完整藏文原文 · 德格版页 当前仅加载第 30 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པར་གྱུར་ལ། དེ་དག་ཐམས་ཅད་ཀྱིས་འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉན་ཐོས་ཀྱི་དགེ་འདུན་དང་བཅས་པ་
D10.030.0049b01.01རྣམས་ཀྱི་དགེ་བའི་རྩ་བ་གང་ཡིན་པ་ཐུགས་དང་པོ་བསྐྱེད་པ་ནས་བཟུང་སྟེ། དམ་པའི་ཆོས་ཇི་སྲིད་གནས་པའི་བར་དེར་སངས་རྒྱས་བཅོམ་ལྡན་འདས་དེ་དག་དང་། ཉན་ཐོས་དེ་དག་དང་། རང་སངས་རྒྱས་དེ་དག་དང་། དེ་དག་ལས་གཞན་པ་སེམས་ཅན་ཐམས་ཅད་ཀྱི་དགེ་བའི་རྩ་བ་
D10.030.0049b02.01སྦྱིན་པའི་ཕ་རོལ་ཏུ་ཕྱིན་པ་ལས་བྱུང་བ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལས་བྱུང་བ་དང་། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་
D10.030.0049b03.01ཡེ་ཤེས་མཐོང་བའི་ཕུང་པོ་དང་། སངས་རྒྱས་ཀྱི་ཆོས་ཚད་མེད་པ་གཞན་དག་དང་། དེ་དག་ཐམས་ཅད་མངོན་པར་བསྡུས་ནས་དམིགས་པའི་ཚུལ་གྱིས་རྗེས་སུ་ཡི་རང་སྟེ། རྗེས་སུ་ཡི་རང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་ལ། རིགས་ཀྱི་
D10.030.0049b04.01བུའམ་རིགས་ཀྱི་བུ་མོ་གང་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་ཏེ། དེས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་། རང་སངས་རྒྱས་དང་བཅས་པ་རྣམས་ཀྱི་ཐུགས་དང་པོ་
D10.030.0049b05.01བསྐྱེད་པ་ནས་བཟུང་སྟེ། དམ་པའི་ཆོས་ཇི་སྲིད་གནས་པའི་བར་དེར། སྦྱིན་པའི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང་། སངས་རྒྱས་ཀྱི་ཆོས་ཚད་མེད་པའི་བར་དེ་དག་ཐམས་ཅད་མངོན་པར་བསྡུས་ནས། མི་དམིགས་པའི་ཚུལ་དང་། གཉིས་སུ་མེད་
D10.030.0049b06.01པའི་ཚུལ་དང་། མཚན་མ་མེད་པའི་ཚུལ་དང་། གོས་པ་མེད་པའི་ཚུལ་དང་། བྱེད་པ་མེད་པའི་ཚུལ་གྱིས་རྗེས་སུ་ཡི་རང་བ་མཆོག་གིས་རྗེས་སུ་ཡི་རང་སྟེ། རྗེས་སུ་ཡི་རང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་ནས་འདི་ལྟར་བྱང་ཆུབ་སེམས་དཔའ་
D10.030.0049b07.01