完整藏文原文 · 德格版页 当前仅加载第 99 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
སྡེར་མོ་ཕྱོགས་བཅུར་སྤྲུལ་པ་འཕྲོ། །རྡོ་རྗེ་ལས་བྱེད་མ་མོ་བརྒྱ་ཡང་འགྱེད། །དབང་ཕྱུག་ཕོ་ཉའི་དངོས་གྲུབ་བདག་ལ་སྩོལ། །མི་མཉམ་པ་ཡི་ལྷ་ཁྱོད་རྟག་ཏུ་ནི། །ཐུགས་རྗེ་ཅན་གྱིས་གཟིགས་ཤིང་འགྲོ་བའི་དཔལ། །བླ་མེད་བྱང་ཆུབ་བསྒྲུབ་པར་དམ་བཅས་པ། །བདག་ཅག་ལས་ཀྱི་
D840.099.0200b01.01འབྲས་བུ་མཆིས་པར་མཛོད། །དེ་ནས་བཅོམ་ལྡན་འདས་ལ་འཁོར་རྣམས་འདུས་ནས་གསོལ་པ། སྔོན་ཚེ་ཡེ་ཤེས་བརྙེས་པའི་ལྷ། །དེ་ཡི་འཁོར་དུ་གཏོགས་པ་མ་དང་མཁའ་འགྲོ་མ། །རྩེ་གཅིག་བསྙེན་ཀྱང་ཡེ་ཤེས་ལྷ་དང་ཕྲ་མེན་ཁྱོད་བསྙེན་བསྙེན། །བསྙེན་པའི་
D840.099.0200b02.01དུས་ན་རྒྱང་མ་རིང་། །བསྒྲུབ་པའི་དུས་ན་མཐུ་མ་ཆུང་། །ཡང་བསྙེན་ནི་ཡང་ཡང་བསྙེན་ན། །དཔལ་ཆེན་ཕྲ་མེན་ཁྱེད་ལྟར་མ་ལགས་ཀྱི། །ལང་ཀ་ཚོགས་ཀྱི་སྲིན་མོ་ཡང་། །ཕ་བས་བྱམས་ཤིང་ཁུ་བས་གདུང་། །ཡང་བསྒྲུབ་པ་ནི་ཡང་བསྒྲུབས་ན། །ལང་ཀའི་ཚོགས་
D840.099.0200b03.01ཀྱི་སྲིན་མོ་ཡང་། །མ་བས་བྱམས་ཤིང་སྲིང་བས་གདུང་། །གདུངས་པའི་མཆི་མའི་ཚུལ་དུ་དཀུ། །ཡེ་ཤེས་ལྷ་ཡི་ཐུགས་ཀྱིས་བཟོད་ལགས་སམ། །དངོས་གྲུབ་སྐལ་དང་ལྡན་པར་མི་དམིགས་ཀྱང་། །སྔོན་གྱི་ཐུགས་དམ་དབང་གིས་དངོས་གྲུབ་སྩོལ། །དེ་སྐད་ཅེས་གསོལ་པ་
D840.099.0200b04.01དང་། བཅོམ་ལྡན་འདས་ཀྱི་སྐུ་གསུང་ཐུགས་ཀྱི་སྤྲུལ་པའི་དངོས་གྲུབ་འཁོར་རྣམས་ལ་སྩལ་ཏོ། །འཁོར་རྣམས་ཀྱིས་ཀྱང་རྡོ་རྗེ་ཆོས་ཀྱི་སྡུད་པ་པོར་དངོས་གྲུབ་སྩལ་ཏོ། །བཅོམ་ལྡན་འདས་ཧེ་རུ་ཀ་རོལ་པ་ལས་སྐུ་གསུང་ཐུགས་ཀྱི་དངོས་གྲུབ་དབྱིག་བསྒྲུབ་པའི་ལེའུ་སྟེ་
D840.099.0200b05.01བཅུ་དྲུག་པའོ།། །།དེ་ནས་བཅོམ་ལྡན་འདས་ཀྱིས་བཀའི་དམ་པའི་དོན་གྱི་གསང་བ་ཟབ་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ནས་སྤྲུལ་པ་ལྕམ་དྲལ་འདི་མགོ་མཇུག་གི་དོན་རྒྱུ་དང་འབྲས་བུ་གཉིས། དབྱིངས་དང་ཡེ་ཤེས་གཉིས། ཐབས་དང་ཤེས་
D840.099.0200b06.01རབ་གཉིས། ཀུན་རྫོབ་དང་དོན་དམ་གཉིས། མདོར་བསྡུས་ན་དོན་དམ་ལ་ལྷུན་གྱིས་གྲུབ་པའི་བྱང་ཆུབ་སེམས་སུ་བསྡུའོ། །རྒྱུད་འདིའི་མགོ་མཇུག་གི་དོན་དཔལ་ཀུན་དུ་བཟང་པོར་འདུས་སོ། །ཀུན་དུ་བཟང་པོ་སྐུ་མི་ཟད་རྒྱན་གྱི་འཁོར་ལོ་དང་། གསུང་མི་ཟད་
D840.099.0200b07.01