完整藏文原文 · 德格版页 当前仅加载第 79 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱངས་ཡིག་གཉིས་པ་ཡང་དག་ལྡན། །ཐིག་ལེ་ཡིས་ནི་སྟེང་དུ་བརྒྱན། །ཨན་ཏསྠ་ཡི་བཞི་པ་དང་། །ཉི་ཤུ་རྩ་བཞི་པ་ཉིད་ལ། །མེ་ཡི་བུས་ནི་རྣམ་པར་དབྱེ། །དྲོད་ཀྱི་སྡེ་ཚན་བཞི་པ་ལ། །ལྔ་པ་ཡིས་ནི་ཡང་དག་བརྒྱན། །སྟེང་དུ་སྟོང་
D374.079.0004a01.01པས་རྣམ་པར་བརྒྱན། །དྲུག་པ་ཡི་ནི་གཉིས་པ་དང་། །བཞི་པ་ཡི་ནི་དང་པོ་སྟེ། །འདི་རྣམས་རྐང་པ་བཞི་པ་ཡིན། །འདོད་པའི་དོན་ཀུན་སྒྲུབ་པ་པོ། །བཞི་པ་ཡི་ནི་སྔགས་འདི་དག །མ་བྱུང་འབྱུང་བར་མི་འགྱུར་རོ། །དཔལ་ཁྲག་འཐུང་མངོན་པར་འབྱུང་བ་
D374.079.0004a02.01ལས་སྙིང་པོའི་སྔགས་བཏུ་བའི་ཆོ་གའི་ལེའུ་ཞེས་བྱ་བ་སྟེ་བཞི་པའོ།། །།དེ་ནས་སྔགས་རྣམས་འདི་དག་ནི། །དཔའ་བོ་རྣམས་ལ་སྦྱར་བྱ་བ། །རྣལ་འབྱོར་མ་ནི་རྣམས་ཡིན་ཏེ། །སྔགས་ཀྱི་ཆོ་ག་ཤེས་པས་བཟླས། །གཉིས་མེད་དངོས་གྲུབ་རྣལ་འབྱོར་མ། །
D374.079.0004a03.01གཉིས་པ་ཡི་ནི་ཡི་གེ་ལ། །དབྱངས་ཡིག་བཅུ་གསུམ་པར་ནི་ལྡན། །དྲུག་པའི་ཡི་གེ་བྱེ་བྲག་ཏུ། །དབྱངས་ཡིག་བཅུ་གཅིག་པས་ནི་ལྡན། །བདུན་པར་ཡོངས་སུ་གྲགས་པས་ནི། །དབྱངས་ཡིག་བཞི་པས་ལྡན་པ་ཡིན། །ཡི་གེ་བརྒྱད་པ་དག་ལ་ནི། །དབྱངས་
D374.079.0004a04.01ཡིག་བཅུ་གཉིས་ཡང་དག་ལྡན། །ཡི་གེ་བཅུ་གཉིས་པ་དག་ནི། །དབྱངས་ཡིག་གཉིས་པས་རྣམ་པར་དབྱེ། །ཡི་གེ་བཅུ་གཉིས་ངག་ལ་ནི། །དབྱངས་ཡིག་གཉིས་པས་ལྡན་བྱས་ཏེ། །དྲུག་པའི་དང་པོ་ཉིད་ཀྱིས་ནི། །འོག་གི་གནས་སུ་རབ་ཏུ་བརྟག །ཡི་གེ་
D374.079.0004a05.01བཅུ་བཞི་པ་དག་ནི། །དབྱངས་ཡིག་གཉིས་པ་དག་དང་ལྡན། །དགེ་ཞིང་མཆོག་ཏུ་ཕན་པ་ཡིན། །ཡི་གེ་{བཅྭ་,བཅོ་}ལྔ་པའི་མཚན་ཉིད། །དབྱངས་ཡིག་གསུམ་པར་ལྡན་བྱས་ཏེ། །ལྔ་པ་ཡི་ནི་ལྔ་པས་ནི། །འོག་གི་ཆ་རུ་ཡང་དག་ལྡན། །དེ་བཞིན་ཡི་གེ་བཅུ་དྲུག་
D374.079.0004a06.01ཉིད། །སྟེང་དུ་ནཱ་དས་སྦྱར་བ་ཡིན། །ཡི་གེ་བཅུ་བདུན་པ་ཉིད་ལ། །དབྱངས་ཡིག་གསུམ་པས་ཡང་དག་ལྡན། །ཡི་གེ་{བཅྭ་,བཅོ་}བརྒྱད་པ་ལ་ནི། །དབྱངས་ཡིག་གཉིས་པས་ཡང་དག་ལྡན། །ཡི་གེ་ཉི་ཤུ་གཅིག་པ་ནི། །དབྱངས་ཡིག་གཉིས་པར་ཡང་དག་ལྡན། །
D374.079.0004a07.01