完整藏文原文 · 德格版页 当前仅加载第 99 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་ཧེ་རུ་ཀ་ཀཱ་རུ་ཎ་ཀྲཱི་ཌི་ཏ་ཏ་ན་ཏྲ་གུ་ཧྱ་གྃ་བྷཱི་ར་ཨུ་ཏ་ཏ་མ་ནཱ་མ། བོད་སྐད་དུ། དཔལ་ཧེ་རུ་ཀ་སྙིང་རྗེ་རོལ་པའི་རྒྱུད་གསང་བ་ཟབ་མོའི་མཆོག་ཅེས་བྱ་བ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་
D840.099.0130a01.01གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། ལས་ཀྱི་རིགས་ཐམས་ཅད་ཀྱི་མཆོག་ཏུ་གསང་བ་ཆེན་པོ་དམ་ཚིག་གི་སྡོམ་པ་གཉིས་སུ་མེད་པའི་བདེ་བ་ཆེན་པོ་དབང་བརྙེས་པ།
D840.099.0130a02.01ཐབས་དང་ཤེས་རབ་ཀྱི་རྣལ་འབྱོར་གྱི་དབང་ཕྱུག་ཆེན་པོ། ཁམས་གསུམ་ཐམས་ཅད་ཀྱི་བདག་པོ་ཆེན་པོ། དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་ནམ་མཁའི་དབྱིངས་ཐམས་ཅད་དུ་མཉམ་པར་འཇུག་པ། ཕ་རོལ་ཏུ་ཕྱིན་པའི་སྐབས་
D840.099.0130a03.01དང་ལྡན་པ། ཆེ་མཆོག་ཧེ་རུ་ཀའི་ཤེས་རབ་དང་ཡེ་ཤེས་ཀྱི་དབང་བསྐུར་བ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རིན་པོ་ཆེ་གསང་བ་རྡོ་རྗེ་མཆོག་ཏུ་གསང་བའི་བཅོམ་ལྡན་འདས་བུད་མེད་ཀྱི་དཀྱིལ་ན་གསུང་བརྗོད་པ་
D840.099.0130a04.01མེད་པར་བཞུགས་སོ། །སངས་རྒྱས་ཀྱི་ཞིང་ནམ་མཁའི་དབྱིངས་ཀྱི་རྡུལ་ཕྲན་དང་མཉམ་པ། རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོ་དང་། རྡོ་རྗེ་ནམ་མཁའ་ལ་འགྲོ་བ་དང་། ནམ་མཁའ་ལ་འགྲོ་བ་ཆེན་མོ་དང་། སྐལ་བ་དང་ལྡན་པ་དང་། འཇིབ་པར་བྱེད་པའི་
D840.099.0130a05.01གསང་བ་ཆེན་མོའི་གཡོག་དང་། འབྱུང་བ་ཆེན་པོ་ལྔ་དང་། འབྱུང་བ་ལས་གྱུར་པའི་ལྷའི་ཚོགས་འབུམ་ཕྲག་བརྒྱ་སྟོང་གིས་ཁྱབ་པ་འདི་ལྟ་སྟེ། སྙིང་པོ་ཡེ་ཤེས་རྡོ་རྗེ་དང་། ཆོས་ཀྱི་དབྱིངས་ཀྱི་ཡེ་ཤེས་རྡོ་རྗེ་དང་མེ་ལོང་ཡེ་ཤེས་རྡོ་རྗེ་དང་། སོ་སོར་ཀུན་ཏུ་རྟོག་པའི་ཡེ་ཤེས་རྡོ་རྗེ་
D840.099.0130a06.01དང་། མཉམ་པ་ཉིད་ཡེ་ཤེས་རྡོ་རྗེ་དང་། བྱ་བ་ནན་ཏན་ཡེ་ཤེས་རྡོ་རྗེ་དང་། ནམ་མཁའ་ཡེ་ཤེས་རྡོ་རྗེ་དང་། རླུང་ཡེ་ཤེས་རྡོ་རྗེ་དང་། མེ་ཡེ་ཤེས་རྡོ་རྗེ་དང་། ཆུ་ཡེ་ཤེས་རྡོ་རྗེ་དང་། ས་ཡེ་ཤེས་རྡོ་རྗེ་དང་། ཐབས་དང་ཤེས་རབ་ཡེ་ཤེས་རྡོ་རྗེ་དང་། གཟུགས་ཡེ་
D840.099.0130a07.01