完整藏文原文 · 德格版页 当前仅加载第 30 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་པར་འགྱུར་ཞེ་ན། རིགས་ཀྱི་བུའམ་རིགས་ཀྱི་བུ་མོ་ཐེག་པ་ཆེན་པོ་པ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སྤྱོད་ཅིང་། དེ་བཞིན་གཤེགས་པ་ལ་སྐུར་པ་གདབ་པར་མི་འདོད་པས་ནི། འདི་སྐད་དུ་ཡོངས་སུ་
D10.030.0044b01.01བསྔོ་བར་བྱ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་སངས་རྒྱས་ཀྱི་ཡེ་ཤེས་བླ་ན་མེད་པས་དགེ་བའི་རྩ་བ་དེ་དག་ཇི་ལྟར་ཐུགས་སུ་ཆུད་པ་དང་། རང་བཞིན་གང་ཡིན་པ་དང་། ངོ་བོ་ཉིད་གང་ཡིན་པ་དང་། མཚན་ཉིད་
D10.030.0044b02.01གང་ཡིན་པ་དང་། ཆོས་ཉིད་གང་གིས་ཡོད་པ་དེ་བཞིན་དུ་བདག་ཀྱང་རྗེས་སུ་ཡི་རང་ངོ་། །སངས་རྒྱས་བཅོམ་ལྡན་འདས་དེ་དག་གིས་ཇི་ལྟར་ཐུགས་སུ་ཆུད་པ་དེ་བཞིན་དུ་བདག་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོའོ་ཞེས་རིགས་ཀྱི་བུའམ་
D10.030.0044b03.01རིགས་ཀྱི་བུ་མོ་ཐེག་པ་ཆེན་པོ་པས་དགེ་བའི་རྩ་བ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་དེ་ལྟར་ཡོངས་སུ་བསྔོ་བར་བྱའོ། །དེ་ལྟར་ཡོངས་སུ་བསྔོས་ན། དེ་བཞིན་གཤེགས་པ་ལ་ཡང་སྐུར་པ་བཏབ་པར་མི་འགྱུར་ལ། དེ་བཞིན་གཤེགས་པས་གསུངས་པ་བཞིན་དུ་
D10.030.0044b04.01སྨྲ་བ་དང་། ཆོས་སྨྲ་བར་ཡང་འགྱུར་རོ། །དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་ཡོངས་སུ་བསྔོ་བ་དུག་མེད་པ་ཡིན་ནོ་ཞེས་བསླབ་པར་བྱའོ། །གཞན་ཡང་རིགས་ཀྱི་བུའམ་རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་ཤེས་རབ་ཀྱི་ཕ་
D10.030.0044b05.01རོལ་ཏུ་ཕྱིན་པ་ལ་སྤྱོད་པས། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་བར་བྱ་སྟེ། འདི་ལྟར་གཟུགས་ནི་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་སུ་གཏོགས་པ་མ་ཡིན་ནོ། །ཚོར་བ་དང་། འདུ་ཤེས་དང་། འདུ་བྱེད་རྣམས་
D10.030.0044b06.01དང་། རྣམ་པར་ཤེས་པ་ནི་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་སུ་གཏོགས་པ་མ་ཡིན་ནོ། །དེ་བཞིན་དུ་ཁམས་རྣམས་དང་། སྐྱེ་མཆེད་རྣམས་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡང་འདོད་པའི་ཁམས་དང་། གཟུགས་ཀྱི་
D10.030.0044b07.01