完整藏文原文 · 德格版页 当前仅加载第 99 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
བོང་བ་ལ་འབུར་དུ་བརྐོས་ཏེ་གཞག །ཐབ་ཀྱི་ཁ་ཁྱེར་རྡོ་རྗེ་ར་བས་བསྐོར། དེའི་ཕྱི་རིམ་ཟླུམ་པོ་ལ་པདྨ་འདབ་བརྒྱད་བྲི། བཀྲ་ཤིས་ཀྱི་ལྷ་མོ་དང་། མཆོད་པའི་ལྷ་མོ་དགོད། བསྲེག་པའི་རྫས་ཤུ་གུ་ཤུག་ཤགས། མར་དཀར། ཁ་ར། སྦྲང་རྩི། འབྲས་ཅན།
D840.099.0198a01.01འབྲས་ཐུག །འབྲས་ཡོས། ཏིལ་ཞོ། ནས་ཐུག་སོ་བ། གྲོ་སོ་བ། ཏིལ་སོ་བ། སྲན་མ་ཤ། ཡུངས་ཀར། འབྲས་ཀྱི་ལག་པ་ན། གཏོར་མ་དཀར་པོ་འབྲས་ལས་བགྱི། ཡོ་བྱད་ཐམས་ཅད་དཀར་པོ། ཚོན་དཀར་པོས་བྲི། ཆས་གོས་གསུམ་དཀར་པོ། ལྷའི་སྐུ་མདོག་ཀྱང་
D840.099.0198a02.01དཀར་པོ། གྲངས་དང་སྦྱར་ནས་མཆོད་པར་བྱའོ། །རྒྱས་པའི་དཀྱིལ་འཁོར་འདོམ་གང་གྲུ་བཞི། ལྷ་ནི་སྔ་མའི་སྟེང་དུ་གནོད་སྦྱིན་མོ་བརྒྱད་ཀྱིས་བསྣན། ཕོ་ཉ་ཡང་འབྱུང་ངོ་། །ཡོ་བྱད་ཐམས་ཅད་ཀྱང་སེར་པོ། དགང་གཟར་སེར་པོ། ཕྲུགས་སུ་བཅས་པ་གྲངས་བཞིན་དུ་དབུལ་
D840.099.0198a03.01ལོ། །དབང་གི་དཀྱིལ་འཁོར་འདོམ་གང་གྲུ་བཞི་ལ། དཀྱིལ་འཁོར་གྱི་སྟེང་དུ་ཟླ་གམ་ཕྱེད་པར་བཅད་པའི་ཚུལ་དུ་བྱ། ལས་ཀྱི་ལྷ་པདྨ་གར་གྱི་དབང་ཕྱུག་དགོད། བསྲེག་རྫས་དམར་པོ། གཏོར་མ་དམར་པོ། ཆས་གོས་དམར་པོ། ལྷའི་གྲངས་བཞིན་དུ་དབུལ། དྲག་པོའི་དཀྱིལ་
D840.099.0198a04.01འཁོར་འདོམ་གང་གྲུ་བཞི་དབུས་སུ་གྲུ་གསུམ་ཟབས་སུ་ཁྲུ་ཕྱེད། གྲུ་གསུམ་དུ་མདའ་གཞུ། མཐའ་ཐོད་པ་གསར་སྙིང་གིས་བསྐོར། དཔལ་ཆེན་པོ་དང་ཁྲོ་བཅུ་དགོད། ཡོ་བྱད་ཐམས་ཅད་ནག་པོ། བསྲེག་རྫས་ནག་པོ། དཀྱིལ་འཁོར་ཡང་ནག་པོ། གཏོར་མ་ཡང་ནག་པོ། ལས་ཀྱི་
D840.099.0198a05.01ཁྲོ་བོ་བཅུ་དང་། ཕྲ་མེན་མ་ཆས་གོས་ནག་པོ། སྦྱིན་སྲེག་ལྷའི་གྲངས་བཞིན་དུ་དབུལ་ལོ། །ཨོྃ་ཤན་ཏིང་གན་ཏིང་ཏི་ཀར་པྲ་ཤ་མ་ནི་རཱ་ཙ་ཏ། ཨ་བ་བ་སྭ་བ་བ། ཨ་མུ་ཀ་སི། སྭ་སྟི་ཤི་བྃ། ཀུ་རུ་སྭཱ་ཧཱ། ཞི་བའོ། པ་ཤང་ཀུ་རུ་པྲ་ཤ་མ་ན་ཡེ་ཧོ། པུཥྟིཾ་ཀུ་རུ་སྭཱ་ཧཱ། སུམ་
D840.099.0198a06.01བྷ་ནི་སུམ་བྷ་ཧཱུྃ། བཅོམ་ལྡན་འདས་དཔལ་ཀུན་དུ་བཟང་པོ་ཧེ་རུ་ཀ་རོལ་པ་ལས་ཁྲོ་བོ་མནན་བཟློག་གི་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོ་ཐུགས་གསང་བའི་དཀྱིལ་འཁོར་འདི་ཕྱུང་ངོ་། །དཀྱིལ་འཁོར་འདོམ་གང་གྲུ་བཞི་ལ།
D840.099.0198a07.01