完整藏文原文 · 德格版页 当前仅加载第 99 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
བཛྲ་བེ་ར་བེ། །འཆི་མེད་བདུད་རྩི་ཡུལ་སེམས་སྐྱེ་འགག་མེད། །གྲུབ་པའི་བདུད་རྩི་བསམ་པའི་འབྲས་བུ་ཐོབ། །ཐུགས་རྗེས་འགྲོ་བདུད་རྩི་གཏོང་བླ་མེད་བསྒྲུབ། །རྩི་མཆོག་ཡེ་ཤེས་བཛྲ་ཨ་མྲྀ་ཏ། །ཡེ་ཤེས་འཕྲོག་བྱེད་ཡོན་ཏན་རྒྱ་མཚོ་བསྒྲུབ། །ཐུགས་
D840.099.0177a01.01རྗེས་འཕྲོག་བྱེད་འཇིག་རྟེན་དབང་དུ་སྡུད། །ཡེ་ཤེས་ཐུགས་རྗེས་གཉིས་མེད་དབང་དུ་འུབ། །དེ་ཕྱིར་བརླབ་བྱེད་བཛྲ་མ་ར་ན། །ད་ནི་པདྨ་དབང་ཆེན་དང་། དབང་ཕྱུག་མ་ལྷ་རྒྱུད་བརྗོད་པར་བྱའོ། །{བཅྭ་,བཅོ་}ལྔ་སྤྱན་གྱིས་རྒྱུད་ལྔའི་མི་དགེ་བཅུ། །ཡེ་ཤེས་ལྔ་དང་སོ་སོ་ཅིས་འདུལ་མཁྱེན། །
D840.099.0177a02.01སྙན་བཅུས་མི་དགེ་བཅུ་ཡི་སྡུག་བསྔལ་གསན། །ཤངས་ལྔ་ནས་བྱུང་རིགས་ལྔའི་སྤྲུལ་འཕྲོས་པས། །རྒྱུད་ལྔའི་མགོན་མཛད་བརྩོན་ལྡན་རྟ་དབུ་ལྔ། །དུག་ལྔ་ཞལ་དུ་ཤར་ཏེ་རྔུབ་མཛད་ཅིང་། །ལྗགས་ལྔ་ཐེ་ཚོམ་གཅོད་ཕྱིར་ཐེག་ལྔ་འཆང་། །སྐྱེ་བཞི་ལས་བཞིས་སྒྲོལ་
D840.099.0177a03.01མཛད་ཤོག་བཞིས་སྐྱོད། །བཅུ་དྲུག་དམྱལ་ཁམས་བཅུ་དྲུག་ཕྱག་གིས་འདྲེན། །ཕྱོགས་བརྒྱད་འདུལ་ཕྱིར་ཞབས་བརྒྱད་ཁྲོ་བརྒྱད་བཅོམ། །རིགས་བཞི་སྣོད་བཅུད་ཉི་ཟླ་འོད་དང་བརྫིས། །ཕྱོགས་བཞི་རྩལ་དྲུག་དབང་ཕྱུག་ཡང་ཆེས་མནན། །ཆེ་བ་ཆེ་བ་ཡང་ཆེ་བླ་ན་མེད། །བཅུ་
D840.099.0177a04.01དྲུག་ཞག་གིས་ཟླ་དཀྱིལ་རྫོགས་པ་ལྟ། །ཚོགས་གཉིས་རྫོགས་པས་བཅུ་དྲུག་ས་ལ་ཞུགས། །ཕྱོགས་བཞི་དབུ་ལྔར་འབར་ལྟར་རིགས་ལྔའི་དབུ། །མཁྱེན་པའི་ཡེ་ཤེས་ཐུགས་རྗེས་གཟིགས། །ཚོགས་ཆེན་ཡོངས་སུ་རྫོགས་པའི་དཀྱིལ་འཁོར་དང་། །དབང་ཆེན་ཡོངས་
D840.099.0177a05.01སུ་འདུས་པའི་དཀྱིལ་འཁོར་དང་། །ཚོགས་ཆེན་གཉིས་རྫོགས་ཡེ་ཤེས་ལྷུན་གྲུབ་པ། །དཀྱིལ་འཁོར་གསུམ་གྱིས་བརྗིད་པའི་ཁྲོ་བོ་རྒྱལ། །ཐུགས་རྗེ་འདམ་སྐྱེས་སྤྱོད་པ་སྐྱོན་མི་གོས། །མཐའ་གཉིས་དབང་མཛད་པདྨ་ཧེ་རུ་ཀ །རྔམ་པའི་ཚུལ་གྱིས་སྲིན་མོ་གཟུགས་
D840.099.0177a06.01འཛིན་ཅིང་། །ཐོད་རུས་གདུག་པ་འབུམ་མར་ཟས་སུ་ཟ། །སྲིད་པའི་སེམས་ཅན་ཆགས་པའི་སྙིང་ཁྲག་གསོལ། །དབང་དྲག་ལས་མཛད་མ་བུ་རཀྵ་སི། །སྡུག་བསྔལ་མྱ་ངན་འདས་རྟོགས་ཚངས་པའི་གཟུགས། །ཚད་མེད་བཞི་རྫོགས་རྟགས་ཀྱི་དབུ་བཞིར་ལྡན། །
D840.099.0177a07.01