完整藏文原文 · 德格版页 当前仅加载第 99 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
པར་རབ་ཏུ་སྐྲག་ནས་སྐྱབས་སུ་གསོལ་ལོ། །མགྲིན་གཅིག་ཏུ་འདི་སྐད་ཅེས་གསོལ་ཏེ། རྡོ་རྗེ་འབར་བ་མེ་དཔུང་གིས། །བསྐལ་པ་བས་ཀྱང་བསྲེག་མཛད་ཅིང་། །འཇིགས་ཆེན་རྔམ་པའི་ཁྱད་པར་ཅན། །དབུ་མང་བསྒྲུབ་པའི་ཚིག་སྒྲོགས་ཤིང་། །ཕྱག་མང་འཇིགས་པའི་
D840.099.0139b01.01མཚོན་ཆ་བསྣམས། །ཞི་བའི་ཕྱག་སྟོང་སྤྱན་སྟོང་ཡང་། །འཇིག་རྟེན་རབ་ཏུ་སྤ་བཀོང་ན། །ཁྲོ་གཉེར་ཕྱག་སྟོང་སྤྱན་སྟོང་ཡང་། །རྒོད་དང་གཤེ་ཞིང་ཟ་བྱེད་པ། །འབར་བའི་མཚོན་ཆ་སྣ་ཚོགས་ཅན། །འཇིག་རྟེན་ཐལ་བར་རློག་མཛད་པ། །ཁྲོ་ཆེན་ཁྱོད་ལ་སྐྱབས་
D840.099.0139b02.01སུ་མཆི། །མ་དང་སྲིང་མོ་བུ་མོ་དང་། །ཆུང་མ་སླས་འདི་རྣམས་ཕུལ་ནས་སྐྱབས་སུ་གསོལ་ལོ། །ཆགས་པ་མེད་པའི་དབང་གི་ཐབས་ཀྱི་སྦྱོར་བས་དབང་བསྡུས་ཏེ། དམ་ཚིག་དང་མིང་བཏགས་ལག་ཏུ་རྡོ་རྗེ་བྱིན་ནས་རྡོ་རྗེ་འཆང་གི་གྲལ་དུ་དགོད་དོ། །དེ་ནས་བཅོམ་
D840.099.0139b03.01ལྡན་འདས་དཔལ་ཀུན་དུ་བཟང་པོ་ཧེ་རུ་ཀ་རོལ་པ་ཆེན་པོའི་དོན་གྱི་གསང་བ་རབ་ཏུ་རྟོགས་པའི་ཡེ་ཤེས་རྒྱལ་པོ་སྐུ་དང་གསུང་དང་ཐུགས་ཀྱི་རོལ་པ་འདི་ཕྱུང་ངོ་། །དཀྱིལ་འཁོར་འདི་དག་ཐམས་ཅད་ནི། །གྲུ་བཞི་སྒོ་བཞི་མུ་ཁྱུད་བཅས། །ཐིག་གིས་ཡོངས་སུ་འཁོར་
D840.099.0139b04.01བར་བཏབ། །དབུས་སུ་པདྨ་འདབ་བརྒྱད་བྲི། །དབུས་ཀྱི་པདྨའི་སྙིང་པོ་ལ། །བཅོམ་ལྡན་ཆེ་མཆོག་ཧེ་རུ་ཀ། །ཤར་དུ་བཛྲ་ཧེ་རུ་ཀ། །ལྷོ་རུ་རཏ་ན་ཧེ་རུ་ཀ། །ནུབ་ཏུ་པདྨ་ཧེ་རུ་ཀ། །བྱང་དུ་ཀར་མ་ཧེ་རུ་ཀ། །ཤར་ལྷོར་རཀྴ་ཧེ་རུ་ཀ། །ལྷོ་ནུབ་ཡཀྵ་ཧེ་རུ་ཀ། །ནུབ་བྱང་
D840.099.0139b05.01བྱི་ཤ་ཧེ་རུ་ཀ། །བྱང་ཤར་ས་མ་ཡ་ཧེ་རུ་ཀ། །བདེར་གཤེགས་ཡུམ་དང་བཅས་པ་དགོད། །དེའི་ཕྱི་རིམ་སྣམ་བུ་ལ་ཡེ་ཤེས་ལས་གྲུབ་པའི་ཕྲ་མེན་མ་བཅུ་དྲུག་དགོད། དེ་ཡི་ཕྱི་རིམ་སྒོ་བཞི་ཐོད་པས་བསྐོར། །གཤིན་རྗེ་འཇོམས་དང་སྟོབས་པོ་ཆེ། །རྟ་མགྲིན་དང་
D840.099.0139b06.01ནི་བདུད་རྩི་འཁྱིལ། །སྒོ་བཞི་དག་ཏུ་རིམ་བཞིན་ནོ། །སྐུ་དང་ཕྱག་མཚན་ཅིར་ཡང་འགྱུར་ཏེ་གཅིག་ཏུ་མ་ངེས་པའོ། །དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་དེ་ཁོ་ན་ཉིད་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །བཅོམ་ལྡན་འདས་དཔལ་པདྨ་
D840.099.0139b07.01