完整藏文原文 · 德格版页 当前仅加载第 30 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་དང་ཅི་སྩལ་བ་དེ་ཐམས་ཅད་ནི་མཚན་མར་བཟུང་ནས་སྩལ་བ་དང་། ཚུལ་ཁྲིམས་ཅི་དང་ཅི་བསྲུངས་པ་དང་། བཟོད་པ་བསྒྲུབས་པ་དང་། བརྩོན་འགྲུས་བརྩམས་པ་དང་། བསམ་གཏན་གང་དང་གང་ལ་མཉམ་པར་བཞག་པ་དེ་ཐམས་ཅད་ཀྱང་མཚན་མར་བཟུང་ནས་མཉམ་པར་
D10.030.0175a01.01བཞག་པའི་སླད་དུ་སྟེ། དེའི་སླད་དུ་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཐེ་ཚོམ་མཆིས་པར་རིག་པར་བགྱི་ལགས་སོ། །བཅོམ་ལྡན་འདས་དེ་ལྟར་ལགས་པས། བྱང་ཆུབ་སེམས་དཔའ་སེམས་
D10.030.0175a02.01དཔའ་ཆེན་པོས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འཚལ་བས། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པ་དང་མ་བྲལ་བར་རིག་པར་བགྱིའོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པ་ལ་གནས་ཏེ། མི་
D10.030.0175a03.01དམིགས་པའི་ཚུལ་གྱིས་མཚན་མ་མ་མཆིས་པ་དང་ལྡན་པའི་སེམས་ཀྱིས་སྦྱིན་པ་སྩལ་བར་བགྱི། ཚུལ་ཁྲིམས་བསྲུང་བར་བགྱི། བཟོད་པ་བསྒྲུབ་པར་བགྱི། བརྩོན་འགྲུས་བརྩམ་པར་བགྱི། བསམ་གཏན་ལ་སྙོམས་པར་འཇུག་པར་བགྱི། ཤེས་རབ་བསྒོམ་པར་བགྱིའོ། །དེ་
D10.030.0175a04.01བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྤྱད་པར་བགྱིའོ། །དེ་ནས་བཅོམ་ལྡན་འདས་ལ་འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་མངོན་
D10.030.0175a05.01པར་རྫོགས་པར་འཚང་རྒྱ་བར་ཡང་བགྱི་འཚལ་ལ་ཆོས་དེ་དག་ཀྱང་མ་མཆིས་ཤིང་མི་དམིགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་མངོན་པར་འབྱུང་བར་དཀའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་དེ་དེ་བཞིན་ཏེ་བླ་ན་མེད་པ་ཡང་དག་པར་རྫོགས་
D10.030.0175a06.01པའི་བྱང་ཆུབ་ནི་མངོན་པར་འབྱུང་བར་དཀའ་བ་ཡིན་ནོ། །ལྷའི་བུ་དག་ངས་ཀྱང་ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་སངས་རྒྱས་ཏེ། ངས་ནི་གང་མངོན་པར་རྫོགས་པར་འཚང་རྒྱ་བའམ། གང་གིས་མངོན་པར་རྫོགས་པར་འཚང་རྒྱ་བའམ། གང་མངོན་པར་རྫོགས་པར་འཚང་
D10.030.0175a07.01