完整藏文原文 · 德格版页 当前仅加载第 99 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
འདའ་བ་རྒྱན་གྱི་ལུང་ནི། གླང་ཆེན་འདུལ་སྟོབས་ཐེག་པའི་རྒྱན་ཞེས་པ། །བདུད་འཇོམས་སྨན་རྫས་གྲུབ་དང་ལྟ་བའི་གཞུང་། །སྟག་ནི་དཔའ་རྟུན་ཟ་བྱེད་རྒྱན་ཞེས་པ། །ཡེ་ཤེས་ཐུགས་རྗེའི་ཕྲིན་ལས་ངང་དུ་བསྟན། །སྦྲུལ་ནི་མཉེན་ལྕུག་ཕྲིན་ལས་རྒྱན་ཞེས་པ། །
D840.099.0169a01.01འཇིགས་ཚུལ་དུག་གནོན་འཁྲིལ་པ་ཡུམ་གྱི་རྒྱན། །ཐོད་ཕྲེང་དབང་སྒྲོལ་འཆད་པའི་རྒྱན་ཞེས་པ། །སྐུ་གསུམ་ཐེག་གསུམ་དུས་གསུམ་དབང་ཆད་སྒྲོལ། །གཡང་གཞི་ཚུལ་ཁྲིམས་གོས་ཀྱི་རྒྱན་ཞེས་པ། །བྱང་ཆུབ་སེམས་ཚུལ་དམ་ཁྲིམས་གོས་ཞེས་བྱ། །རཀྟ་
D840.099.0169a02.01ཐུགས་རྗེ་ཆགས་པའི་རྒྱན་ཞེས་པ། །མི་རྟོག་དབྱིངས་ནས་ཐུགས་རྗེའི་སྤྱན། །གཟི་ཆེན་དོན་དམ་བཅུད་ཀྱི་རྒྱན་ཞེས་པ། །བཅུད་ཀྱི་ཐིག་ལེ་དོན་དམ་ཀུན་དུ་འོང་། །ཐལ་བ་འདུལ་བྱེད་ཕྲིན་ལས་རྒྱན་ཞེས་པ། །ཡི་གེ་འཁོར་ལོས་མཚན་མ་ཐལ་བར་རློག །མེ་ནི་འབར་འཕྲོ་
D840.099.0169a03.01འདུ་སྲེག་ཀློང་དཀྱིལ་ཞེས། །ཡེ་ཤེས་ཐུགས་རྗེ་དབྱིངས་འདུལ་ཕྲིན་ལས་ཏེ། །ཟད་པར་བྱེད་པའི་མཐའ་འདས་དཀྱིལ་ཞེས་བྱ། །མེ་སྒྲ་སྒྲ་ཆེན་ཐ་དད་སྒྲ་ཞེས་པ། །ཆོས་སྐུ་ཁྱབ་དང་ཏིང་འཛིན་སྣ་ཚོགས་པ། །རལ་པ་ཁམ་ནག་སྙིལ་ཞིང་ཕྱེ་མ་ནི། །དེ་ནས་ཆོས་ཉིད་
D840.099.0169a04.01དབང་དྲག་སྤྲུལ་པ་འཕྲོ། །སྐུ་མདོག་མཐིང་ནག་ནམ་མཁའི་རྒྱན་ཞེས་བྱ། །འདུལ་དབང་མཐའ་མེད་ཡོན་ཏན་དགོངས་པ་གཏིང་མི་དཔོགས། ཞེས་བྱའོ། །དེ་ལ་ཁྲག་འཐུང་ཞེས་བྱ་བའི་སྒྲ་ནི་གོང་དུ་བཤད་པར་ཟད་དོ། །དེ་ལ་དཔལ་ཧེ་རུའི་སྐུ་མདོག་དང་ཕྱག་མཚན་
D840.099.0169a05.01ཅིར་ཡང་མ་ངེས་པར་འབྱུང་སྟེ་གང་ལྟར་བསྒྱུར་ཡང་འགྲུབ་པོ་ཞེས་བཤད་དོ། །དེ་ཡང་མཚན་ཉིད་མེད་པའི་ཕྱག་རྒྱ་དང་། །དེ་ལ་དངོས་བྱུང་ཕྱག་རྒྱ་རྣམས། །ངེས་པ་མེད་པར་དཔའ་བོས་བཤད། །མཁས་པས་བསྒོམས་ལ་ཅི་དགར་འགྲུབ་ཅེས་འབྱུང་ངོ་། །འོ་ན་ཡང་འདིའི་
D840.099.0169a06.01གནས་སྐབས་སུ། །ཧེ་རུ་ཀ་དབུ་གསུམ་ཕྱག་དྲུག་ཞབས་བཞིར་བགྲད་དེ། དེ་ཡང་ཡན་ལག་རྟགས་ཀྱི་ལུང་གིས་བཤད་ན། གྲུབ་པ་རྟགས་ཀྱི་ཕྱག་རྒྱ་དང་། མཛད་པ་རྟགས་ཀྱི་ཕྱག་རྒྱ་དང་གཉིས་སོ། །དེ་ལ་གྲུབ་པ་རྟགས་ཀྱི་ཕྱག་རྒྱ་ནི་དབུ་གསུམ་དུག་གསུམ་སྐུ་
D840.099.0169a07.01