完整藏文原文 · 德格版页 当前仅加载第 79 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
ས་བོན་ནག་པོ་བླངས་ཏེ་སྔགས་པས་དངོས་པོ་ཀུན་གྱི་སྣར་བླུགས་ནས། རྣལ་འབྱོར་པས་བཟླས་ན་གཉེར་མ་དང་སྐྲ་དཀར་དང་མཆི་མ་རྣམས་ཀྱིས་མི་ཚུགས་སོ། །ཚེ་ཉམས་པ་དང་སྐལ་བ་ངན་པ་རྣམ་པར་སྤོང་ངོ་། །ནད་ཐམས་ཅད་
D374.079.0023a01.01རྣམ་པར་སྤངས་ཤིང་ལོ་སྟོང་ཕྲག་གཅིག་ཏུ་གསོན་པར་འགྱུར་རོ། །དོན་རྣམས་ཀུན་གྱི་སྒྲུབ་པ་པོས། །དེ་ལྟར་ཆོ་ག་ཡང་དག་ལྡན། །བཅོམ་ལྡན་མོ་ཡི་ལུས་གཟུགས་ཀྱིས། །བཟླས་དང་བརྟུལ་ཞུགས་བྲལ་བས་ཀྱང་། །མཆོག་ཏུ་འགྲུབ་པར་འགྱུར་བ་ཡིན། །
D374.079.0023a02.01བླ་མའི་སྤྱོད་པ་སངས་རྒྱས་མཉམ། །བརྩོན་འགྲུས་ལྡན་ཞིང་ཕ་རོལ་གནོན། །གྲུ་གསུམ་གྱི་ནི་དཀྱིལ་འཁོར་དུ། །གལ་ཏེ་རྒྱལ་པོ་དེ་མཆོད་བྱེད། །སེམས་ཅན་རྗེས་སུ་གཟུང་བའི་ཕྱིར། །དེ་རུ་རྟག་ཏུ་ང་འདུག་སྟེ། །རང་བྱུང་མེ་ཏོག་ལ་སོགས་པས། །
D374.079.0023a03.01རྟག་ཏུ་བདག་ཉིད་མཆོད་པར་བྱ། །དཔའ་བོས་ཟླ་བ་གཅིག་གིས་འགྲུབ། །ཇི་ལྟར་རང་བཞིན་དེ་བཞིན་འགྱུར། །དེ་ཡི་སྐུ་དྲིན་མཆོག་དེ་ཉིད། །རྡོ་རྗེ་ཕག་མོའི་རྣལ་འབྱོར་མ། །རྣལ་འབྱོར་ཆེན་པོའི་དབང་ཕྱུག་སྟེ། །ཆུང་མ་དགའ་བ་མེད་པར་འགྱུར། །ཡིད་
D374.079.0023a04.01ཀྱིས་སྔགས་ནི་ཡོངས་བཟླས་ན། །གཉིས་མེད་ཡེ་ཤེས་རྣལ་འབྱོར་གྱིས། །སེམས་ཅན་ཐམས་ཅད་དབང་འགྱུར་ཞིང་། །དངོས་གྲུབ་ཐམས་ཅད་ཐེ་ཚོམ་མེད། །དཔལ་ཁྲག་འཐུང་མངོན་པར་འབྱུང་བ་ལས་རྣལ་འབྱོར་མ་རྣམས་ཀྱི་ཚེ་འཕེལ་བ་དང་། མཆོད་པའི་
D374.079.0023a05.01ཆོ་གའི་ལེའུ་ཞེས་བྱ་བ་སྟེ་སུམ་ཅུ་བའོ།། །།དེ་ནས་གསེར་ལ་སོགས་པ་ནི། །ཐམས་ཅད་དགུག་པའི་མཆོག་ཡིན་ནོ། །སྔགས་རྣམས་ཀུན་ནས་སྦས་པ་སྟེ། །རྣལ་འབྱོར་རྒྱུད་གཅིག་རྣལ་འབྱོར་ལྡན། །ནོར་གྱི་བདག་པོའི་ཁྱིམ་སོང་སྟེ། །གསེར་གྱི་ཆུ་
D374.079.0023a06.01ལ་ལན་བདུན་དུ། །མངོན་པར་བསྔགས་པ་བྱས་ནས་ནི། །གང་གི་ཁྱིམ་དུ་གཏོར་བྱས་ཏེ། །ལྷག་མས་བདག་ཉིད་དབང་བསྐུར་ན། །ཉིན་ཞག་བདུན་ན་གསེར་རྣམས་འགུགས། །དཔག་ཚད་སྟོང་ཕྲག་གཅིག་གི་ས། །ཐིག་ལེ་བྱས་ན་བསྒྲུབ་བྱ་འགུགས། །ཆུ་
D374.079.0023a07.01