完整藏文原文 · 德格版页 当前仅加载第 99 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་མཉམ་སྦྱོར་བས། །བདག་ཉིད་མཉེས་པས་མཆོད་པར་བྱ། །མཉམ་པའི་གྲུབ་རྫས་ཆེན་པོ་དག །བདག་དང་མཉམ་པའི་ཚོགས་ལ་འབུལ། །བཟའ་དང་བཏུང་དང་བཅའ་དང་བགོ། །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ནི་
D840.099.0184a01.01དབུལ་བར་བྱ། །མཉེས་པའི་མཆོད་པ་ཆེན་པོས་རབ་ཏུ་མཆོད། །ཤ་ཆེན་དང་ནི་དྲི་ཆེན་དང་། །ག་བུར་རཀྟ་དྲི་ཆུ་དང་། །མ་ཧེ་རྟ་དང་ཁྱི་ཤ་དང་། །ན་གེ་གེ་རྒྱ་གཤོག་པ་ཅན། །འདི་དག་འཕགས་པའི་ཚོགས་ལ་དབུལ། །པདྨ་ཅན་དང་དུང་ཅན་དང་། །བ་ལང་ཅན་དང་རི་མོ་ཅན། །
D840.099.0184a02.01འདི་དག་མཉེས་པའི་མཆོད་པར་དབུལ། །ཞིང་གི་རྒྱལ་མཚན་ཤ་ཆེན་ཏོག །རས་ཆེན་དག་གི་བླ་རེས་དང་། །ཞིང་གི་དབྱུག་པ་ཙིཏྟའི་ཏོག །ཏིལ་མར་དག་ཏུ་བཅས་པ་རྣམས། །འདི་དག་མཆོད་པར་དབུལ་བར་བྱ། །མཉེས་པའི་མཆོད་པས་རབ་མཆོད་ན། །
D840.099.0184a03.01ཐམས་ཅད་མ་ལུས་མངོན་སངས་རྒྱས། །ཕྱི་ཡི་མཆོད་པ་དང་ནང་གི་མཆོད་པའོ། །བཅོམ་ལྡན་འདས་ཧེ་རུ་ཀ་རོལ་པ་ལས་མཆོད་པ་གསང་བའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཧེ་རུ་ཀ་རོལ་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་
D840.099.0184a04.01ཕྱུང་ངོ་། །བླ་མེད་མི་སྤང་བ་དང་། བླ་མ་བཀུར་བ་དང་། སྔགས་དང་ཕྱག་རྒྱ་རྒྱུན་མི་འཆད་པ་དང་། ཡང་དག་པའི་ལམ་ལ་ཞུགས་པ་དང་། གསང་བའི་དོན་དུ་མི་སྨྲ་བ་དང་། རྩ་བ་ལྔ་དང་སྒྲུབ་པ་དང་། བསྲུང་བ་དང་། གཏི་མུག་དང་། འདོད་ཆགས་དང་། ཞེ་སྡང་དང་།
D840.099.0184a05.01ང་རྒྱལ་དང་། ཕྲག་དོག་དག་མི་སྤང་ངོ་། །དཀར་རྩི་དམར་རྩི་དྲི་ཆེན་ཤ། །དག་པའི་སྣོད་བཅུད་མི་འདོར་རོ། །ཡན་ལག་བཅུ་ཡི་དམ་ཚིག་སྟེ། །ཡེ་ནས་མ་ཉམས་རྟོགས་པས་སྤྱད། །བསྲུང་ཞིང་བསྒྲུབ་པའི་དམ་ཚིག་ནི། །རྩ་བ་ཡིན་ཏེ་རིགས་མེད་འགྱུར། །མི་སྤོང་མི་
D840.099.0184a06.01འདོར་གཉིས་པོ་ན། །ཡན་ལག་དམ་ཚིག་འདའ་དཀའ་བའོ། །མཉམ་ལ་མཉམ་པར་སྦྱོར་བ་ནི། མཉམ་པའི་དམ་ཚིག་ལ་གནས་ན། །མཉམ་རྫོགས་ཆེན་པོ་ཐོབ་གྱུར་ནས། །འདས་ན་སངས་རྒྱས་མ་ཡིན་ནོ། །རྩ་ཉམས་པ་ཡི་ཕྱལ་བ་དག །གསོ་ལ་ཉེ་བར་
D840.099.0184a07.01