完整藏文原文 · 德格版页 当前仅加载第 79 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་དངོས་གྲུབ་འབྲས་སྐལ་ལྡན། །རྟག་ཏུ་དེ་ལ་བུད་མེད་བཟང་། །སྒྲུབ་པོ་ལ་ནི་འོང་བར་འགྱུར། །འདོད་པས་བརྒྱལ་བར་གྱུར་ན་ནི། །སྣ་ཚོགས་ཀུན་ཏུ་འཛག་པ་སྟེ། །སེམས་ནི་འདོད་པས་དགྱེས་ནས་སུ། །དེ་རྣམས་ཀུན་ནི་འོང་
D374.079.0025a01.01བར་འགྱུར། །རྟག་ཏུ་བཟླས་ན་བུད་མེད་རྣམས། །རྒན་དང་གཞོན་པ་དབང་དུ་འགྱུར། །བྱིན་གྱིས་རློབ་པ་བྱེད་པར་འགྱུར། །རང་གི་ཁྱིམ་དུ་ཞུགས་ནས་ནི། །ཇི་ལྟར་འདོད་པ་བཞིན་བརྟག་པའི་ལས་འདི་ཉེ་བར་སྤྱད་པ་ནི། ལས་ཀུན་བྱེད་པར་འགྱུར་རོ། །མཚན་ཐོག་
D374.079.0025a02.01ཐག་ཏུ་བཟླས་པ་བྱས་ཏེ། སྒྲུབ་པ་པོ་ཤིན་ཏུ་མཉམ་པར་གཞག་པས་ཕོ་ཉ་སྒྲུབ་བོ། །དེའི་ལག་མཐིལ་དུ་སོང་བའི་དཔལ་སུས་ཀྱང་འཕྲོག་པར་མི་ནུས་སོ། །ཁང་སྟོང་དུ་ཞུགས་ནས་ནུབ་ཏུ་ཁ་བལྟས་ཏེ། སྟན་ལ་འདུག་ནས་གོས་ཀྱིས་ཡོལ་བར་བྱས་ཏེ། དེ་ལ་བཟའ་
D374.079.0025a03.01བ་དང་བཏུང་བའི་སྟོན་མོ་བྱིན་ཏེ། སྨན་རྣམ་པ་ལྔས་སྤོས་བྱས་ཏེ་མར་ཁུ་ཆེན་པོས་མེ་མར་རབ་ཏུ་སྦར་ལ་སྟོང་ཕྲག་གཅིག་ཏུ་བཟླས་པ་བྱས་ཏེ། དེ་ནས་རྣལ་འབྱོར་མ་ཐམས་ཅད་འོངས་ནས་དཀྱིལ་འཁོར་ལ་ཞུགས་ཏེ་སྒྲུབ་པ་པོ་ལ་འདས་པ་དང་། མ་འོངས་པ་དང་།
D374.079.0025a04.01ད་ལྟར་བྱུང་བ་ཐམས་ཅད་སྟོན་པར་འགྱུར་རོ། །ཤ་དང་ཁ་ཟས་ཀྱི་ལྷག་མས་རྣལ་འབྱོར་མ་རྣམས་ལ་གཏོར་མ་བྱིན་ཏེ། གིའུ་ཝང་ལ་བརྒྱད་བརྒྱར་མངོན་པར་བསྔགས་ནས་མིག་ལ་ཨཉྫ་བྱུགས་ན་མི་སྣང་བར་འགྱུར་རོ། །གང་གིས་ནམ་ཡང་འདི་དམ་ཚིག་མེད་
D374.079.0025a05.01པ་ལ་བརྗོད་པར་མི་བྱ་སྟེ། རྣལ་འབྱོར་མ་ཐམས་ཅད་ཀུན་ནས་འགྲོ་བར་འགྱུར་རོ། །ཇི་ལྟར་དཔལ་ཧེ་རུ་ཀ་ལ་མཆོད་པ་བཞིན། དེ་ལྟར་སློབ་དཔོན་རབ་ཏུ་འབད་པས་མཆོད་དོ། །ཆོ་ག་བཞིན་དུ་དགྱེས་པར་བྱས་ཏེ་དཔལ་ཧེ་རུ་ཀ་དགྱེས་པར་བྱས་ནས་རྣལ་འབྱོར་མ་
D374.079.0025a06.01རྣམས་འདིས་དགྱེས་ནས་མཆོག་སྟེར་ཞིང་། སློབ་དཔོན་དགྱེས་ནས་ཐམས་ཅད་དགྱེས་པར་ཐེ་ཚོམ་མེད་དོ། །དཔལ་ཁྲག་འཐུང་མངོན་པར་འབྱུང་བ་ལས། དཔལ་རྡོ་རྗེ་ཕག་མོའི་ཉེ་བའི་སྙིང་པོའི་སྔགས་བཏུ་བའི་ལས་ཀྱི་ཆོ་གའི་ལེའུ་ཞེས་བྱ་བ་སྟེ་སུམ་ཅུ་རྩ་བཞི་པའོ།། །།
D374.079.0025a07.01