完整藏文原文 · 德格版页 当前仅加载第 99 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་ཕྲ་མེན་མ་བཅུ་དྲུག །སྒྲུབ་པ་ཆེན་པོ་ནི་འདི་ལྟར་བསྒྲུབས་པས་འབྲས་བུ་དྲོད་རྣམ་པ་གསུམ་དང་སྦྱར་རོ། །འོད་ཀྱི་དྲོད་ནི་བདག་སྒྲུབ་པ་བྱེད་པའི་དུས་སུ་བདག་གི་ལུས་ལ་འོད་འབྱུང་བ་ནི་དྲོད་དང་པོ་དང་སྦྱར་རོ། །འདོན་པའི་དྲོད་ནི་བདག་སྒྲུབ་པར་བྱེད་པའི་དུས་སུ་
D840.099.0155b01.01བདག་གི་ལུས་བལ་འདབ་གཡེངས་པ་ལྟར་བྱེད་ན་དྲོད་འབྲིང་པོ་དང་སྦྱར་རོ། །དྲོད་ཀྱི་དྲོད་ནི་བདག་གི་སེམས་ཏག་ཏག་རང་རང་ནམ་མཁར་འཕུར་སྙམ་བྱེད་ན་ཐ་མ་དག་སྦྱར་རོ། །བཅོམ་ལྡན་འདས་དཔལ་རྡོ་རྗེ་སེམས་དཔས་བཀའ་སྩལ་པ། དོན་དམ་པར་བསྙེན་པ་ནི་བྱང་ཆུབ་
D840.099.0155b02.01ཀྱི་སེམས་ཀུན་དུ་བཟང་པོའི་ཉེ་བའི་བསྙེན་པ་ནི་བྱང་ཆུབ་ཀྱི་སེམས་ཀུན་དུ་བཟང་མོའོ། །དེ་ལ་གཉིས་སུ་མེད་པ་ནི་སྒྲུབ་པ། རྒྱུ་བྱང་ཆུབ་ཀྱི་སེམས་སྐྱེ་བ་མེད་པའི་དབྱིངས་ལས་མ་གཡོས་ལ་འབྲས་བུ་ཀུན་རྫོབ་བྱང་ཆུབ་ཀྱི་སེམས་ཕྱག་རྒྱ་སྣ་ཚོགས་ཅིར་སྣང་ཡང་སྒྱུ་
D840.099.0155b03.01མ་ཡེ་ཤེས་ཀྱི་ཕྱག་རྒྱ་ཙམ་དུ་སྣང་། སྣང་ཙམ་ཉིད་ན་རྒྱུ་དང་འབྲས་བུ་གཉིས་ཀ་སྟེ། རྒྱུ་འབྲས་རོ་གཅིག་པའི་བྱང་ཆུབ་ཀྱི་སེམས་ཤེས་པར་བྱ་སྟེ། ཐིག་ལེ་ཆེན་པོའི་ངང་དུ་ཡེ་ནས་མ་བཅོས་པར་ལྷུན་གྱིས་གྲུབ་པར་གནས་པ་ནི་ལྷུན་གྱིས་གྲུབ་པའི་བྱང་ཆུབ་ཀྱི་སེམས་ཞེས་
D840.099.0155b04.01བྱ་སྟེ། སྒྲུབ་པ་ཆེན་པོའོ། །རུ་ལུ་སྒྲར་ཤེས་པ་ནི་བྱི་ཁུང་ན་བུང་བ་ཆེན་པོའི་སྐད་ཙམ་རང་གི་རྣ་བས་ཐོས་པ་ལས་མ་གཏོགས་པ་གཞན་གྱིས་ཚོར་བར་མི་བྱའོ། །རུ་ལུ་དབྱངས་སུ་ཤེས་པ་ནི། །ཚངས་པའི་དབྱངས་ཀྱིས་འདྲེན་སྟངས་ཀྱིས། །རྒྱལ་བ་རྒྱ་མཚོ་
D840.099.0155b05.01ཐུགས་དམ་བསྐུལ། །རྡོ་རྗེ་སྲིན་པོ་ངུར་སྒྲ་ཡིས། །ཁམས་གསུམ་མ་ལུས་དབང་དུ་སྡུད། །འཁུན་ཅིང་གདུང་བའི་སྒྲ་དབྱངས་ཀྱིས། །མ་དང་མཁའ་འགྲོ་ཐུགས་དམ་བསྐུལ། །ཁོང་ཀུན་འདྲེན་པའི་གདུང་དབྱངས་ཀྱིས། །ཀེའུ་རི་བརྒྱད་ཀྱི་ཐུགས་དམ་བསྐུལ། །མཁུར་བ་
D840.099.0155b06.01དབུགས་ཀྱི་རླུང་འབྱིན་གྱིས། །སེང་གདོང་ལ་སོགས་ཐུགས་དམ་བསྐུལ། །སྔགས་ཀྱི་ཡིག་འབྲུ་བཟླས་པ་ཡིས། །རྡོ་རྗེ་ཚིག་ལ་སྐད་མདངས་མེད། །དེ་ནས་བཅོམ་ལྡན་འདས་ཀྱིས་ལས་ཀྱི་བཟླས་པ་འདི་གསུངས་སོ། །དམ་ཚིག་ཡེ་ཤེས་དཔལ་འབར་མ། །ཨོྃ་ནི་སྐུ་
D840.099.0155b07.01