完整藏文原文 · 德格版页 当前仅加载第 79 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་ལྡན་ཁྲག་འཐུང་རྣལ་འབྱོར་ཆེ། །གོ་ཆ་གསུམ་གྱིས་རྣམ་པར་བརྒྱན། །དུར་ཁྲོད་དུ་ནི་འགྲོ་བ་སྟེ། །རྣལ་འབྱོར་མ་དང་དཔའ་བོས་བསྐོར། །འདུ་བྱེད་རྣམས་ནི་དང་པོར་བྱས། །དཀྱིལ་འཁོར་མཛེས་པར་བྲི་བ་སྟེ། །མ་མོ་རྣམས་དང་རྣལ་འབྱོར་མ། །བསྒོམ་
D374.079.0033b01.01ཞིང་ཕྱོགས་དང་ཕྱོགས་མཚམས་དགོད། །དེ་རུ་ལྷ་རྣམས་ཡང་དག་གཞག །གཟུགས་བརྙན་ལུས་ནི་ལྷོ་ཕྱོགས་སུ། །སྔགས་པས་མགོ་བོ་བསྟན་པར་བྱ། །ཇི་ལྟར་མཛེས་པས་བསྒྲུབ་བྱ་བསྒོམ། །ནད་རྣམས་ཀུན་ལས་རྣམ་པར་གྲོལ། །གཡས་
D374.079.0033b02.01བརྐྱང་གིས་ནི་ཡང་དག་གནས། །རྩ་བའི་སྔགས་སོགས་ཀྱིས་ནི་བསྲུང་། །སྔགས་པས་ཁ་ནི་ཤར་དུ་བལྟས། །ལག་པས་ཤེས་རབ་ཁ་ཊྭཱཾ་ག། །གྲིབ་མ་བགོམ་པར་བྱས་ནས་ནི། །ལྟེ་བའི་ཕྱོགས་སུ་བརྡེག་པར་བྱ། །ཇི་ལྟར་སྡུག་བསྔལ་བར་ནི་
D374.079.0033b03.01གཏུབ། །ལྷ་སྦྱིན་ནད་ནི་ཞི་བར་འགྱུར། །དབང་པོ་ལ་སོགས་ཤར་ཕྱོགས་གཞག །སྔགས་ཀྱིས་བསྐུལ་བར་བྱ་བ་སྟེ། །ཇི་ལྟར་ཅུང་ཟད་གཞུག་བར་བྱ། །སློབ་དཔོན་གྱིས་ནི་མཛེས་པར་བརྟག །ཁྱེའུས་ཁྱེའུ་གྲོལ་བ་སྟེ། །བུ་མོས་བུ་
D374.079.0033b04.01མོ་གྲོལ་བ་ཡིན། །ཐམས་ཅད་ཁྲུས་དང་གཙང་སྦྲ་དང་། །མཛེས་ཤིང་ཞི་བར་བྱ་བ་སྟེ། །ཕྱི་ནས་སློབ་དཔོན་དགྱེས་པར་བྱ། །གོས་དང་རྒྱན་ལ་སོགས་པ་ཡི། །གཞན་ཀུན་ལ་ཡང་མཆོད་པར་བྱ། །བཟའ་བ་བཏུང་སོགས་གོས་ཀྱིས་སོ། །གསང་བ་ཆེན་པོས་
D374.079.0033b05.01ཞི་བར་བྱ། །དཔལ་ཁྲག་འཐུང་མངོན་པར་འབྱུང་བ་ལས་འབུམ་ཕྲག་གསུམ་ལས་བཏུས་པ། བསྟན་བཅོས་ཐམས་ཅད་ཀྱི་རྒྱལ་པོ་དཔལ་ཁྲག་འཐུང་ཆེན་པོ་བཀླགས་པས་འགྲུབ་པ། ཐམས་ཅད་མཁྱེན་པའི་ཡེ་ཤེས་གཞན་ལས་རྒྱལ་བ་དང་པོའི་སྒྲུབ་པའི་རྒྱུད་ཀྱི་ཕྱི་མ། དཔལ་ཁྲག་
D374.079.0033b06.01འཐུང་མངོན་པར་འབྱུང་བ་རྣལ་འབྱོར་མའི་རྒྱུད་ཀྱི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་ཆེན་པོ་ཨ་དྭ་ཡ་བཛྲ་དང་བོད་ཀྱི་ལོ་ཙྪ་བ་ཆིངས་ཡོན་ཏན་འབར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D374.079.0033b07.01