完整藏文原文 · 德格版页 当前仅加载第 79 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་ཆོ་གའི་རིམ་པ་ནི། །མཚན་ཉིད་ཀུན་ལ་བྲལ་གྱུར་ན། །སྡིག་པ་དང་ནི་ཡང་དག་ལྡན། །དངོས་གྲུབ་རབ་ཏུ་བརླག་པར་འགྱུར། །རྟོག་པ་འདི་ཡི་ཚད་མ་རྣམས། །སྙིང་པོ་རུ་ནི་རབ་ཏུ་སྒྲོགས། །ཁྱབ་འཇུག་དྲག་པོ་དབང་པོ་
D374.079.0014a01.01དང་། །ཚངས་པ་ལ་སོགས་པ་དག་དང་། །བྱང་ཆུབ་སེམས་དཔའ་རྣམས་དང་ནི། །དྲང་སྲོང་སྣ་ཚོགས་དག་པ་དང་། །ཀླུ་དང་དྲི་ཟ་ལྷ་རྣམས་ཏེ། །རོ་ལངས་ནམ་མཁའ་ལྡིང་ལ་སོགས། །དྲག་པོ་ལྷ་མིན་མི་འམ་ཅི། །ཤ་ཟ་དང་ནི་སྲིན་པོ་སོགས། །ཉི་མ་
D374.079.0014a02.01ཟླ་བ་སྐར་མ་བཅས། །འཇིག་རྟེན་སྐྱོང་བ་བགེགས་ཀྱི་རྒྱལ། །མ་མོའི་དཀྱིལ་འཁོར་རྣལ་འབྱོར་མ། །མཁའ་འགྲོ་མ་ནི་སྣ་ཚོགས་དང་། །ལཱ་མ་དང་ནི་དུམ་སྐྱེས་མ། །གཟུགས་ཅན་མ་ནི་སླར་ལྡོག་མ། །འདོད་མ་སངས་རྒྱས་དབང་དང་ནི། །གྲུབ་པའི་རིག་
D374.079.0014a03.01པ་འཛིན་པ་དང་། །གནོད་སྦྱིན་ཕོ་དང་གནོད་སྦྱིན་མོ། །ཕྱོགས་ཆེན་དཔའ་མོ་ཨུ་མ་ལ། །ཇི་ལྟར་བདེ་བར་རྩེ་ཞིང་རྩེ། །དེ་ནས་གྲུབ་པའི་དཔའ་བོ་ཆེ། །སྔགས་རྣམས་ཀྱིས་ནི་འདི་དག་གིས། །དེ་ལྟར་གྲུབ་པའི་སྔགས་ཆེན་པོ། །རིག་པ་ཡིས་ནི་རྣལ་འབྱོར་སྐྱེ། །
D374.079.0014a04.01དཔལ་ཁྲག་འཐུང་མངོན་པར་འབྱུང་བ་ལས་རོ་ལངས་ཆེན་པོ་བསྒྲུབ་པའི་ཐབས་ལྷ་ཐམས་ཅད་དང་རྩེ་ཞིང་བདེ་བའི་ཆོ་གའི་ལེའུ་ཞེས་བྱ་བ་སྟེ་{བཅྭ་,བཅོ་}བརྒྱད་པའོ།། །།དེ་ནས་ཡང་དག་བཤད་བྱ་བ། །སྙིང་པོའི་སྔགས་སོགས་བཟླས་པ་ལ། །ཕྲེང་བའི་རིགས་དང་
D374.079.0014a05.01གྲངས་དག་དང་། །ཆོ་གས་རྣལ་འབྱོར་བཟླས་པ་བྱ། །ཤེལ་དང་ཉ་ཕྱིས་མུ་ཏིག་དང་། །རུ་དྲཱ་ཀྵ་ནི་མཛེས་པ་ཡིན། །རྡོ་རྗེའི་མིག་གིས་དངོས་གྲུབ་སྟེར། །པུ་ཏྲ་ཛཱི་བ་ཀུན་ལ་བཤད། །ནི་བར་ཏ་དང་ལུང་ཐང་དང་། །ཚེ་རིང་ནད་མེད་འཕེལ་བ་ཡིན། །དབང་
D374.079.0014a06.01དུ་བྱེད་དང་ཞི་འདོད་དང་། །ནོར་འཕེལ་བ་ནི་བྱེད་པ་ཡིན། །བྱི་རུ་ཡིས་ནི་འཕེལ་བ་དང་། །རིན་ཆེན་ཕྲེང་བས་མཛེས་པ་ཡིན། །གསེར་གྱི་ཕྲེང་བ་དག་དང་ནི། །སྒྲུབ་པོས་རིན་ཆེན་ཕྲེང་བ་བསྲེལ། །རྒྱལ་པོའི་དོན་དུ་སྔགས་པས་བཟླས། །དཔལ་ནི་ཆེ་བ་ཉིད་དུ་ཐོབ། །
D374.079.0014a07.01