完整藏文原文 · 德格版页 当前仅加载第 99 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
ཐིག་བཞི་གདབ་པས་རེའུ་ཆ་དགུ། །དབུས་སུ་ཟླ་བ་ཕྱེད་པར་བཅས་པའི་ཚུལ་དུ་བྱ། དེའི་ཕྱི་རིམ་ཕྲ་མེན་མ་བཅུ་དྲུག །སྒོ་བ་བཞི། ཁམ་ཕོར་རི་མོར་བྲིས་པ་དགུ། སྣང་བའི་འོད་བཅས་པ་དགྲམ། ཚིལ་ཆེན་དང་ནི་ཙིཏྟའི་ཏོག །རས་ཆེན་འཕན་གདུགས་ལ་སོགས་པ།
D840.099.0198b01.01དཀྱིལ་འཁོར་རྒྱུན་ཏུ་བྲི་བར་བྱ། བྷན་དྷའི་གནམ་ཡོལ། ཞིང་གི་རྒྱལ་མཚན། ཐོད་པའི་ཕྲེང་བ་ལ་སོགས་པ་དགོད། རཀྟ་དྲི་ཆེན་གྱི་མཎྜལ་བྱ། ཡོ་བྱད་ཐམས་ཅད་ཚང་བར་བསོགས་ལ་འཕགས་པ་མཆོད་ཅིང་བདག་ཀྱང་བཟའོ། །དམ་མ་འདྲེས་ཤིང་མི་གཅིག་པ།
D840.099.0198b02.01སྤྱོད་ལམ་ཡན་ཆད་ཅིའི་སྒོ་ནས་ཀྱང་སྒྲུབ་པའི་ཞལ་ཟས་དང་ཚོགས་རྣམས་ཕྱི་རོལ་ཏུ་བྱུང་ངོ་། །བཅོམ་ལྡན་འདས་རྡོ་རྗེ་སེམས་དཔའི་སྒྲུབ་པ་པོ་ཉིད་ཏིང་ངེ་འཛིན་གཉིད་དབང་དུ་མི་གཏང་། སྤྱོད་པའི་རྣལ་འབྱོར་པས་སྐུ་གསུང་ཐུགས་དངོས་གྲུབ་ཀྱི་དབྱིག་བསྒྲུབ་པ་དང་། སྲིད་པ་
D840.099.0198b03.01གསུམ་གྱི་སེམས་ཅན་རྒྱུའི་སྡུག་བསྔལ་གྱིས་གདུངས་པ་རྣམས་གྲོལ་བར་མཛད་པའི་ཕྱིར་ཚུལ་མཁས་པ་དང་། སྤྱོད་པ་གཟོབ་པས་རྣལ་འབྱོར་བསྒྲུབ་པ་ལ་འཇུག་པར་བྱའོ། །དེ་ལ་དང་པོར་སྒྲུབ་པ་ལ་བགེགས་མི་འཇུག་པར་བྱ་བའི་ཕྱིར་མཚམས་གཅད་དོ། །ཏིང་ངེ་འཛིན་
D840.099.0198b04.01དང་ལྟ་བ་དང་། སྔགས་དང་ཕྱག་རྒྱ་དང་། རྒྱལ་མཚན་དང་རྫས་འདི་དག་གིས་རབ་ཏུ་གཅད་པར་བྱའོ། །བསྙེན་པ་ཉེ་བསྙེན་དབང་ཡང་རྫོགས། །རྫོགས་ནས་དངོས་གྲུབ་བླང་བར་བྱ། །ལྷའི་གྲངས་བཞིན་བསྙེན་པ་དབུལ་བར་བྱའོ། །སྙིང་པོ་ནི། ཨོྃ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཞེས་དྲང་
D840.099.0198b05.01ངོ་། །དེ་ནས་བསྙེན་བསྒྲུབ་ལགས་པ་དང་། ཡོ་བྱད་རྣམས་ཕྱི་རོལ་དུ་མི་འབྱུང་། གནས་སུ་མི་བགྱེར་ལྷ་དང་བདག་མཆོད་ལ་སོགས་པའི་རྗེས་ལ་ལྷག་མ་དཀྱིལ་འཁོར་སའི་འོག་ཏུ་རིན་པོ་ཆེས་ཁ་བཅད་ལ་སྦ་བར་བྱའོ། །དོན་དེ་ལྟར་བྱས་ནས་སངས་རྒྱས་དང་། བྱང་ཆུབ་སེམས་
D840.099.0198b06.01དཔའི་སྲས་སུ་སྐྱེའོ། །དེ་ལྟར་མ་བྱས་ན་དམྱལ་བར་ལྟུང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཕྲ་མེན་མའི་སྒྲུབ་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །དཀྱིལ་འཁོར་འདོམ་གང་གྲུ་བཞི་ལ་དབུས་སུ་གཽ་རི། དེའི་ཕྱི་རིམ་པདྨ་འདབ་མ་
D840.099.0198b07.01