完整藏文原文 · 德格版页 当前仅加载第 99 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
གསུང་ཐུགས་ལྷུན་གྲུབ། །ལྟ་སྤྱོད་རྣམ་གསུམ་གྲུབ་པའི་རྟགས། །སྤྱན་དགུ་ས་གསུམ་སྐུ་གསུམ་ཡེ་ཤེས་གསུམ་སྟེ་དགུ། །བགྲོད་མེད་ཐོབ་མེད་དམིགས་པ་ལས་འདས་པ། །རྟག་ཆད་སྤྱན་གཉིས་མཐའ་ཡངས་དབུ་མའི་སྤྱན། །ཤངས་གསུམ་སྲོག་ལ་མངའ་
D840.099.0169b01.01མཛད་ཏིང་འཛིན་གསུམ། །དེ་བཞིན་ཉིད་དུ་ཀུན་དུ་སྣང་ཞེས་བྱ། །སྒྲ་ཆེན་ཐ་དད་སྒྲ་ཆེན་ཆོས་སྐུ་ཏིང་འཛིན་སྙན། །ཞལ་གསུམ་རྣམ་ཐར་སྒོ་གསུམ་ལྷུན་གྱིས་གྲུབ། །ལྗགས་གསུམ་ཐེག་གསུམ་མཐར་ཕྱིན་ཤེས་བྱའི་རྟགས། །མཆེ་བཞི་ཕྲིན་ལས་མཐར་
D840.099.0169b02.01ཕྱིན་ཞི་བའི་ཚུལ། །ཡེ་ཤེས་དྲུག་ནི་མཐར་ཕྱིན་ཕྱག་དྲུག་སྟེ། །ཕ་རོལ་ཕྱིན་དྲུག་མཐར་ཕྱིན་ཕྱག་མཚན་དྲུག །ཞབས་བཞི་ལམ་བཞིར་བགྲོད་པ་མེད་པ་ཐོབ། །དེ་ལ་མཛད་པ་རྟགས་ཞེས་བྱ་བ་ནི། སྤྱན་དགུ་ས་དགུ་འདུལ་བའི་བྱེ་བྲག་གཟིགས། །སྤྱན་
D840.099.0169b03.01གསུམ་སྲིད་གསུམ་མགོ་རྒྱུད་སོ་སོར་མཁྱེན། །ཤངས་གསུམ་ནས་བྱུང་སྤྲུལ་པས་སྟོང་གསུམ་འགེངས། །སྙན་དྲུག་འགྲོ་དྲུག་གནས་ནས་ཅི་གསོལ་གསན། །དབུ་གསུམ་སྲིད་གསུམ་མགོན་མཛད་སྐུ་གསུང་ཐུགས། །ཞལ་གསུམ་དབྱིངས་སུ་དུག་གསུམ་
D840.099.0169b04.01ཟད་པར་རྔུབ། །ལྗགས་གསུམ་ཐེག་གསུམ་བསྟན་པའི་གདངས་ངར་སྒྲོགས། །ཁམས་གསུམ་ཉུག་བྱེད་རྡོ་རྗེ་སྲིན་མོ་ལྕེ། །མཆེ་བཞི་སྐྱེ་ཤི་རྩ་ནས་གཅོད་པར་མཛད། །ཕྱག་དྲུག་རྒྱུད་དྲུག་འཁོར་བ་གཏིང་ནས་འདོན། །ཕྱག་མཚན་ཕ་རོལ་ཕྱིན་དྲུག་འགྲོ་དོན་མཛད། །ཞབས་
D840.099.0169b05.01བཞིར་ཕྲིན་ལས་རྣམ་བཞི་བགྲོད་མེད་སྒྲོལ། །ཡན་ལག་རྟགས་ཀྱི་ལུང་གིས་འདི་ལྟར་ཡང་དག་བཤད། །རྡོ་རྗེ་ཡེ་ཤེས་ཕ་རོལ་ཕྱིན་པ་ནི། །རང་བཞིན་མི་འགྱུར་ལས་ནི་འབིགས་ཤིང་འཇོམས། །ཆོས་སྐུ་རྡོ་རྗེ་རྟོག་དང་བག་ཆགས་བསྲེག །ཡེ་ཤེས་ཡིན་ཕྱིར་དེ་ལ་དེ་སྐད་བྱ། །བྷན་
D840.099.0169b06.01དྷ་བཟོད་པའི་ཕ་རོལ་ཕྱིན་པ་ནི། །ཆོས་དབྱིངས་སྤྲོས་མེད་ཡེ་ཤེས་བཞི་དང་ལྡན། །ཡེ་ཤེས་དབྱིངས་རྟོག་ཞེན་ཁྲག་ཐུགས་རྗེ་སྐྱེད། །མཐའ་གཉིས་སྐྱོན་ལ་མི་བསྔགས་བཟོད་པའི་མཆོག །ཁ་ཊྭཱཾ་སྟོབས་ཀྱི་ཕ་རོལ་ཕྱིན་པ་ནི། །དུག་གསུམ་དགའ་བྱེད་དྲེགས་པའི་ལྷ་བདུད་
D840.099.0169b07.01