完整藏文原文 · 德格版页 当前仅加载第 99 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་སེམས་དཔའ་འཁོར་རྒྱ་མཚོ་དང་བཅས་པ་དང་། དཔལ་ཆེན་པོ་ཤྲཱི་ཧེ་རུ་ཀ །བཛྲ་ཌཱཀྐི་ནཱི་འཁོར་རྒྱ་མཚོ་དང་བཅས་པ་དང་། གཞན་ཡང་རྡོ་རྗེ་རྣལ་འབྱོར་གྱི་དབང་ཕྱུག་ཆེན་མོ་མཆེད་ལྕམ་དྲལ་འཁོར་རྒྱ་མཚོ་དང་བཅས་པ་ཐམས་ཅད་དགོངས་སུ་གསོལ་ལོ། །{དིང་,དེང་}གནས་མཆོག་
D840.099.0190b01.01དམ་པ་འདིར་འཕགས་པ་ཐམས་ཅད་མཆོད་པ་དང་། རྡོ་རྗེ་མཆེད་ལྕམ་དྲལ་ཕྱོགས་བཅུ་ན་བཞུགས་པ་དང་། ད་ལྟར་བཞུགས་པའི་ཐུགས་དམ་བསྐང་བ་དང་། སེམས་ཅན་ཐམས་ཅད་བླ་ན་མེད་པའི་གནས་སུ་བསྒྲལ་བའི་ཕྱིར་རྒྱུ་མཆོག་རྐང་བཞི་པ་ཞིག་ཡོན་དུ་འབུལ་ཞིང་
D840.099.0190b02.01མཆིས་ན། ཐུགས་རྗེས་བཟུང་ཞིང་བསྒྲལ་དུ་གསོལ་ལོ། །རྒྱུ་མཆོག་འདི་ཐུགས་རྗེས་བཟུང་ནས་མ་བསྒྲལ་ན། འདི་ལ་སྤྱོད་པ་ཞིག་མཆིས་ཏེ། རྣལ་འབྱོར་ཐེག་པའི་གཞུང་ལས་ཀྱང་ཚུལ་བཞིན་དུ་མ་བགྱིས་ཏེ། དེ་བཞིན་གཤེགས་པའི་ཚད་མ་ཁྱད་དུ་བསད་པ་
D840.099.0190b03.01དང་། རྡོ་རྗེ་སློབ་དཔོན་དང་། མཆེད་དང་ལྕམ་དྲལ་ལ་ངན་སེམས་དང་དཔྱ་སེམས་བསྐྱེད་པ་དང་། མཆེད་ལ་འཁུས་པ་དང་། དམ་ལས་འདས་པ་དང་། སྤ་ལོ་དང་སྒྱུ་གསོག །{བརྫུན་,རྫུན་}དང་ཁ་གསག །ཕྱི་ཚུལ་དང་རྒྱབ་ཉན་བགྱིས་ནས་རྡོ་རྗེ་སློབ་དཔོན་སྙིང་ནས་སྨོད་ཅིང་བླ་མ་ལ་དབང་
D840.099.0190b04.01ཟོས་པ་དང་མཉམ་པའི་སྤྱོད་ཡུལ་སུན་ཕྱུང་སྟེ། སྦྱོར་སྒྲོལ་སྒོ་བཀག་པ་དང་། དད་པ་ཅན་གྱི་ཚོགས་བཅག་སྟེ། གདུང་སེམས་ཀྱི་རྒྱུན་བཅད་པས་ཕྲག་དོག་དབང་གིས་སྐུ་གསུང་ཐུགས་ཀྱི་གདུང་འཚོབ་པའི་བར་ཆད་ཀྱིས་ད་ལྟར་ངན་སོང་གི་གནས་ན་འཁྱམས་ཤིང་རྟོག་པའི་
D840.099.0190b05.01དྲ་བས་ནི་བཅིངས། འཁོར་བའི་རྙིས་ནི་ཟིན་ནས་དམྱལ་ཁམས་ཀྱི་གཏིང་བརྒྱུད་པར་ངེས་ཏེ། ཞིང་བཅུ་དང་ལྡན་པ་འདི་དམ་ཚིག་ཚུལ་བཞིན་དུ་བསྒྲལ་བས། འདིའི་རྣམ་པར་ཤེས་པ་བླ་ན་མེད་པའི་གནས་སུ་བསྒྲལ་བ་ཡང་གནས་སྟོབས་པར་བྱིན་གྱིས་བརླབ་ཏུ་གསོལ།
D840.099.0190b06.01ལྔ་ཕུང་གི་ཡན་ལག་ནི་ཀུན་དུ་བཟང་པོ་མཆོད་པའི་སྤྲིན་ཕུང་དུ་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དགྱེས་པའི་ངང་དུ་ཐིམ་པར་སྨོན་ཏོ། །སྨོན་ལམ་བརྗོད་དེ་བསྒྲལ་བར་བྱའོ། །སྤྱི་གཙུག་ཏུ་ཨོྃ། ལག་པ་གཡས་པར་སྭཱ། གཡོན་པ་ལ་ཧཱ། སྙིང་
D840.099.0190b07.01