完整藏文原文 · 德格版页 当前仅加载第 79 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །སོ་བ་ལ་མངོན་པར་བསྔགས་ཏེ་སོ་བའི་བདག་པོའི་ཁྱིམ་དུ་གཏོར་ནས་ལྷག་མས་བདག་ཉིད་དབང་བསྐུར་བར་འགྱུར་རོ། །ཉིན་ཞག་བདུན་གྱི་སོ་བ་ཐམས་ཅད་དང་ནོར་གཞན་ཀུན་འགུགས་པར་འགྱུར་རོ། །དུར་ཁྲོད་ཀྱི་ཤིང་ལ་མཆིལ་ལྷམ་
D374.079.0024a01.01བྱས་ཏེ་མངོན་པར་བསྔགས་ནས། དེ་ལ་མངོན་པར་གནས་ན་གང་དུ་འདོད་པ་དེར་འགྲོ་ཞིང་སླར་ཡང་འོང་བར་འགྱུར་རོ། །བཅོམ་ལྡན་འདས་མའི་སྙིང་པོའི་ཡི་གེ་དྲུག་པ་ཟློས་ཤིང་རྐང་རྗེས་ཀྱི་རྡུལ་དང་ཐལ་བར་བཅས་པ་ལ། ལན་བདུན་མངོན་པར་བསྔགས་པ་བྱས་
D374.079.0024a02.01ནས་གང་ལ་བྱུགས་པ་དེ་རྒྱས་བཏབ་པར་འགྱུར་རོ། །ཡིད་ཀྱིས་ནི་གྲོལ་བར་འགྱུར་རོ། །སྔགས་བཟླས་ཤིང་སྤྱི་བོར་བཅིངས་ན་གང་གིས་ཀྱང་མི་མཐོང་བར་འགྱུར་རོ། །གང་དུ་འདོད་པ་དེར་འགྲོ་བར་འགྱུར་རོ། །ཉི་མ་ལ་མངོན་པར་བལྟས་ཏེ་མིང་དང་སྔགས་བཟླས་ན་
D374.079.0024a03.01དེ་འགུགས་པར་འགྱུར་རོ། །ཞག་གཅིག་གིས་དཔག་ཚད་གཅིག་ཚུན་ཆད་དབང་དུ་འགྱུར་རོ། །ཞག་གསུམ་གྱིས་དཔག་ཚད་བཅུ་ཚུན་ཆད་དོ། །ཞག་བདུན་གྱིས་དཔག་ཚད་ཉི་ཁྲི་ཚུན་ཆད་འགུགས་པར་འགྱུར་རོ། །བྱི་ལའི་སྤུ་དང་གང་གི་མིང་དང་ལྷན་ཅིག་སྦྱིན་སྲེག་
D374.079.0024a04.01བྱེད་ན་དེ་གཟའ་ཆེན་པོས་གཟུང་བར་འགྱུར་རོ། །གང་ལ་དེས་བཅིངས་པ་དེ་བྱི་ལར་འགྱུར་རོ། །དེ་ལྟར་ཁྱི་དང་བྱ་རོག་གི་རྒྱུས་པས་སྲད་བུ་བྱས་ཏེ་མངོན་པར་བསྔགས་ན་དེ་བྱ་རོག་ཏུ་འགྱུར་རོ། །དེ་ལྟར་སེམས་ཅན་གང་གི་སྲད་བུ་བླངས་ཏེ་མངོན་པར་བསྔགས་ནས་མགྲིན་པ་
D374.079.0024a05.01བཅིངས་ན་དེ་ནི་དེ་དང་འདྲ་བར་འགྱུར་བར་ཐེ་ཚོམ་མེད་དོ། །བཀྲོལ་བས་ནི་གྲོལ་བར་འགྱུར་རོ། །སྐྱེས་པའི་སྐྲའི་སྲད་བུ་ལ་ལན་བདུན་མངོན་པར་བསྔགས་པ་བྱས་ནས་བུད་མེད་གང་གི་མགྲིན་པ་ལ་བཅིངས་ན་དེ་ནི་སྐྱེས་པར་འགྱུར་རོ། །དེ་ལྟར་བུད་མེད་ཀྱི་སྐྲ་ལ་སྲད་བུ་
D374.079.0024a06.01བསྒྲིལ་ཏེ་ལན་བདུན་མངོན་པར་བསྔགས་ནས་སྐྱེས་པ་གང་གི་མགྲིན་པར་བཅིངས་པ་དེ་ནི་བུད་མེད་དུ་འགྱུར་རོ། །ལག་པ་ལ་ལན་བདུན་མངོན་པར་བསྔགས་པ་བྱས་ནས་རེག་ན་མངལ་འཕོ་བར་འགྱུར་རོ། །བཀྲོལ་བས་ནི་གྲོལ་བར་འགྱུར་རོ། །དེ་ནས་བཅོམ་ལྡན་འདས་
D374.079.0024a07.01