完整藏文原文 · 德格版页 当前仅加载第 79 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
བཏུ་བའི་ལེའུ་སྟེ་ལྔ་པའོ།། །།དེ་ནས་དངོས་གྲུབ་གསང་ཆེན་གྱི། །དེ་ཡི་སྙིང་པོ་ཉེ་སྙིང་པོ། །སྔགས་ཀྱི་ཆོ་ག་ཤེས་པས་གསང་། །ཟབ་པ་རྒྱ་མཚོ་ཆེན་པོ་བཞིན། །ལྔ་བཅུ་པ་ཡི་དགུ་སྟེང་དུ། །སུམ་ཅུ་རྩ་གསུམ་གནས་པ་སྟེ། །{བཅྭ་,བཅོ་}ལྔ་
D374.079.0005b01.01པས་ནི་རྣམ་པར་བརྒྱན། །དབྱངས་ཀྱི་བཞི་པས་ཡང་དག་ལྡན། །དངོས་གྲུབ་ཀུན་གྱི་གཞི་ཡིན་ནོ། །རྣལ་འབྱོར་སྙིང་ལ་ཚད་མེད་པའོ། །ཡི་གེ་རེ་རེ་གཉིས་གཉིས་ལ། །དེ་བཞིན་དབྱངས་ནི་བཅུ་གཉིས་ལྡན། །མཁའ་འགྲོ་ཆེན་མོ་ལམ་རྣམས་ཀྱི། །ཀུན་ཏུ་
D374.079.0005b02.01ཡོངས་སུ་བཟློག་པ་ཡིན། །ཉེ་བའི་སྙིང་པོ་བརྗོད་པས་འགྲུབ། །རྣལ་འབྱོར་རྒྱུད་ལས་རྙེད་དཀའ་བའི། །ཕོ་ཉ་ཡི་ནི་དངོས་གྲུབ་པའོ། །ལྷན་ཅིག་སྐྱེས་པའི་དངོས་གྲུབ་ནི། །རིམ་དང་རིམ་པ་མེད་པས་སྐྱེ། །ཁྲག་འཐུང་རྒྱུད་ལས་གཞན་དུ་མིན། །རྣལ་འབྱོར་
D374.079.0005b03.01ཕྱག་རྒྱ་མཆོག་ཡིན་ཏེ། །ཡེ་ཤེས་ཟླ་བ་མཆོག་ནི་བཏུ། །ཁ་ཟས་མཆོག་ནི་བཟའ་བྱ་སྟེ། །འདི་ནི་བསྟན་བཅོས་ངེས་པ་ཡིན། །དཔལ་ཁྲག་འཐུང་མངོན་པར་འབྱུང་བའི་རྒྱུད་ལས་སྔགས་བཏུ་བའི་ལེའུ་ཞེས་བྱ་བ་སྟེ་དྲུག་པའོ།། །།དེ་ནས་གཞན་ཡང་
D374.079.0005b04.01མདོར་བསྡུས་པ། །བརྡ་ཡི་ཆོ་གའི་མཚན་ཉིད་དག །རྣལ་འབྱོར་པས་ནི་རྟག་བསྒྲུབས་ན། །གྲོལ་བའི་དངོས་གྲུབ་སྐྱེ་བར་འགྱུར། །དབང་ཆེན་དང་ནི་མེ་ཏོག་གིས། །དེ་བཞིན་བདུད་རྩི་བསྐྱེད་པར་འགྱུར། །ཞོ་དང་འོ་མར་ལྡན་པ་ཡིས། །བཅུད་ལེན་མཆོག་ཏུ་ཕན་
D374.079.0005b05.01པའོ། །དཀྱིལ་འཁོར་འཁོར་ལོ་ཞེས་བརྗོད་ལ། །ཐམས་ཅད་ཀུན་གྱི་འདུས་པ་ནི། །ཚོགས་ཀྱི་འཁོར་ལོ་མཆོག་ཡིན་ཏེ། །ཐམས་ཅད་མཛའ་བས་མཉམ་པར་འགྲོ། །མ་དང་སྲིང་མོ་ཆུང་མ་དང་། །བུ་མོ་དག་ནི་བཀུག་ནས་སུ། །རྣལ་འབྱོར་རྗེས་སུ་འཇུག་པར་
D374.079.0005b06.01བྱ། །འདི་རྣམས་ལོངས་ནི་སྤྱད་བྱ་སྟེ། །ཆོས་མ་ཡིན་པར་མི་འགྱུར་རོ། །སྔགས་ཀྱི་རྒྱལ་པོ་འདི་དག་ནི། །ལན་གཅིག་བཟླས་པས་བུད་མེད་རྣམས། །ཕོ་ཉ་རྣམས་ནི་འགུགས་པར་བརྗོད། །ཨོཾ་སརྦྦ་བཛྲ་ཀ་མི་ནཱི། །སརྦྦ་བྷ་ཀྵ་ཤོ་དྷ་ཡ་གུ་ཧྱྃ་བཛྲི་ཎཱི་ཧཱུྃ་སྭཱ་ཧཱ།
D374.079.0005b07.01