完整藏文原文 · 德格版页 当前仅加载第 30 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པར་མི་བྱེད་དོ། །དེ་བཞིན་དུ་རང་བྱང་ཆུབ་ཀྱི་བར་དུ་ཐོབ་པར་མི་བྱེད་དོ། །དེ་འདོད་ན་བསམས་བཞིན་དུ་ལུས་ཡོངས་སུ་འཛིན་ཏེ་ལུས་གང་གིས་སེམས་ཅན་རྣམས་ཀྱི་དོན་བྱེད་པའི་ལུས་དེ་ཡོངས་སུ་འཛིན་ཏེ། རབ་འབྱོར་རྣམ་པ་དེ་དག་དང་། རྟགས་དེ་དག་དང་། མཚན་མ་དེ་དག་དང་ལྡན་
D10.030.0190b01.01པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་རིག་པར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བྱང་ཆུབ་ཀྱི་སེམས་ཡིད་ལ་བྱེད་པ་དང་ལྡན་ཏེ། བྱང་ཆུབ་ཀྱི་སེམས་དང་མ་བྲལ་བས་གཟུགས་ལྷུར་ལེན་པ་མ་ཡིན།
D10.030.0190b02.01མཚན་མ་ལྷུར་ལེན་པ་མ་ཡིན། ལུས་ལྷུར་ལེན་པ་མ་ཡིན། སྦྱིན་པ་ལྷུར་ལེན་པ་མ་ཡིན། དེ་བཞིན་དུ་ཤེས་རབ་ཀྱི་བར་དུ་ལྷུར་ལེན་པ་མ་ཡིན། བསམ་གཏན་ལྷུར་ལེན་པ་མ་ཡིན། ཚད་མེད་པ་ལྷུར་ལེན་པ་མ་ཡིན། གཟུགས་མེད་པའི་སྙོམས་པར་འཇུག་པ་ལྷུར་ལེན་པ་མ་ཡིན།
D10.030.0190b03.01མངོན་པར་ཤེས་པ་ལྷུར་ལེན་པ་མ་ཡིན། དེ་བཞིན་གཤེགས་པའི་སྟོབས་ལྷུར་ལེན་པ་མ་ཡིན། མི་འཇིགས་པ་ལྷུར་ལེན་པ་མ་ཡིན། བྱང་ཆུབ་ཀྱི་བར་དུ་ལྷུར་ལེན་པ་མ་ཡིན། སངས་རྒྱས་ཀྱི་ཞིང་ཡོངས་སུ་དག་པར་བྱ་བ་ལྷུར་ལེན་པ་མ་ཡིན། སེམས་ཅན་ཡོངས་སུ་སྨིན་པར་བྱ་བ་ལྷུར་
D10.030.0190b04.01ལེན་པ་མ་ཡིན། སངས་རྒྱས་བལྟ་བ་ལྷུར་ལེན་པ་མ་ཡིན། དགེ་བའི་རྩ་བ་བསྐྱེད་པ་ལྷུར་ལེན་པ་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་ཆོས་དེ་དག་ནི་ནམ་མཁའ་དང་མཉམ་པ་དང་། དངོས་པོ་མེད་པའི་ངོ་བོ་ཉིད་དང་། རང་གི་མཚན་ཉིད་ཀྱིས་སྟོང་པའི་ཕྱིར་ཏེ། རབ་འབྱོར་ཕྱིར་མི་ལྡོག་
D10.030.0190b05.01པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་སྤྱོད་ལམ་རྣམ་བཞིར་ཡང་བྱང་ཆུབ་སེམས་དཔའི་ཡིད་ལ་བྱེད་པ་འདི་དང་ལྡན་པས་འགྲོ་ཡང་རུང་ལྡོག་ཀྱང་རུང་སྟེ། སེམས་འཁྲུལ་བཞིན་དུ་མི་འོང་། སེམས་འཁྲུལ་བཞིན་དུ་མི་འགྲོ། སེམས་འཁྲུལ་བཞིན་དུ་མི་འགྲེང་། སེམས་འཁྲུལ་བཞིན་
D10.030.0190b06.01དུ་མི་འཆག། སེམས་འཁྲུལ་བཞིན་དུ་མི་འདུག། སེམས་འཁྲུལ་བཞིན་དུ་མི་ཉལ་གྱི། དེ་ནི་དྲན་བཞིན་དུ་འོང་བ་དང་། འགྲོ་བ་དང་། འཆག་པ་དང་། འགྲེང་བ་དང་། འདུག་པ་དང་། ཉལ་བར་བྱེད་དེ། རབ་འབྱོར་རྣམ་པ་དེ་དག་དང་། རྟགས་དེ་དག་དང་། མཚན་མ་དེ་དག་དང་ལྡན་པའི་
D10.030.0190b07.01