完整藏文原文 · 德格版页 当前仅加载第 30 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
རོ་ཞེས་ཟེར་རོ། །དེ་དེ་ལྟར་སྔོན་གྱི་མིང་བསྟན་པ་དང་རུས་བསྟན་པ། དེ་དང་ད་ལྟར་བྱུང་བའི་སྦྱངས་པའི་ཡོན་ཏན་བསྟན་པ་དེས་རློམ་སེམས་སྐྱེ་བར་འགྱུར་ཏེ། དེར་ཡང་བདུད་སྡིག་ཅན་འོང་ཞིང་འདི་སྐད་དུ་རིགས་ཀྱི་བུ་ཁྱོད་ལ་སྦྱངས་པའི་ཡོན་ཏན་ཇི་ལྟར་
D10.030.0229a01.01ཡོད་པ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཉིད་དུ་ལུང་བསྟན་ཏོ་ཞེས་ཟེར་ཞིང་། ཡང་ན་དགེ་སློང་གི་ཆ་བྱད་དུ་སྒྱུར་ཅིང་འོང་ངོ་། ཡང་ན་དགེ་སློང་
D10.030.0229a02.01མའི་ཆ་བྱད་དུ་སྒྱུར་ཅིང་འོང་ངོ་། ཡང་ན་ཁྱིམ་བདག་གི་ཆ་བྱད་དུ་སྒྱུར་ཅིང་འོང་ངོ་། ཡང་ན་མའི་ཆ་བྱད་དུ་སྒྱུར་ཅིང་འོང་ངོ་། ཡང་ན་ཕའི་ཆ་བྱད་དུ་སྒྱུར་ཅིང་འོང་ངོ་། འོངས་ནས་ཀྱང་འདི་སྐད་དུ་རིགས་ཀྱི་བུ་ཁྱོད་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D10.030.0229a03.01རྒྱས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོན་ཏན་གང་ཡིན་པ་དེ་དག་ཁྱོད་ལ་ཡོད་པའི་ཕྱིར་རོ་ཞེས་ཟེར་ལ། རབ་འབྱོར་ངས་ཕྱིར་མི་ལྡོག་
D10.030.0229a04.01པའི་བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པར་རྣམས་དང་། རྟགས་རྣམས་དང་མཚན་མ་རྣམས་བསྟན་པ་གང་ཡིན་པ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་མེད་ན། རབ་འབྱོར་དེ་ལས་གཞན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་
D10.030.0229a05.01རྣམས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་འདི་ནི་བདུད་ཀྱི་བྱིན་གྱིས་བརླབས་པ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པ་གང་ཡིན་པ་དང་། རྟགས་གང་ཡིན་པ་དང་། མཚན་
D10.030.0229a06.01མ་གང་ཡིན་པ་དེ་དག་ཀྱང་དེ་ལ་མེད་ལ། མིང་བསྟན་པ་དེས་ཀྱང་དེ་ལས་གཞན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་ལ་རློམ་སེམས་སུ་བྱེད། འཕྱ་བར་བྱེད། སྟིང་བར་བྱེད། ཁྱད་དུ་གསོད་པར་བྱེད་ཅིང་། སྨོད་པར་བྱེད་པའི་ཕྱིར་ཏེ། རབ་འབྱོར་མིང་བསྟན་པ་དེ་
D10.030.0229a07.01