完整藏文原文 · 德格版页 当前仅加载第 99 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
དེང་འདིར་དབང་བསྐུར་རོ། །རྣར་བརྒྱུད་སྟོན་པས་ཐུགས་བརྟོལ་ཏེ། །ངེས་པའི་ལུང་དང་དོན་ཡང་སངས་རྒྱས་ཡིན། །སངས་རྒྱས་མཉམ་དང་དབྱིངས་སུ་འགྲོ་བ་ཞེས། །བྱང་ཆུབ་སེམས་ནི་ཀུན་དུ་རྟག་པའི་དོན། །རྫོགས་པའི་ཡེ་ཤེས་བདེ་བ་ཆེན་པོ་ཉིད། །དབང་
D840.099.0182b01.01མཆོག་འདིས་ནི་དབང་བསྐུར་རོ། །སྐུ་རྒྱན་འཁོར་ལོ་ལུང་ཆེན་ཟབ་མོ་ནང་ནས་གསལ། །ལྔ་བཞི་ནང་དུ་འཁོར་བ་ཡང་། །ཡེ་ཤེས་སངས་རྒྱས་དེ་ལས་མེད། །ལྟ་བ་འདི་ལ་གནས་ཤིང་རྣལ་འབྱོར་སྐལ་བ་བཟང་། །བདེར་གཤེགས་ཀུན་གྱི་ཐུགས་དམ་
D840.099.0182b02.01བྱང་ཆུབ་སེམས་ཀྱི་དོན། །དོན་དམ་དབང་མཆོག་འདིས་ནི་དབང་བསྐུར་རོ། །དབྱིངས་ནས་གསལ་ཤར་བདལ་བ་ལ། །ཐུགས་ཀྱི་དཀྱིལ་འཁོར་འབྱམ་རེ་ཡས། །རྫོགས་པའི་དཀྱིལ་འཁོར་ཡིད་ལ་ཐིམ། །འགྲེང་ལྡོག་སྤྱིའུ་ཚུགས་གར་འགྱུར་ཡང་། །གང་
D840.099.0182b03.01ལྟར་བྱས་པ་བྱང་ཆུབ་སེམས་ཀྱི་དོན། །ཐིག་ལེ་ཆེན་པོའི་དཀྱིལ་འཁོར་དུ། །མུན་ནག་ལངས་ཀྱང་ཁམས་གསུམ་གསལ། །ཡེ་ཤེས་ཁྲུས་ཀྱི་རྫིང་བུ་རུ། །དྲི་ལ་དག་པས་རྡུལ་མི་འགོ། །དབང་མཆོག་འདིས་ནི་དབང་བསྐུར་རོ། །དེ་ནས་བཅོམ་ལྡན་འདས་ཉིད་ལས་
D840.099.0182b04.01གཞན་པའི་འཁོར་རིགས་བཞིས་འཁོར་བའི་ཕྲ་མེན་མ་དང་། ཁྲོ་བོ་རྡོ་རྗེ་བཀའི་ཕོ་ཉ་རྣམས་ལ་བཀའ་སྩལ་ཏོ། །སངས་རྒྱས་ཀུན་གྱི་རྡོ་རྗེ་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་རྣམས་སུ་གྲུབ་བྱའི་ཕྱིར། །རྡོ་རྗེ་འདི་ནི་ཁྱོད་ཀྱིས་ལོང་། །ཤེས་རབ་ཐབས་
D840.099.0182b05.01ཀྱི་ཕྱག་རྒྱ་འཛིན། །རྣམ་གྲོལ་དག་པས་གསུང་སྐད་སྒྲོགས། །དྲིལ་བུ་འདི་ནི་སྒྲ་སྙན་གྱིས། །ཕྱོགས་བཅུ་ཀུན་དུ་སྒྲོགས་པར་བྱེད། །དབང་མཆོག་འདིས་ནི་དབང་བསྐུར་རོ། །དེ་ནས་དཀྱིལ་འཁོར་ཁྲུ་གང་ཚད་དུ་བྱ། །རཀྟའི་མགོ་མ་ཡིན་གྱི་ས་བྱུགས་ལ། །དེ་རུ་
D840.099.0182b06.01དཔལ་ཆེན་དགོད་པར་བྱ། །ཕྲ་མེན་འཁོར་དང་ཕོ་ཉས་བསྐོར། །དེ་རུ་སློབ་མ་གཞུག་པར་བྱ། །དེ་ནས་རིགས་ཀྱི་བུ་མཆོག་དེས། །རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །དབང་ཕྱུག་ལོངས་སྤྱོད་ལྔས་
D840.099.0182b07.01