完整藏文原文 · 德格版页 当前仅加载第 30 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་བྱའོ་ཞེས་ཟེར་བའི་ཚིག་དེ་ལ་ངས་ཀྱང་རྗེས་སུ་ཡི་རང་བར་བྱས་པའི་ཕྱིར་རོ། །རིགས་ཀྱི་བུ་དང་རིགས་ཀྱི་བུ་མོ་དེ་དག་གིས་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྤྱན་
D10.030.0111b01.01སྔར་ཡང་འདི་སྐད་དུ་བདག་ཅག་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྲོག་ཆགས་བརྒྱ་ཕྲག་མང་པོ་དང་། སྲོག་ཆགས་སྟོང་ཕྲག་མང་པོ་དང་། སྲོག་ཆགས་འབུམ་ཕྲག་མང་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་བགྱི། ཡང་དག་པར་བསྟན་
D10.030.0111b02.01པར་བགྱི། ཡང་དག་པར་འཛིན་དུ་གཞུག་པར་བགྱི། ཡང་དག་པར་གཟེངས་བསྟོད་པར་བགྱི། ཡང་དག་པར་རབ་ཏུ་དགའ་བར་བགྱི་ཞིང་། ཕྱིར་མི་ལྡོག་པ་ཉིད་དུ་ལུང་བསྟན་པར་བགྱིའོ་ཞེས་ཚིག་ཏུ་ཡང་བརྗོད་དོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་
D10.030.0111b03.01དཔའ་ཆེན་པོ་དང་། རིགས་ཀྱི་བུ་དང་རིགས་ཀྱི་བུ་མོ་དེ་དག་གིས་ཚིག་དེ་སྐད་བརྗོད་པའི་སེམས་ལ་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་ཀྱིས་རྣམ་པར་གཟིགས་ཤིང་། རྗེས་སུ་ཡི་རང་བར་མཛད་ལ། ཤཱ་རིའི་
D10.030.0111b04.01བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་བྱང་ཆུབ་ཀྱི་ཕྱིར་སྤྱོད་པ་ན་སྲོག་ཆགས་བརྒྱ་ཕྲག་མང་པོ་དང་། སྲོག་ཆགས་སྟོང་ཕྲག་མང་པོ་དང་། སྲོག་ཆགས་འབུམ་ཕྲག་མང་པོ་དག་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་བསྟན་པར་བྱ།
D10.030.0111b05.01ཡང་དག་པར་འཛིན་དུ་གཞུག་པར་བྱ། ཡང་དག་པར་གཟེངས་བསྟོད་པར་བྱ། ཡང་དག་པར་རབ་ཏུ་དགའ་བར་བྱ་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་བྱའོ་ཞེས་ཟེར་བའི་ཚིག་དེ་ལ་ངས་ཀྱང་རྗེས་སུ་ཡི་རང་བ་བྱས་པའི་ཕྱིར་རོ། །ཤཱ་རིའི་བུ་རིགས་
D10.030.0111b06.01ཀྱི་བུ་དང་རིགས་ཀྱི་བུ་མོ་དེ་དག་ནི་གཟུགས་དང་། སྒྲ་དང་། དྲི་དང་། རོ་དང་། རེག་བྱ་དང་། ཆོས་རྣམས་ལ་མོས་པ་རླབས་ཆེན་པོ་འབྱུང་བར་འགྱུར་ཞིང་། དེ་དག་སྦྱིན་པ་རྒྱ་ཆེན་པོ་དག་གཏོང་བར་ཡང་འགྱུར་རོ། །དེ་དག་གིས་སྦྱིན་པ་རྒྱ་ཆེན་པོ་དག་བཏང་བས། དགེ་བའི་
D10.030.0111b07.01