完整藏文原文 · 德格版页 当前仅加载第 30 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འགྱུར་ལགས་སོ། །གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་འདྲི་བར་མི་འགྱུར་བའམ། ཡི་གེར་འདྲི་བའི་བར་ཆད་བགྱིད་པ་དང་། སྒོམ་པར་མི་འགྱུར་བའམ། སྒོམ་པའི་བར་ཆད་བགྱིད་པ་དེ་དག་ནི་སངས་རྒྱས་ཀྱི་ཆོས་རྒྱ་ཆེན་པོ་དག་ལ་བློ་འཇུག་པར་མི་འགྱུར་ལགས་
D10.030.0127b01.01སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ། རིགས་ཀྱི་བུ་འམ་རིགས་ཀྱི་བུ་མོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་འབྲི་བར་མི་འགྱུར་བ་དང་། ཀློག་པར་མི་འགྱུར་བ་དང་། ལུང་ནོད་པར་མི་འགྱུར་བ་དང་། ཁ་ཏོན་
D10.030.0127b02.01བྱེད་པར་མི་འགྱུར་བ་དང་། ཚུལ་བཞིན་དུ་ཡིད་ལ་བྱེད་པར་མི་འགྱུར་བ་དང་། སྒོམ་པར་མི་འགྱུར་ཞིང་། བར་ཆད་བྱེད་པར་འགྱུར་བ་དེ་དག་ནི་ཐེག་པ་ལ་གསར་དུ་ཞུགས་པ་དང་། དགེ་བའི་རྩ་བ་མ་བསྐྱེད་པ་དང་། དགེ་བའི་རྩ་བ་ཆུང་བ་དང་། སྔོན་གྱི་རྒྱལ་བ་ལ་ལྷག་པར་བྱ་བ་མ་བྱས་
D10.030.0127b03.01པ་དང་། དགེ་བའི་བཤེས་གཉེན་གྱིས་ཡོངས་སུ་མ་ཟིན་པ་ཡིན་ནོ། །རབ་འབྱོར་རིགས་ཀྱི་བུའམ་རིགས་ཀྱི་བུ་མོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་འདྲི་བར་མི་བྱེད་ཅིང་། སྒོམ་པའི་བར་དུ་མི་བྱེད་ལ། གཞན་དག་ཡི་གེར་འདྲི་བ་དང་། སྒོམ་པའི་བར་དུ་བྱེད་
D10.030.0127b04.01པ་ལ་བར་ཆད་བྱེད་པ་དེ་དག་ནི་བློ་ཆུང་བ་དང་། བློ་ཞན་པ་དང་། བློ་དམན་པ་ཡིན་པས་སངས་རྒྱས་ཀྱི་ཆོས་རྒྱ་ཆེན་པོ་དག་ལ་བློ་འཇུག་པར་མི་འགྱུར་རོ། །རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་འདྲི་བ་དང་། སྒོམ་པའི་བར་དུ་བྱེད་པ་ལ། བདུད་ཀྱི་ལས་དེ་ལྟ་བུ་
D10.030.0127b05.01གཞན་དག་ཀྱང་འབྱུང་བར་འགྱུར་རོ། །རབ་འབྱོར་རིགས་ཀྱི་བུ་དང་རིགས་ཀྱི་བུ་མོ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་འདྲི་བ་དང་། ཁ་ཏོན་དུ་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དང་། སྒོམ་པ་དག་ལ་གལ་ཏེ་བདུད་ཀྱི་ལས་དག་འབྱུང་བར་འགྱུར་
D10.030.0127b06.01ཡང་། གོང་ནས་གོང་དུ་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་ཞིང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་བ་དང་།
D10.030.0127b07.01