完整藏文原文 · 德格版页 当前仅加载第 99 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཆེན་པོ་སྟེ། །ལྷུན་གྱིས་རྫོགས་དང་སྤྲོས་པ་མེད་པ་ཡི། །ཐུགས་ཀྱི་དཀྱིལ་ནས་འབྱུང་བ་རིགས་ཀྱི་སྲས། །ཀུན་དུ་བཟང་པོ་ཡུམ་དང་དོན་གྱི་ཐབས་ཆེན་ལས། །མན་ངག་དང་བཅས་པ་ཡི་ཡེ་ཤེས་སྙིང་པོའི་དོན། །བཅོམ་ལྡན་གསང་བའི་མཆོག་གི་དཀྱིལ་
D840.099.0182a01.01འཁོར་ན། །དཔལ་ཆེན་ཀུན་དུ་བཟང་པོ་ཡེ་ཤེས་ཏེ། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །དཀྱིལ་འཁོར་མ་ཧཱ་ས་ཁའི་གནས། །མ་ཧཱ་སུ་ཁའི་དབྱིངས་ཉིད་ན། །བྱང་ཆུབ་སེམས་ཉིད་དེ་ཁོ་ན། །ཡེ་ཤེས་ཆེན་པོ་ལྷུན་གྱིས་རྫོགས་ནས་གནས། །མ་ཧཱ་སུ་ཁ་
D840.099.0182a02.01གསང་བ་ཆེན་པོ་འདི། །དོན་དང་ལྡན་ཏེ་ཀུན་དུ་བཟང་པོ་ཡིན། །ངང་ལས་མ་གཡོས་ཀུན་དུ་བཟང་པོ་ནི། །གཉིས་སུ་མེད་པར་རྣམ་པར་དག་པའི་ཕྱིར། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །ཡུམ་གྱི་ནགས་ཚལ་ཆེན་པོ་འདུལ་མེད་དུ། །རྟག་ཏུ་
D840.099.0182a03.01མཉམ་པ་ཉིད་ཀྱི་ངང་དུ་བཞུགས། །ངང་ནི་དུས་གསུམ་བཞུགས་ཤིང་རང་བཞིན་འགྱུར་བ་མེད་པ་ཡིན། །བདག་ཉིད་འདུས་མ་བྱས་པས་སྐྱེ་བ་མེད་པར་ལྷུན་གྱིས་གྲུབ། །གསང་བའི་བྱང་ཆུབ་སེམས་ཀྱིས་དབང་བསྐུར་རོ། །སྲིད་པ་བྱང་ཆུབ་སེམས་སུ་མ་བཅོས་
D840.099.0182a04.01ཐིག་ལེར་ཟླུམ། །སྔར་འདས་དང་ལྡན་བཞུགས་དང་ཕྱིས་འབྱུང་བའི། །སེམས་ཉིད་རྟོགས་པའི་བྱང་ཆུབ་སེམས་དཔའ་རྣམས། །ཉོན་མོངས་དྲི་མ་ཡེ་ནས་མེད་པའོ། །ཡེ་ནས་སངས་རྒྱས་མ་སྐྱེས་ལྷུན་གྱིས་གྲུབ། །བྱང་ཆུབ་སེམས་ཉིད་གསང་བའི་དབང་བསྐུར་
D840.099.0182a05.01རོ། །དཔལ་ཆེན་ཀུན་དུ་བཟང་པོ་དབྱེ་བ་མེད་པའི་དོན། །སྐུ་གསུང་ཐུགས་ཀྱི་རྒྱུད་ལས་སྤྲུལ་པ་མང་པོ་འཕྲོ། །ལྷག་པའི་ཡེ་ཤེས་བྱེ་བྲག་གཅིག་འདུའོ། །ཕྱག་རྒྱ་འགྱུར་བ་མེད་པ་རྒྱན་གྱི་ཕྱག་རྒྱའོ། །སྐུ་ནི་ཐམས་ཅད་ཆོས་ཀྱི་སྐུ་རུ་འདུས། །ལམ་ནི་ཐམས་ཅད་
D840.099.0182a06.01རོལ་པས་ཆུབ་པའོ། །ཡུམ་གྱི་དབྱིངས་ཆེན་རང་བཞིན་རྣམ་པར་དག །ཟས་ནི་ཐམས་ཅད་བདུད་རྩི་ལྔ་ཡི་དོན། །སྤྱོད་པ་བྱ་བ་མེད་པ་ཆེན་པོའོ། །ཐུགས་ནི་རྟོག་པ་མི་མངའ་ས་ལེ་བའོ། །ལྡེམ་དགོངས་དོན་དམ་བྱང་ཆུབ་སེམས་ཀྱི་དོན། །བྱང་ཆུབ་སེམས་ཀྱིས་
D840.099.0182a07.01