完整藏文原文 · 德格版页 当前仅加载第 30 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
བར་མི་འགྱུར་བ་དང་། ལུས་བདེ་བར་འགྱུར་བ་དང་། ལུས་ཡང་བར་འགྱུར་བ་དང་། ལུས་ལས་སུ་རུང་བ་དང་། སེམས་ཡང་བ་དང་། སེམས་ལས་སུ་རུང་བ་དང་། སེམས་བདེ་བར་ཉམས་སུ་ཚོར་བར་འགྱུར་ཏེ། དེ་ཕྱིན་ཆད་དེ་ཤེས་རབ་ཀྱི་ཕ་
D10.030.0008a01.01རོལ་ཏུ་ཕྱིན་པ་ལ་བསམ་པ་ཐག་པ་ནས་ཡོངས་སུ་རྟོག་ཅིང་སྡིག་པའི་རྨི་ལམ་རྨི་བར་མི་འགྱུར་རོ། །དེ་རྨི་ལམ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་སྤྲས་པ། སྐུ་གསེར་གྱི་ཁ་དོག་
D10.030.0008a02.01ཅན། དགེ་སློང་གི་དགེ་འདུན་གྱིས་མདུན་གྱིས་བལྟས་པ། བྱང་ཆུབ་སེམས་དཔའི་ཚོགས་ཀྱིས་མདུན་གྱིས་བལྟས་པ། ཆོས་སྟོན་ཅིང་བཞུགས་པ་དག་མཐོང་བར་འགྱུར་ཏེ། དེ་བཞིན་གཤེགས་པ་དེ་དག་ལས་ཕ་རོལ་ཏུ་ཕྱིན་པ་དྲུག་དང་ལྡན་པའི་གཏམ་ཉིད་ཐོས་
D10.030.0008a03.01པར་འགྱུར་ཞིང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་ལྡན་པ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང་ལྡན་པའི་གཏམ་ཉིད་ཐོས་པར་འགྱུར་ཏེ། ཕ་རོལ་ཏུ་ཕྱིན་པ་དེ་དག་གི་དོན་ཐོས་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་
D10.030.0008a04.01བརྒྱད་ཀྱི་བར་གྱི་དོན་ཐོས་པར་འགྱུར་རོ། །བྱང་ཆུབ་ཀྱི་ཤིང་ཡང་མཐོང་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་ཀྱི་སྙིང་པོར་འགྲོ་བ་ཡང་མཐོང་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
D10.030.0008a05.01པར་འཚང་རྒྱ་བ་ཡང་མཐོང་བར་འགྱུར་རོ། །བྱང་ཆུབ་སེམས་དཔའ་བྱེ་བ་ཁྲག་ཁྲིག་ཕྲག་འབུམ་ཕྲག་མང་པོ་རྣམ་པ་ཐམས་ཅད་མཁྱེན་པ་ཉིད་ནི་འདི་ལྟར་ཡོངས་སུ་གཟུང་བར་བྱའོ། །སེམས་ཅན་རྣམས་ནི་འདི་ལྟར་ཡོངས་སུ་སྨིན་པར་བྱའོ། །སངས་རྒྱས་ཀྱི་ཞིང་
D10.030.0008a06.01ནི་འདི་ལྟར་ཡོངས་སུ་གཟུང་བར་བྱ་ཞེས། ཆོས་བགྲོ་བ་བྱེད་པ་དག་ཀྱང་མཐོང་བར་འགྱུར་རོ། །ཤར་ཕྱོགས་ནས་སངས་རྒྱས་བྱེ་བ་ཁྲག་ཁྲིག་ཕྲག་འབུམ་ཕྲག་མང་པོ་དག་གི་སྒྲ་ཡང་ཐོས་པར་འགྱུར་རོ། །དེ་བཞིན་དུ་ལྷོ་དང་། ནུབ་དང་། བྱང་དང་། འོག་དང་།
D10.030.0008a07.01