完整藏文原文 · 德格版页 当前仅加载第 30 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། གང་དུ་ཡོངས་སུ་བསྔོས་པ་དེ་ཡང་དེའི་ཆོས་ཉིད་ཡིན་པར་དེ་ལྟར་ཤེས་ཏེ། གལ་ཏེ་དེ་ལྟར་བསྔོས་ན། འཐུན་པར་ཡོངས་སུ་སྔོ་བ་ཡིན་ཏེ། ཡང་དག་པར་ཡོངས་སུ་སྔོ་བ་ཡིན་ཞིང་མི་འཐུན་པར་ཡོངས་སུ་སྔོ་བ་མ་ཡིན་ལ། ལོག་པར་ཡོངས་སུ་སྔོ་བ་མ་
D10.030.0041a01.01ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཡོངས་སུ་བསྔོ་བར་བྱའོ། །གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ལས་སོ་སོའི་སྐྱེ་བོ་གང་དག་གིས་དགེ་བའི་རྩ་བ་བསྐྱེད་
D10.030.0041a02.01པ་དག་དང་ཆོས་བསྟན་པ་ཐོས་པ་གང་ཡིན་པ་དག་དང་། དེ་དག་ལ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་གང་དག་གིས་དགེ་བའི་རྩ་བ་བསྐྱེད་པ་དག་དང་། རྒྱལ་རིགས་ཤིང་སཱ་ལ་ཆེན་པོ་ལྟ་བུ་
D10.030.0041a03.01རྣམས་དང་། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་རྣམས་དང་། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་རྣམས་དང་། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་ཆོས་ཐོས་ཤིང་། དགེ་བའི་རྩ་བ་ཡང་བསྐྱེད་པ་དག་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D10.030.0041a04.01ཡང་སེམས་བསྐྱེད་པ་དེ་དག་ཐམས་ཅད་ཡོངས་སུ་བསྡུས་ནས། གཅིག་ཏུ་བརྟུལ་ཅིང་གཞལ་ཏེ། རྗེས་སུ་ཡི་རང་བའི་མཆོག་གིས་རྗེས་སུ་ཡི་རང་བ་དང་། རྗེས་སུ་ཡི་རང་བ་ཕུལ་དུ་བྱུང་བ་དང་། གཙོ་བོ་དང་། རབ་དང་། རབ་མཆོག་དང་། གྱ་ནོམ་པས་རྗེས་སུ་ཡི་རང་བ་དང་།
D10.030.0041a05.01རྗེས་སུ་ཡི་རང་བ་མཉམ་པ་མེད་པ་དང་། མི་མཉམ་པ་དང་མཉམ་པས་རྗེས་སུ་ཡི་རང་སྟེ། རྗེས་སུ་ཡི་རང་ནས་ཀྱང་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། གལ་ཏེ་ཆོས་དེ་དག་ནི་ཟད་པ་དང་། འགག་པ་དང་། མེད་པ་དང་།
D10.030.0041a06.01རྣམ་པར་གྱུར་པ་ཡིན་ལ། གང་དུ་ཡོངས་སུ་བསྔོ་བའི་ཆོས་དེ་ཡང་རང་བཞིན་གྱིས་སྟོང་ངོ་ཞེས་དེ་ལྟར་ཡང་དག་པར་ཤེས་ཏེ། གལ་ཏེ་དེ་ལྟར་ཡོངས་སུ་བསྔོ་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་པ་ཡིན་ནོ། །གལ་ཏེ་ཆོས་རྣམས་ཀྱིས་ཆོས་རྣམས་
D10.030.0041a07.01