完整藏文原文 · 德格版页 当前仅加载第 79 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བསྔགས་པ་བྱས་ནས་སྤྱི་བོར་བཟུང་ན་མི་སྣང་བར་འགྱུར་རོ། །མི་སྣང་བར་གྱུར་ཀྱང་བུད་མེད་ཐམས་ཅད་ཀྱིས་མཆོད་པར་འགྱུར་རོ། །མེ་ཏོག་ལ་མངོན་པར་བཟླས་ཏེ་མངོན་པར་གཏོར་ན་དེ་ཉིད་དུ་གནས་པར་འགྱུར་རོ། །ཡིད་ཀྱིས་ནི་གྲོལ་བར་འགྱུར་རོ། །འཛིམ་
D374.079.0022b01.01(བའི་,ཕའི་)གོང་བུ་ལ་ཡོངས་སུ་བཟླས་ཏེ་སྤྱི་བོར་བཟུང་ན་སྤྱི་བོ་མི་མཐོང་བར་འགྱུར་རོ། །ཡིད་ཀྱིས་ནི་གྲོལ་བར་འགྱུར་རོ། །དཔའ་བོའི་ཆུ་ལ་ཡོངས་སུ་བཟླས་ཏེ་བསྣུན་ན་འགྱེལ་བར་འགྱུར་རོ། །ཡིད་ཀྱིས་ནི་གྲོལ་བར་འགྱུར་རོ། །ཕྱག་རྒྱ་ཡོངས་སུ་བརྗེ་ཞིང་བསྒོས་ན་
D374.079.0022b02.01གཟུགས་ཡོངས་སུ་བརྗེ་བར་འགྱུར་རོ། །ཛཱ་ཏི་དང་ཙམ་པ་ཀའི་མེ་ཏོག་རྣམས་ལ་རྟག་ཏུ་མངོན་པར་བསྔགས་པ་བྱས་ནས་གན་ཏི་ཀ་དང་སྦྱར་བའི་དྲིས་འགུགས་པར་འགྱུར་རོ། །ཆང་ཡང་དྲི་ཆེན་དུ་དྲི་འགྱུར་བར་ཐེ་ཚོམ་མེད་དོ། །དཔལ་ཁྲག་འཐུང་མངོན་པར་
D374.079.0022b03.01འབྱུང་བ་ལས་དཔལ་རྡོ་རྗེ་ཕག་མོའི་སྙིང་པོའི་སྔགས་ཀྱི་ཆོ་གའི་ལེའུ་ཞེས་བྱ་བ་སྟེ་ཉི་ཤུ་རྩ་དགུ་པའོ།། །།དེ་ནས་གསང་བ་ཐམས་ཅད་ཀྱི། །ཡིད་འོང་སྟོན་མོ་ལ་འདུས་པ། །གང་ཞིག་ཡང་དག་ཤེས་པ་ནི། །གཉིས་མེད་ཡེ་ཤེས་རྣལ་འབྱོར་ར་རྣམས། །ཤ་དང་ཆང་
D374.079.0022b04.01དུ་ལྡན་པ་ཡི། །སྟོན་མོ་སྣ་ཚོགས་ཀྱིས་ནི་འགྲུབ། །སྐལ་ལྡན་མཛའ་བའི་ལོངས་སྤྱོད་ཀྱིས། །ཚེ་འདི་དམ་པར་འགྲུབ་པར་འགྱུར། །སྐྱེས་པ་དང་བུད་མེད་ཀྱི་གན་དུ་སོང་སྟེ་རིན་པོ་ཆེ་རྣམས་སྡུད་པར་བྱེད་དོ། །དེ་ཕྱིར་བླ་མེད་དཀོན་མཆོག་གསུམ། །ཤེས་པར་
D374.079.0022b05.01བྱ་སྟེ་འགྲུབ་པར་འགྱུར། །ཀ་བ་གཅིག་དང་སྒོ་དགུ་དང་། །སྐུད་པ་གསུམ་དང་ལྷ་རྣམས་ནི། །ཐམས་ཅད་གཉིས་མེད་རྣལ་འབྱོར་གྱིས། །རབ་ཏུ་འགྲུབ་པར་ཐེ་ཚོམ་མེད། །ཆུ་ལ་ཡོངས་སུ་བཟླས་ཏེ་ཟླ་བའི་བཏུང་བ་ལ་བླུགས་ན་མེར་འགྱུར་རོ། །ཡིད་ཀྱིས་ནི་
D374.079.0022b06.01གྲོལ་བར་འགྱུར་རོ། །ལས་རྣམས་ཐམས་ཅད་སྒྲུབ་པ་པོས། །དེ་ནས་རི་ཡི་ཆུ་བླངས་ཏེ། །ཙན་དན་དམར་པོ་ཉིད་ལ་ཟླ་བ་དྲུག་ཏུ་ཉེ་བར་ལོངས་སྤྱད་ན་ནད་ཐམས་ཅད་རྣམ་པར་སྤོང་ཞིང་། །ལོ་སྟོང་ཕྲག་གཅིག་ཏུ་གསོན་ཞིང་སྐྲ་དཀར་དང་གཉེར་མ་རྣམས་སྤོང་ངོ་། །
D374.079.0022b07.01