡང་དག་གནས། །འདི་ནི་ཤེས་པས་འགྲུབ་པ་སྟེ། །སྔགས་རྣམས་ཀུན་ནི་ཐེ་ཚོམ་མེད། །འཇིག་རྟེན་འདི་དང་ཕ་རོལ་ཏུ། །དེ་མེད་པར་ཡང་དངོས་གྲུབ་མེད། །གྲུབ་མཐའ་རིག་བྱེད་མཐའ་དག་ནི། །སྙིང་པོ་
D374.079.0007b02.01གཅིག་ཏུ་རབ་གྲགས་པ། །བདག་ཉིད་ཀྱིས་ནི་འགྲུབ་པར་འགྱུར། །རྣལ་འབྱོར་བདག་ཉིད་གཉིས་མེད་ཟློས། །དངོས་གྲུབ་ཐམས་ཅད་ཐེ་ཚོམ་མེད། །ལས་རྣམས་ཀུན་གྱིས་གོས་མེད་དེ། །རབ་འཕེལ་ཀུན་ཏུ་གཙོ་བོར་འགྱུར། །ལུས་རྣམས་ཀུན་ལ་རྣམ་པར་གནས། །
D374.079.0007b03.01དཔལ་ལྡན་ཁྲག་འཐུང་ལྷར་ཤེས་བྱ། །རིགས་རྣམས་ཀུན་ལ་ཀུན་ཏུ་སྤྱད། །ཁ་ཟས་ལ་ནི་བརྟག་མི་བྱ། །འདི་ནི་དོན་དམ་ཡེ་ཤེས་ཏེ། །འདི་ནི་གོ་འཕང་མཆོག་ཡིན་ནོ། །སྔགས་རྣམས་སྙིང་པོ་འདི་དག་ནི། །འཇིག་རྟེན་ཀུན་ལ་སྟེར་བ་ཡིན། །དཔལ་ཁྲག་འཐུང་
D374.079.0007b04.01མངོན་པར་འབྱུང་བ་ལས་རྡོ་རྗེ་ཕག་མོའི་རྩ་བའི་སྔགས་ཀྱིས་ཐམས་ཅད་དག་པའི་ལེའུ་ཞེས་བྱ་བ་སྟེ་དགུ་པའོ།། །།དེ་ནས་སྔགས་འདི་ཐོབ་པ་ཡིས། །རང་འདོད་དཀྱིལ་འཁོར་བྱས་ནས་ནི། །རྡོ་རྗེ་ཕག་མོ་མ་དེ་གཞག །རབ་ཏུ་འབད་པས་བཟླས་པ་བྱ། །རང་
D374.079.0007b05.01འབྱུང་རྡུལ་ནི་དམར་པོ་ཡིས། །ཡུལ་ནས་རྙེད་པའི་རས་གཏུབ་ཅིང་། །བྱི་ལ་ཡི་ནི་རྟུག་པ་ཉིད། །དངོས་གྲུབ་འདོད་པས་སྤོས་སུ་བྱ། །བཅོམ་ལྡན་འདས་ཀྱིས་བྱིན་གྱིས་རློབ། །སྤོས་བཟང་འདི་ནི་སྔགས་རིག་གོ། །རྡོ་རྗེ་ཕག་མོའི་ཕྱག་རྒྱ་ཡིས། །ཐོད་པ་ཁ་སྦྱར་
D374.079.0007b06.01བཅིང་བར་བྱ། །སྐྲ་ཡི་སྦྱིན་སྲེག་བརྗོད་པ་སྟེ། །དེ་ལྟར་མ་རྟོགས་མཉམ་བཤད་པའི། །དམ་ཚིག་རབ་ཏུ་བསྐྱང་བར་བྱ། །རྟག་ཏུ་ཕྱག་རྒྱ་མཆོད་བྱ་སྟེ། །རྟག་ཏུ་བཟའ་བཏུང་བྱ་བ་ཡིན། །འདི་ལྟར་སྔགས་ཞེས་བྱ་བ་ཡིན། །དངོས་གྲུབ་ཐམས་ཅད་རབ་ཏུ་སྟེར། །
D374.079.0007b07.01