完整藏文原文 · 德格版页 当前仅加载第 30 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དཔེར་བགྱི་ན་ནོར་བུ་རིན་པོ་ཆེ་ཆེན་པོ་རིན་ཐང་མ་མཆིས་པ་ཞིག་མཆིས་ལ། ནོར་བུ་རིན་པོ་ཆེ་དེ་ཡང་ཡོན་ཏན་འདི་ལྟ་བུ་དག་དང་ལྡན་ཏེ། ནོར་བུ་རིན་པོ་ཆེ་ཆེན་པོ་དེ་གང་དང་གང་དུ་བཞག་པ་དེ་དང་དེར་མི་མ་ལགས་པས་གླགས་རྙེད་པར་མི་འགྱུར་ཞིང་། གང་དང་གང་
D10.030.0014b01.01ན་སྐྱེས་པ་འམ། བུད་མེད་མི་མ་ལགས་པས་ཟིན་པ་དེ་དང་དེར། ནོར་བུ་རིན་པོ་ཆེ་དེ་ཕྱུང་ན། ནོར་བུ་རིན་པོ་ཆེ་དེར་ཕྱུང་མ་ཐག་ཏུ་མི་མ་ལགས་པ་དེ་ནོར་བུ་རིན་པོ་ཆེ་ཆེན་པོ་དེའི་གཟི་བརྗིད་མི་བཟོད་པས་འབྲོས་པར་འགྱུར་ལགས་སོ། །མཁྲིས་པའི་དབང་གིས་ཚ་བར་གྱུར་པའི་
D10.030.0014b02.01ལུས་ལ་ནོར་བུ་རིན་པོ་ཆེ་དེ་བཏགས་ན། མཁྲིས་པ་དེ་ཡང་སེལ་བར་འགྱུར་ཞིང་། རྣམ་པར་འཕེལ་བར་མི་འགྱུར་ལ། ཞི་བར་འགྱུར་ལགས་སོ། །བསེར་མའི་བྲོ་ནད་ཀྱིས་ཐེབས་པའི་ལུས་ལ་ནོར་བུ་རིན་པོ་ཆེ་དེ་བཏགས་ན་ཡང་རླུང་དེ་སེལ་བར་འགྱུར་ལགས་སོ། །བད་
D10.030.0014b03.01ཀན་གྱི་བྲོ་ནད་ཀྱིས་ཐེབས་པའི་ལུས་ལ་ནོར་བུ་རིན་པོ་ཆེ་དེ་བཏགས་ན་ཡང་། བད་ཀན་དེ་དག་ཐམས་ཅད་ཞི་བར་འགྱུར་ལགས་སོ། །རིགས་ཀྱི་བུའམ་རིགས་ཀྱི་བུ་མོ་འདུས་པའི་བྲོ་ནད་ཀྱིས་ཐེབས་པ་དེའི་ལུས་ལ་ནོར་བུ་རིན་པོ་ཆེ་དེ་བཏགས་ན་ཡང་དེའི་ནད་དེ་ཞི་བར་འགྱུར་
D10.030.0014b04.01ལགས་སོ། །ནོར་བུ་རིན་པོ་ཆེ་དེ་མཚན་མོ་ཡང་སྣང་བར་བགྱིད་པར་འགྱུར་ལགས་སོ། །ཚ་བའི་དུས་ལ་བབ་པའི་ཚེས་ཕྱོགས་གང་དུ་ནོར་བུ་རིན་པོ་ཆེ་དེ་བཞག་པའི་ས་ཕྱོགས་དེ་ཡང་བསིལ་བར་འགྱུར་ལགས་སོ། །ལྷགས་པའི་དུས་ལ་བབ་པའི་ཚེ། ས་ཕྱོགས་གང་
D10.030.0014b05.01དུ་ནོར་བུ་རིན་པོ་ཆེ་དེ་བཞག་པའི་ས་ཕྱོགས་དེ་ཡང་དྲོ་བར་འགྱུར་ལགས་སོ། །ནོར་བུ་རིན་པོ་ཆེ་དེ་གང་དུ་བཞག་པའི་ས་ཕྱོགས་དེ་གྲང་ཡང་མི་གྲང་། ཚ་ཡང་མི་ཚ་སྟེ། དུས་ཚིགས་བདེ་བར་འགྱུར་ལགས་སོ། །ས་ཕྱོགས་གང་དུ་ནོར་བུ་རིན་པོ་ཆེ་དེ་གནས་པའི་ས་
D10.030.0014b06.01ཕྱོགས་དེར་སྦྲུལ་གདུག་པ་དང་། སྡིག་པ་ལ་སོགས་པའམ། སྡིག་སྦྲུལ་རྣམས་ཀྱང་གནས་པར་མི་འགྱུར་ལགས་སོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་སྦྲུལ་གདུག་པས་ཟིན་པར་གྱུར་པ་དེ་ལ་ནོར་བུ་རིན་པོ་ཆེ་དེ་བསྟན་ན། དེ་ལ་བསྟན་མ་ཐག་ཏུ་དུག་དེ་དག་
D10.030.0014b07.01