完整藏文原文 · 德格版页 当前仅加载第 30 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་སྐྱེད་པ་དང་། འཇིག་རྟེན་འདི་སྟོན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ། ཆོས་ཐམས་ཅད་ནི་སྐྱེད་པ་པོ་མ་ཡིན་ཞིང་སྟོན་པ་པོ་མ་ཡིན་ནོ། །རབ་འབྱོར་ཇི་ལྟར་ཆོས་ཐམས་ཅད་སྐྱེད་པ་པོ་མ་ཡིན་ཞིང་སྟོན་པ་པོ་མ་ཡིན་
D10.030.0139b01.01ཞེ་ན། རབ་འབྱོར་ཆོས་ཐམས་ཅད་ནི་སྟོང་པ་དང་། གསོ་བ་དང་། གསོག་དང་། ཡ་མ་བརླ་དང་། སྙིང་པོ་མེད་པའི་ཕྱིར་ཏེ། རབ་འབྱོར་རྣམ་གྲངས་དེས་ན། ཆོས་ཐམས་ཅད་སྐྱེད་པ་པོ་མ་ཡིན་ཞིང་སྟོན་པ་པོ་མ་ཡིན་ནོ། །རབ་འབྱོར་ཇི་ལྟར་ཆོས་ཐམས་ཅད་སྐྱེད་པ་པོ་མ་ཡིན་ཞིང་སྟོན་
D10.030.0139b02.01པ་པོ་མ་ཡིན་ཞེ་ན། རབ་འབྱོར་ཆོས་ཐམས་ཅད་ནི་གནས་པ་མེད་པ། ཁོངས་སུ་གཏོགས་པ་མེད་པ་ཡིན་པའི་ཕྱིར་ཏེ། རབ་འབྱོར་རྣམ་གྲངས་དེས་ཀྱང་ཆོས་ཐམས་ཅད་སྐྱེད་པ་པོ་མ་ཡིན་ཞིང་། སྟོན་པ་པོ་མ་ཡིན་ནོ། །རབ་འབྱོར་དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་བཞིན་
D10.030.0139b03.01གཤེགས་པ་སྐྱེད་པ་དང་། འཇིག་རྟེན་སྟོན་པ་ཡིན་ཏེ། དེ་ཡང་གཟུགས་མ་མཐོང་བའི་ཕྱིར་སྟོན་པ་ཡིན་ནོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མ་མཐོང་བའི་ཕྱིར་སྟོན་པ་ཡིན་ཏེ། རབ་འབྱོར་དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་བཞིན་
D10.030.0139b04.01གཤེགས་པ་སྐྱེད་པ་དང་། འཇིག་རྟེན་སྟོན་པ་ཡིན་ནོ། །རབ་འབྱོར་གྱིས་གསོལ་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མ་མཐོང་བའི་སླད་དུ་ཇི་ལྟར་སྟོན་པ་ལགས། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་མ་མཐོང་བའི་
D10.030.0139b05.01སླད་དུ་ཇི་ལྟར་སྟོན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་གང་གི་ཚེ་གཟུགས་ལ་དམིགས་པའི་རྣམ་པར་ཤེས་པ་མི་འབྱུང་ན་རབ་འབྱོར་དེ་ལྟར་གཟུགས་མ་མཐོང་བའི་ཕྱིར་སྟོན་པ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
D10.030.0139b06.01རྣམ་པར་ཤེས་པ་ལ་དམིགས་པའི་སེམས་མི་འབྱུང་ན། དེ་ལྟར་རྣམ་པར་ཤེས་པ་མ་མཐོང་བའི་ཕྱིར་སྟོན་པ་ཡིན་ནོ། །དེ་བཞིན་དུ་སྦྱར་ཏེ། གང་གི་ཚེ་རྣམ་པ་ཐམས་ཅད་མཁྱེན་པ་ཉིད་ལ་དམིགས་པའི་རྣམ་པར་ཤེས་པའི་བར་དུ་མི་འབྱུང་ན། དེ་ལྟར་རྣམ་པ་ཐམས་ཅད་མཁྱེན་པ་ཉིད་མ་
D10.030.0139b07.01