完整藏文原文 · 德格版页 当前仅加载第 79 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་འཐོབ་པར་འགྱུར། །རིང་པོ་ནས་ཀྱང་རྣམ་ཤེས་བྱ། །ཁྱིམ་མམ་ཞིང་ལ་རྣམ་གནས་ནས། །ཁྲག་འཐུང་རྣལ་འབྱོར་ལས་གཞན་མིན། །སློབ་དཔོན་རྣལ་འབྱོར་མ་ཡིན་ཏེ། །ཡིད་ཅན་གྱིས་ནི་རྒྱུད་འདི་རུ། །རྣལ་འབྱོར་ཐམས་ཅད་ཤེས་པར་བྱ། །
D374.079.0012b01.01གཞན་དུ་ནམ་ཡང་མ་ཡིན་ནོ། །སྔོན་དུ་དང་བ་ལ་བརྟེན་ནས། །གུས་པ་ཡིས་ནི་མཆོད་པར་བྱ། །རྟག་ཏུ་མ་མོས་རྣམ་པར་གནས། །གཉིས་སུ་མེད་དང་ངོ་ཚ་མེད། །ཕྱག་རྒྱ་ཤིན་ཏུ་རྣལ་འབྱོར་ལྡན། །ཚུལ་ཁྲིམས་ཡང་དག་བརྗོད་པ་ཡིན། །སྐྱེ་བའི་ཡུལ་
D374.079.0012b02.01ལས་སྐྱེས་པ་དང་། །དམ་ཚིག་ཡང་དག་བསྲུང་བ་ཡིན། །སེམས་ཀྱི་བདག་ཉིད་སྙིང་རྗེས་ཕན། །དམ་ཚིག་ཅན་ལ་ཁྲོ་མིན་ཏེ། །མ་གུས་པ་ལ་བཤད་མི་བྱ། །མཚན་མོ་ཐོག་ཐག་བཟླས་པ་བྱ། །རྣལ་འབྱོར་མ་ལ་མཆོད་པར་བྱ། །བཅུ་དྲུག་གཉིས་མེད་
D374.079.0012b03.01རྒྱལ་པོའི་དོན། །ནུབ་མོ་རུ་ནི་དམ་ཚིག་སྟེ། །དཔའ་བོ་རྟག་ཏུ་གཅེར་བུ་ཡིན། །སྒྲུབ་པོས་སྔགས་དང་ཕྱག་རྒྱ་དང་། །ཕྱག་རྒྱ་ལྔ་དང་ཡང་དག་ལྡན། །སྒྲུབ་པོ་ལས་ནི་མཉམ་པར་བརྩམ། །བདག་ཉིད་ཕོ་ཉ་མཆོག་ཀུན་དང་། །རྣལ་འབྱོར་གཉིས་མེད་
D374.079.0012b04.01གནས་ན་ནི། །དེ་ལས་འབྱུང་བའི་རྫས་ཀྱིས་བསྒྲུབ། །དེ་བཞིན་མཐོང་དང་རེག་པ་པོས། །ཉིན་མོ་རྟག་ཏུ་གསང་བ་སྟེ། །རྟག་ཏུ་ནུབ་མོ་གསལ་བར་བྱ། །སྲོག་ཆགས་པགས་པས་ཤམ་ཐབས་བྱ། །བདེ་བའི་དོན་དུ་བསྐྱོད་པར་བྱ། །སྒྲུབ་པ་པོ་ནི་དངོས་གྲུབ་ཉིད། །
D374.079.0012b05.01དག་པ་རྣམ་གསུམ་གྱིས་འགྲུབ་སྟེ། །དཔལ་ལྡན་ཁྲག་འཐུང་གཉིས་མེད་གནས། །ཞལ་ནི་དཀར་གནག་དང་སྨྲ་དང་། །མི་སྨྲའི་དཀའ་ཐུབ་ལ་སོགས་སྤངས། །དང་པོ་ཡི་ནི་དག་པ་ཡི། །སྒྲུབ་ཐབས་ཀུན་གྱི་མཚན་ཉིད་དང་། །བྱོལ་སོང་ཟོས་པས་བསོད་ནམས་སོག །
D374.079.0012b06.01གཉིས་པའི་དག་པ་བརྗོད་བྱ་བ། །ཟླ་བའི་ཆུ་ནི་འཐུངས་པ་ཉིད། །གསུམ་པ་གཉིས་མེད་བརྗོད་པའོ། །དཔལ་ཁྲག་འཐུང་མངོན་པར་འབྱུང་བ་ལས་ཚོགས་ཀྱི་དཀྱིལ་འཁོར་ལ་མཆོད་པ་དང་དབང་བསྐུར་བའི་ཆོ་གའི་ལེའུ་ཞེས་བྱ་བ་སྟེ་{བཅྭ་,བཅོ་}ལྔ་པའོ།། །།
D374.079.0012b07.01