完整藏文原文 · 德格版页 当前仅加载第 30 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་སྐད་སྨྲ། ཤཱ་རིའི་བུས་སྨྲས་པ། ཚེ་དང་ལྡན་པ་རབ་འབྱོར་དམིགས་པ་མེད་པར་ལས་མི་འབྱུང་། དམིགས་པ་མེད་པར་སེམས་པ་མི་འབྱུང་སྟེ། དམིགས་པ་དང་བཅས་པ་ཉིད་ལས་ལས་འབྱུང་ཞིང་། དམིགས་པ་དང་བཅས་པ་ཉིད་ལས་སེམས་པ་འབྱུང་ངོ་། །རབ་འབྱོར་གྱིས་སྨྲས་པ།
D10.030.0207b01.01ཚེ་དང་ལྡན་པ་ཤཱ་རིའི་བུ་དེ་དེ་བཞིན་ནོ། །དེ་དེ་བཞིན་ཏེ། དམིགས་པ་མེད་པར་ལས་མི་འབྱུང་ཞིང་། དམིགས་པ་མེད་པར་སེམས་པ་མི་འབྱུང་སྟེ། ཚེ་དང་ལྡན་པ་ཤཱ་རིའི་བུ་དམིགས་པ་དང་བཅས་པ་ཉིད་ལས་ལས་འབྱུང་གི་དམིགས་པ་མེད་པར་ནི་མ་ཡིན་ནོ། །དམིགས་པ་དང་བཅས་
D10.030.0207b02.01པ་ཉིད་ལས་སེམས་པ་འབྱུང་གི། དམིགས་པ་མེད་པར་ནི་མ་ཡིན་ཏེ། མཐོང་བ་དང་། ཐོས་པ་དང་། བྱེ་བྲག་ཕྱེད་པ་དང་། རྣམ་པར་རིག་པའི་ཆོས་རྣམས་ལ་བློ་འཇུག་གི། མ་མཐོང་བ་དང་། མ་ཐོས་པ་དང་། བྱེ་བྲག་མ་ཕྱེད་པ་དང་། རྣམ་པར་མ་རིག་པའི་ཆོས་རྣམས་ལ་
D10.030.0207b03.01ནི་བློ་མི་འཇུག་གོ། །དེ་ལ་བློ་ལ་ལ་ནི་ཀུན་ནས་ཉོན་མོངས་པ་ཡོངས་སུ་འཛིན་ཏོ། །བློ་ལ་ལ་ནི་རྣམ་པར་བྱང་བ་ཡོངས་སུ་འཛིན་ཏོ། །ཚེ་དང་ལྡན་པ་ཤཱ་རིའི་བུ་དེ་ལྟ་བས་ན་དམིགས་པ་དང་བཅས་པ་ཉིད་ལས་ལས་འབྱུང་གི། དམིགས་པ་མེད་པར་ནི་མ་ཡིན་ནོ། །དམིགས་པ་དང་བཅས་པ་
D10.030.0207b04.01ཉིད་ལས་སེམས་པ་འབྱུང་གི། དམིགས་པ་མེད་པར་ནི་མ་ཡིན་ནོ། །ཤཱ་རིའི་བུས་སྨྲས་པ། ཚེ་དང་ལྡན་པ་རབ་འབྱོར་ལས་ཐམས་ཅད་དང་། སེམས་པ་ཐམས་ཅད་ནི་དབེན་པའོ་ཞེས་བཅོམ་ལྡན་འདས་ཀྱིས་གསུངས་ན་དེ་ཇི་ལྟར་ན་དམིགས་པ་དང་བཅས་པ་ཉིད་ལས་ལས་འབྱུང་
D10.030.0207b05.01གི། གང་དམིགས་པ་མེད་པར་ནི་མ་ཡིན་ཞིང་། དམིགས་པ་དང་བཅས་པ་ཉིད་ལས་སེམས་པ་འབྱུང་གི། དམིགས་པ་མེད་པར་ནི་མ་ཡིན། རབ་འབྱོར་གྱིས་སྨྲས་པ། ཚེ་དང་ལྡན་པ་ཤཱ་རིའི་བུ་བྱིས་པ་སོ་སོའི་སྐྱེ་བོ་སོ་སོ་རྣམས་ནི་མཚན་མར་བྱས་ནས། ལས་རྣམས་མངོན་པར་འདུ་
D10.030.0207b06.01བྱེད་དེ། དམིགས་པ་དང་བཅས་པ་ཉིད་ལས་ལས་འབྱུང་གི། དམིགས་པ་མེད་པར་ནི་མ་ཡིན་ནོ། །དམིགས་པ་དང་བཅས་པ་ཉིད་ལས་སེམས་པ་འབྱུང་གི། དམིགས་པ་མེད་པར་ནི་མ་ཡིན་ནོ། །དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་
D10.030.0207b07.01