完整藏文原文 · 德格版页 当前仅加载第 30 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
བདེན་པའི་བྱིན་གྱིས་རློབ་པར་བྱེད་པ་ན། གལ་ཏེ་ཉེ་བར་ཞི་བ་དང་། བསིལ་བ་དང་མེད་པར་གྱུར་ན། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ལུང་བསྟན་པ་ཡིན་པར་རིག་པར་བྱའོ། །
D10.030.0226b01.01རབ་འབྱོར་གལ་ཏེ་མེའི་ཕུང་པོ་དེ་དེ་དག་བདེན་པའི་ཚིག་དེ་ལས་འདས་ནས། ཁྱིམ་ནས་ཁྱིམ་དུ་སྲེག་པར་བྱེད། སྲང་ནས་སྲང་དུ་སྲེག་པར་བྱེད་ཅིང་། ཁྱིམ་ལ་ལ་ནི་ཚིག །ཁྱིམ་ལ་ལ་ནི་མ་ཚིག །སྲང་ལ་ལ་ནི་ཚིག །སྲང་ལ་ལ་ནི་མ་ཚིག་ན། རབ་འབྱོར་བྱང་ཆུབ་སེམས་དཔའ་
D10.030.0226b02.01སེམས་དཔའ་ཆེན་པོ་འདི་ལྟར་གང་གི་ཕྱིར། སེམས་ཅན་འདི་དག་གི་ཁྱིམ་ལ་ལ་ནི་ཚིག །ཁྱིམ་ལ་ལ་ནི་མ་ཚིག་པ་ནི་སེམས་ཅན་འདི་དག་གིས་ཆོས་སྤོང་བར་འགྱུར་བའི་ལས་ཉེ་བར་བསགས་པས་ན། དེ་དག་ཚེ་འདི་ཉིད་ལ་ལས་རྣམ་པར་སྨིན་ཏེ། ཆོས་སྤོང་བའི་ལས་ཀྱི་ལྷག་
D10.030.0226b03.01མ་དེ་ཉིད་ལས་རྣམ་པར་སྨིན་པར་གྱུར་ཏོ། །ཞེས་བྱ་བར་རིག་པར་བྱ་སྟེ། རབ་འབྱོར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་རྒྱུ་ནི་དེ་ཡིན་ནོ། །རྐྱེན་ནི་དེ་ཡིན་ཏེ། རྒྱུ་དེ་དག་དང་རྐྱེན་དེ་དག་གིས་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་
D10.030.0226b04.01ཡིན་པར་རིག་པར་བྱའོ། །རབ་འབྱོར་གཞན་ཡང་རྣམ་པ་གང་དག་དང་། རྟགས་གང་དག་དང་། མཚན་མ་གང་དག་གིས་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་རིག་པར་བྱ་བའི་རྣམ་པ་དེ་དག་དང་། རྟགས་དེ་དག་དང་། མཚན་མ་དེ་དག་བསྟན་
D10.030.0226b05.01པར་བྱའོ། །རབ་འབྱོར་གལ་ཏེ་སྐྱེས་པའམ། བུད་མེད་གང་ཡང་རུང་བ་ཞིག་མི་མ་ཡིན་པས་བྱིན་གྱིས་བརླབས་ཤིང་བབས་པར་གྱུར་ན། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོས་འདི་ལྟར་བསམ་པར་བྱ་སྟེ། གལ་ཏེ་བདག་སྔོན་གྱི་དེ་བཞིན་གཤེགས་པ་དགྲ་བཅོམ་པ་
D10.030.0226b06.01ཡང་དག་པར་རྫོགས་པའི་སངས་རྒྱས་རྣམས་ཀྱིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཡིན་ཞིང་། ཇི་ལྟར་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་ལ། ཇི་ལྟར་བདག་བླ་ན་མེད་པ་ཡང་
D10.030.0226b07.01