完整藏文原文 · 德格版页 当前仅加载第 30 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་རྣམས་ལ་བསྟི་སྟང་དུ་བྱ་བ་དང་། བླ་མར་བྱ་བ་དང་། རི་མོར་བྱ་བ་དང་། མཆོད་པར་བྱ་བའི་ཕྱིར་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ཞིང་། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་སོང་ནས་ཀྱང་། སེམས་ཅན་རྣམས་ཡོངས་སུ་སྨིན་པར་བྱེད་ཅིང་། སངས་
D10.030.0084b01.01རྒྱས་ཀྱི་ཞིང་ཡོངས་སུ་དག་པར་བྱེད་དོ། །རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཆོས་གང་ཡང་ཐོབ་པར་བྱེད་པ་མ་ཡིན། སྟོན་པར་བྱེད་པ་མ་ཡིན། འཛིན་པར་བྱེད་པ་མ་ཡིན། སྦྱིན་པར་བྱེད་པ་མ་ཡིན། སྐྱེད་པར་བྱེད་པ་མ་ཡིན། འགོག་པར་བྱེད་པ་མ་ཡིན། ཀུན་ནས་ཉོན་
D10.030.0084b02.01མོངས་པར་བྱེད་པ་མ་ཡིན། རྣམ་པར་བྱང་བར་བྱེད་པ་མ་ཡིན། འགྲིབ་པར་བྱེད་པ་མ་ཡིན། འཕེལ་བར་བྱེད་པ་མ་ཡིན། འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ནོ། །རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་འདོད་པའི་ཁམས་
D10.030.0084b03.01ལས་ཡང་དག་པར་འདའ་བར་བྱེད་པ་ཡང་མ་ཡིན། གནས་པར་བྱེད་པ་ཡང་མ་ཡིན། གཟུགས་ཀྱི་ཁམས་དང་། གཟུགས་མེད་པའི་ཁམས་ལས་ཡང་དག་པར་འདའ་བར་བྱེད་པ་ཡང་མ་ཡིན། གནས་པར་བྱེད་པ་ཡང་མ་ཡིན། སྦྱིན་པའི་ཕ་རོལ་ཏུ་ཕྱིན་པ་སྦྱིན་པར་བྱེད་པ་ཡང་མ་
D10.030.0084b04.01ཡིན། འདོར་བར་བྱེད་པ་ཡང་མ་ཡིན། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་སྦྱིན་པར་བྱེད་པ་ཡང་མ་ཡིན། འདོར་བར་བྱེད་པ་ཡང་མ་ཡིན། ནང་སྟོང་པ་ཉིད་སྦྱིན་པར་བྱེད་པ་ཡང་མ་ཡིན། འདོར་བར་བྱེད་པ་
D10.030.0084b05.01ཡང་མ་ཡིན། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་སྦྱིན་པར་བྱེད་པ་ཡང་མ་ཡིན། འདོར་བར་བྱེད་པ་ཡང་མ་ཡིན། དྲན་པ་ཉེ་བར་གཞག་པ་རྣམས་སྦྱིན་པར་བྱེད་པ་ཡང་མ་ཡིན། འདོར་བར་བྱེད་པ་ཡང་མ་ཡིན། དེ་བཞིན་དུ་ཡང་དག་པར་སྤོང་བ་དང་། རྫུ་འཕྲུལ་གྱི་རྐང་
D10.030.0084b06.01པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་རྣམས་སྦྱིན་པར་བྱེད་པ་ཡང་མ་ཡིན། འདོར་བར་བྱེད་པ་ཡང་མ་ཡིན། སྟོབས་བཅུ་སྦྱིན་པར་བྱེད་པ་ཡང་མ་ཡིན། འདོར་བར་བྱེད་པ་ཡང་མ་ཡིན། མི་འཇིགས་པ་བཞི་དང་། སོ་སོ་ཡང་དག་པར་རིག་
D10.030.0084b07.01