完整藏文原文 · 德格版页 当前仅加载第 79 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
གསང་བ་ཆེན་པོའོ། །ལྟེ་བའི་རྩ་བར་པདྨ་གནས། །གེ་སར་བཅས་ཤིང་འོད་དང་ལྡན། །རང་བཞིན་ཀུན་ནི་ཤེལ་དག་ལྟར། །བཅུ་དྲུག་ལ་སོགས་ཀྱིས་ནི་བསྐོར། །ཡི་གེ་མཉམ་པར་སྦྱོར་བ་སྟེ། །ནམ་མཁའ་སྦྱར་བའི་བདག་ཉིད་དོ། །དེ་ཉིད་དབུས་སུ་
D374.079.0032b01.01སྟོང་པ་ཆེ། །སྤྲོ་དང་སྡུད་པར་བྱེད་པ་ཡིན། །གང་གིས་མིང་ནི་ཀུན་རང་བཞིན། །གང་གིས་ཡོངས་སུ་གྲགས་པའོ། །ཉི་མ་ཟླ་བ་རྣམ་དག་སྟེ། །འཆར་དང་ནུབ་པར་བསྟན་པ་ཡིན། །སྡིག་པ་ཀུན་ལས་རྣམ་པར་གྲོལ། །བསོད་ནམས་ཐམས་ཅད་རྣམ་པར་
D374.079.0032b02.01འཕེལ། །པདྨའི་སྣ་རྩེར་ཡུངས་ཀར་ཙམ། །རྒྱུ་དང་མི་རྒྱུའི་རང་བཞིན་ཀུན། །ཡིད་ཀྱིས་བཟླས་པར་ཡང་དག་ལྡན། །ཕྱི་ཡི་དབྱངས་ནི་རྣམ་པར་སྤངས། །དེ་ཡི་ཡེ་ཤེས་སངས་རྒྱས་ཏེ། །གཞན་གྱིས་སངས་རྒྱས་མི་འགྱུར་རོ། །རྟག་ཏུ་སེམས་དཔའ་དངོས་པོ་
D374.079.0032b03.01ཤེས། །ཁྲུས་མེད་དྲི་མ་མེད་པ་སྟེ། །བདེ་བའི་ཆོས་ནི་དེ་བཞིན་གཤེགས། །ལོངས་སྤྱོད་རྫོགས་པའི་སྐུ་རང་བཞིན། །ཐམས་ཅད་མེ་ཡི་རྣམ་པ་རུ། །མཐོང་བ་མཚན་མ་དང་པོའོ། །སྲིན་བུ་མེ་ཁྱེར་རྣམ་པ་ཡི། །མཚན་མ་གཉིས་པར་མཚོན་པ་ནི། །རྡུལ་
D374.079.0032b04.01ཕྲན་དཀར་པོའི་རྣམ་པ་རུ། །ཕྱོགས་བཅུར་འཇིག་རྟེན་མཐོང་བ་ཡིན། །ཉོན་མོངས་འདོན་པའི་ལས་རྣམས་ནི། །རྣལ་འབྱོར་པ་ཡི་མཚན་ཉིད་དང་། །འདོད་པ་ལྷ་ཡི་ལོངས་སྤྱོད་མྱང་། །བཞི་པ་མཐོང་བར་བསྟན་པའོ། །ལྷ་གཟུགས་མཐོ་རིས་ལྷ་རྣམས་ནི། །
D374.079.0032b05.01གང་ལ་མཐོང་བར་སེམས་པའོ། །དྲུག་པ་འཇིགས་པ་ལོངས་སྤྱོད་དོ། །བདུན་པ་ཆོས་ཀྱི་དབྱིངས་ཉིད་དེ། །བརྒྱད་པར་འདོད་པའི་སངས་རྒྱས་ཉིད། །རྣལ་འབྱོར་རྣམས་ཀྱིས་འབྲས་བུ་འཐོབ། །སྐྲ་ཡི་རྩེ་མོ་བརྒྱར་གཤགས་ཆ། །རྡུལ་ཕྲན་ཤིན་ཏུ་བསམ་པར་བྱ། །སྟོང་པ་ལ་སོགས་
D374.079.0032b06.01དམིགས་མི་བྱ། །གཟུགས་ལ་སོགས་པ་མི་བལྟ་སྟེ། །རྡུལ་མེད་ས་བོན་མེད་པ་བཞིན། །གཟུགས་མེད་མཚན་ཉིད་མེད་པའོ། །རྣམ་ཤེས་ཡེ་ཤེས་གཟུང་མ་ཡིན། །རྣམ་ཤེས་དེ་ཡི་རང་བཞིན་ཏེ། །མངོན་ཤེས་བརྒྱད་པོ་ཡང་དག་འཐོབ། །ཀུན་མཁྱེན་ཀུན་བྱེད་གཙོ་བོ་སྟེ། །ཡེ་ཤེས་
D374.079.0032b07.01