完整藏文原文 · 德格版页 当前仅加载第 79 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
བླང་། །ལུས་ཀྱི་སྔགས་ཀྱི་ང་རྒྱལ་གྱིས། །འདབ་མ་བརྒྱ་ནི་སྦྱིན་སྲེག་བྱ། །སེམས་ཀྱིས་ཡིད་ལ་ཅི་འདོད་པ། །སྦྱིན་སྲེག་ཕོ་ཉའི་ཡེ་ཤེས་དང་། །གཏོར་མ་སྦྱིན་པའི་བྱེ་བྲག་དང་། །གཉིས་མེད་ཡེ་ཤེས་རྣལ་འབྱོར་གྱིས། །ཕྱག་རྒྱ་བཅིང་བ་བསམ་པར་བྱ། །
D374.079.0017b01.01བསྒྲུབ་བྱ་དེ་ཡིས་འགུགས་པར་འགྱུར། །རྒྱལ་པོའི་བུ་མོ་བུད་མེད་མཆོག །འཁོར་ལོས་སྒྱུར་བར་བཅས་པ་དང་། །གཞན་དུ་བྱ་བ་བརྟག་མི་དགོས། །དངོས་གྲུབ་འདི་རྣམས་མཆོག་ཏུ་གསང་། །རྣལ་འབྱོར་མཆོག་ནི་མངོན་དུ་བསྒྲུབ། །མདུན་དུ་དགྱེས་བྱེད་
D374.079.0017b02.01མཆོག་གིས་སོ། །ཡང་ན་ལས་མཆོག་དམ་པ་དག །སྒྲུབ་པོས་བསྒྲུབ་བྱའི་ལུས་དག་ནི། །ཙན་དན་དམར་པོའི་རང་བཞིན་ལས། །གཟུགས་བརྙན་དག་ནི་རབ་ཏུ་བྱས། །རང་གི་ཁྲག་དང་གི་ཝང་གིས། །མངོན་པར་བྲིས་ཏེ་སྙིང་གར་གཞག །ཚ་བ་གསུམ་གྱིས་
D374.079.0017b03.01ལུས་ནི་བྱུག །ཟངས་ཀྱི་ཁབ་ཀྱིས་བསྒྲུབ་བྱ་ཡི། །སྙིང་དང་ལྟེ་བ་གསང་བ་རུ། །གནས་གསུམ་དག་ནི་ཕུག་པ་སྟེ། །ནམ་ཕྱེད་ཀྱི་ནི་དུས་དག་ཏུ། །སྙིང་པོའི་སྔགས་ནི་གོ་བཟློག་བཟླས། །གང་འདོད་དེ་ནི་འགུགས་པར་འགྱུར། །སེང་ལྡེང་མེ་ལ་དེ་སྲིད་
D374.079.0017b04.01གདུང་། །སྔགས་ནི་རྗེས་སུ་དྲན་པ་ཡིས། །བསྒྲུབ་བྱ་མྱུར་དུ་འོང་བར་འགྱུར། །གནས་དེར་སངས་རྒྱས་འཇིག་རྟེན་སོགས། །རྡོ་རྗེ་སེམས་དཔའ་དག་ཀྱང་ནི། །རླུང་གི་ཤུགས་ཀྱིས་འོང་བར་འགྱུར། །སྔགས་འདི་དག་ནི་དྲན་ཙམ་གྱིས། །འཇིག་རྟེན་
D374.079.0017b05.01གསུམ་ནི་དབང་དུ་འགྱུར། །ནམ་མཁའི་བྱ་ཡང་ལྷུང་བར་འགྱུར། །ཤིང་རྣམས་ཀྱང་ནི་གུས་པར་འགྱུར། །ཆུ་ནི་རྒྱུན་ལས་ལྡོག་པ་སྟེ། །འཁྲུལ་འཁོར་དང་ནི་གླང་ཆེན་དང་། །རྟ་དང་སྦྲུལ་དང་སྤྲེའུ་དག་དང་། །མཚོ་ཡི་རླབས་ནི་འཆིང་བར་བྱེད། །ཇི་ལྟར་ཐང་ལ་
D374.079.0017b06.01འགྲོ་བ་བཞིན། །དེ་ལྟར་ཆུ་ལ་འགྲོ་བར་འགྱུར། །གསེར་གྱི་བཙག་གིས་བྷ་ག་བྲི། །དེ་སྟེང་ལག་པ་གཡོན་པ་ནི། །བཞག་སྟེ་བརྒྱ་རྩ་བརྒྱད་བཟླས་བྱ། །གང་གི་མིང་ནི་གཟུང་ན་ནི། །དེ་ནི་དེ་མ་ཐག་ཏུ་འོང་། །རང་གི་མལ་སྟན་ལ་གནས་ཏེ། །ལག་པ་གཡོན་པར་རང་
D374.079.0017b07.01