完整藏文原文 · 德格版页 当前仅加载第 99 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
དང་རྒྱལ་མཚན་མེ་དང་ལྷ་ཆེན་གནོན། །དེ་ལ་དཔལ་དྲུག་ནི། བྱམས་ལས་ཁྱབ་པ་ཐུགས་དམ་དམིགས་ཀྱིས་བསྒྲལ། །ཐུགས་རྗེས་འགྲོ་བ་ཐམས་ཅད་བུ་ལྟར་དགོངས། །སྨོན་ལམ་དབང་གིས་འཁོར་བར་ཇི་སྲིད་བཞུགས། །གཞན་དོན་མཛད་པས་བདག་དོན་ལྷུན་གྱིས་གྲུབ། །
D840.099.0168b01.01ཡོངས་སུ་རྫོགས་པ་བདེ་བ་ཆེན་པོའི་དཔལ། །ཁྲོ་རྒྱལ་ཁྲག་འཐུང་དཔལ་ཏེ་རྣམ་དྲུག་ཡིན། །དེ་ལ་དཔལ་ཡོངས་སུ་རྫོགས་པ་བདེ་བ་ཆེན་པོའི་དཔལ་ནི་བསམ་གྱིས་མི་ཁྱབ་པ་བཞི་སྟེ། །དེ་ཡང་གང་ཞེ་ན། སྐུ་གསུམ་ས་གསུམ་སེམས་དཔའ་རྟོགས་དཀའ་བ། །བཀའ་
D840.099.0168b02.01ཁྱབ་སྤྲིན་འདལ་ཆར་འབབ་ཆུ་བོའི་རྒྱུན། །ཏིང་འཛིན་བསམ་ཡས་བོ་དྷིས་ཐོགས་པ་དེ། །བསམ་ཡས་བསམ་ཁྱབ་མཁས་ལ་གཟའ་སྐར་གསལ། །ཀླུ་མཐུ་གདུལ་ཕྱིར་ཀླུ་ལྔས་སྐུ་བརྒྱན་པ། །མང་ཆེན་གསུང་སྒྲ་དབྱངས་དང་ཕོ་ཉའི་དབང་། །དུག་ལྔས་གདོས་བཅས་འདུ་བྱེད་
D840.099.0168b03.01རྒྱན་བྱས་པ། །ཁྲག་སྤྲུལ་གཡང་གཞི་ཁྭ་ཏ་དྲེགས་པ་འཇོམས། །དེ་ལ་གཟུགས་རྣམ་པ་གཉིས་ནི། མི་ཐུང་བུས་པའི་གཟུགས་འདྲ་ལ། །ཨ་གོན་ལ་ནི་རྐང་ལག་གཏམས། །དྲང་སྲོང་ཁྲོས་པའི་ཆ་བྱད་ལ། །ཤིན་ཏུ་མཁྲང་ཞིང་སྐེམས་བགས་བྲི། །གནོད་སྦྱིན་སྙིང་
D840.099.0168b04.01བགས་མི་མཐུན་གཟུགས་དང་ནི། །འདུལ་དབང་{ཡི་དགས་,ཡི་དྭགས་}སྲིན་པོ་དྲང་སྲོང་འདྲ། །དེ་ལ་གྲགས་པ་ནི་བུད་དྷ་བོ་དྷིས་བསྟོད་དམ་སྲས་སྤུན་དགོངས། །གཏི་མུག་གཟེངས་བསྟོད་ང་རྒྱལ་གནོན་པར་གྲགས། །དེ་ལ་ཡེ་ཤེས་ནི། རྣམ་དག་དབྱིངས་མཁྱེན་འཁོར་བའི་སྐྱོན་
D840.099.0168b05.01དང་བྲལ། །འགྲོ་བའི་རྒྱུད་མཁྱེན་འཁོར་བའི་མཐའ་ལས་འདས། །གཉིས་སུ་མེད་པར་མཁྱེན་པས་དབུ་མའི་ངང་། །མདོར་ན་ཐམས་ཅད་པ་ཡི་ཡེ་ཤེས་ཡིན། །དེ་ལ་ནན་ཏན་ནི། ནན་ཏན་སྙིང་པོ་ཟག་མེད་ཟག་བཅས་འདུ། །ནན་ཏན་ཕྲིན་ལས་འགྲོ་བ་གནས་ནས་འདོན། །
D840.099.0168b06.01བསམ་ཡས་ནན་ཏན་འགྲོ་བ་ཆུད་མི་གསོན། །ནན་ཏན་མཆོག་གིས་མཆོག་ཏུ་ཤེས་པར་བྱ། །ད་ནི་ལུང་རྣམ་པ་གསུམ་སྤྱིར་དྲིལ་ཏེ་བཤད་དོ། །དེ་ཡང་མི་འདའ་བ་རྒྱན་གྱི་ལུང་དང་། ཆེ་མཆོག་ཡོན་ཏན་གྱི་ལུང་དང་། ཡན་ལག་རྟགས་ཀྱི་ལུང་གིས་བཤད་དོ། །དེ་ལ་མི་
D840.099.0168b07.01