完整藏文原文 · 德格版页 当前仅加载第 79 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རོ་ཡི་ཆར་པ་འབབ། །འདོད་པའི་གནས་ནི་མཆོག་ཡིན་ཏེ། །ཆགས་དང་བྱམས་པས་ཀུན་ཏུ་གང་། །ཕོ་ཉ་ཀུན་དང་མཉམ་པར་སྤྱོད། །དཔའ་བོ་དང་ནི་ཡང་དག་ལྡན། །ནགས་ཀྱི་དབུས་ན་རྩེ་བ་སྟེ། །དཔལ་ལྡན་རྡོ་རྗེ་འཆང་དབང་ཕྱུག །
D374.079.0015a01.01གླུ་དང་གླིང་བུ་གར་ལ་སོགས། །ཟངས་དུང་སྒྲ་ནི་མཉམ་པའི་རིགས། །རྔ་རིང་གི་ནི་སྒྲ་ལ་སོགས། །ཆ་ལང་སྒྲ་ནི་ཆེན་པོ་དང་། །རྫ་རྔར་བྱས་པའི་སྒྲ་དག་དང་། །པ་ཊ་ཧ་ནི་བརྡུངས་པའི་སྒྲ། །པི་ཝང་དགུ་པོ་རྒྱུད་མང་སྒྲ། །རོལ་མོ་ཀུན་གྱི་སྒྲ་ཆེན་པོས། །དཔལ་ཆེན་
D374.079.0015a02.01བཅས་པར་རྩེ་བ་སྟེ། །ཀུན་ཏུ་ཡོངས་སུ་ཁེངས་པ་ཡིན། །དེ་ཡིས་སྦྱོར་བའི་དངོས་གྲུབ་འགྱུར། །ཇི་སྲིད་སྙིང་པོ་སྐྱེས་ཀྱི་བར་དུའོ། །དཔལ་ཁྲག་འཐུང་མངོན་པར་འབྱུང་བ་ལས་བཟླས་པའི་མཚན་ཉིད་དང་། །མཆོད་པ་དང་རྩེ་བའི་རྩེད་མོའི་ཆོ་གའི་ལེའུ་ཞེས་བྱ་བ་
D374.079.0015a03.01སྟེ་བཅུ་དགུ་པའོ།། །།དེ་ནས་དངོས་གྲུབ་རྣལ་འབྱོར་ཆེ། །སྦྱིན་སྲེག་ལས་ནི་རབ་བསྒྲུབ་པ། །དངོས་གྲུབ་ཀུན་གྱི་དབང་ཕྱུག་རྒྱལ། །སྦྱིན་སྲེག་གཉིས་མེད་དགང་བླུགས་ཀྱིས། །མཉམ་མེད་སྐལ་བཟང་དེ་ཡི་ནི། །དངོས་གྲུབ་ཀུན་ནི་སྐྱེ་བ་སྟེ། །སྐྱེ་ཤི་རྒ་
D374.079.0015a04.01དང་མྱ་ངན་དབུལ། །མྱུར་བ་ཉིད་དུ་བརླག་པར་འགྱུར། །རྒྱལ་པོའི་དོན་དུ་སྒྲུབ་པ་པོས། །སྟོང་ཕྲག་བཅུ་ཡི་སྔགས་ནི་བཟླས། །ཕོ་ཉའི་སྟེང་དུ་གནས་ནས་ནི། །སྦྱིན་སྲེག་སྟོང་ཕྲག་ལྔ་རུ་བྱ། །ཤ་ཆེན་དང་ནི་འོ་མར་བསྣོས། །སྦྱིན་སྲེག་དགང་བླུགས་རིམ་པ་ཡིས། །
D374.079.0015a05.01དཔག་ཚད་འབུམ་ཕྲག་བརྒྱ་ཡི་བར། །གཡོག་འཁོར་ཕུན་སུམ་ཚོགས་པར་འགྱུར། །དངོས་གྲུབ་ཆེན་པོ་རྒྱལ་དབང་དཔལ། །མ་ཉམས་ཀུན་ཏུ་ཁྱབ་ཅིང་འགྲོ། །སྔགས་པས་དུས་བཞི་རུ་ནི་གསོན། །དེ་ལ་སུས་ཀྱང་གནོད་མི་ནུས། །གཉིས་མེད་ཡེ་ཤེས་རྣལ་འབྱོར་གྱིས། །
D374.079.0015a06.01སྟོང་ཕྲག་སུམ་ཅུ་རྩ་གཉིས་བཟླས། །བ་ལང་ཤ་དང་ཤ་ཆེན་དང་། །ཅེ་སྤྱང་ཤ་ཡིས་དགང་བླུགས་ནི། །ཆང་དང་འོ་མ་མཉམ་པར་བསྣོས། །སྦྱིན་སྲེག་འབུམ་ཕྲག་གཅིག་ཏུ་བྱ། །གླིང་བདུན་གྱི་ནི་རྒྱལ་དབང་པོར། །འདི་ཡིས་དཔལ་ཆེན་ལོངས་སྤྱོད་འགྱུར། །ཇི་སྲིད་
D374.079.0015a07.01