完整藏文原文 · 德格版页 当前仅加载第 30 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འཆད་པར་བྱ་བའི་ཕྱིར་སློབ་པ་ཡིན་ནོ། །རབ་འབྱོར་དེ་ལྟར་སློབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འཆི་བ་མེད་པའི་སྒོ་རྣམ་པར་དབྱེ་བར་བྱའོ་ཞེས་སློབ་པ་ཡིན། འདུས་མ་བྱས་ཀྱི་ཁམས་ཡང་དག་པར་བསྟེན་པར་བྱའོ། །ཞེས་སློབ་པ་ཡིན་ཏེ། རབ་འབྱོར་
D10.030.0247b01.01སེམས་ཅན་དམན་པ་རྣམས་ཀྱིས་ནི་བསླབ་པ་འདི་ལ་སློབ་པར་མི་ནུས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་བསླབ་པ་འདི་ལ་སློབ་པ། དེ་ནི་སེམས་ཅན་ཐམས་ཅད་འཁོར་བ་ལས་འདོན་པར་འདོད་པ་ཡིན་ཏེ། རབ་འབྱོར་དེ་ལྟར་སློབ་པའི་བྱང་ཆུབ་སེམས་དཔའ་
D10.030.0247b02.01སེམས་དཔའ་ཆེན་པོ་ནི་སེམས་ཅན་དམྱལ་བར་མི་སྐྱེའོ། །དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ཡུལ་མཐའ་འཁོབ་རྣམས་སུ་མི་སྐྱེའོ། །གདོལ་པའི་རིགས་རྣམས་སུ་མི་སྐྱེའོ། །ཞར་བར་མི་འགྱུར། འཐེང་པོར་མི་འགྱུར། འོན་པར་མི་འགྱུར། ལྦ་བ་
D10.030.0247b03.01ཅན་དུ་མི་འགྱུར། གཞོགས་ཕྱེད་སྐམ་པར་མི་འགྱུར། དབང་པོ་མ་ཚང་བར་མི་འགྱུར་ཏེ། དབང་པོ་ཡོངས་སུ་རྫོགས་པར་འགྱུར་ཞིང་། ཡོངས་སུ་མ་རྫོགས་པར་མི་འགྱུར་རོ། །སྲོག་གཅོད་པར་མི་འགྱུར། ལོག་པར་ལྟ་བའི་བར་དུ་མི་འགྱུར། ལོག་པའི་འཚོ་བས་འཚོ་
D10.030.0247b04.01བར་མི་འགྱུར་རོ། །ཡང་དག་པ་མ་ཡིན་པ་ཡོངས་སུ་འཛིན་པར་མི་བྱེད་དོ། །ཚུལ་ཁྲིམས་འཆལ་པར་མི་འགྱུར་རོ། །ཚུལ་ཁྲིམས་འཆལ་པ་ཡོངས་སུ་འཛིན་པར་མི་བྱེད་དོ། །རབ་འབྱོར་དེ་ལྟར་སློབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ལྷ་ཚེ་རིང་པོ་རྣམས་ཀྱི་
D10.030.0247b05.01ནང་དུ་སྐྱེ་བར་མི་འགྱུར་རོ། །དེ་ཅིའི་ཕྱིར་ཞེ་ན། ཐབས་ལ་མཁས་པ་གང་དང་ལྡན་པས་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་རྣམས་ལ་སྙོམས་པར་འཇུག་པ་དང་། ཚད་མེད་པ་རྣམས་ལ་སྙོམས་པར་འཇུག་པ་དང་། གཟུགས་མེད་པའི་སྙོམས་པར་འཇུག་
D10.030.0247b06.01པ་རྣམས་ལ་སྙོམས་པར་འཇུག་ཀྱང་བསམ་གཏན་རྣམས་དང་། ཚད་མེད་པ་རྣམས་དང་། གཟུགས་མེད་པའི་སྙོམས་པར་འཇུག་པ་རྣམས་ཀྱི་དབང་གིས་མི་སྐྱེ་བའི་ཐབས་ལ་མཁས་པ་དེ་ལ་ཡོད་པའི་ཕྱིར་རོ། །རབ་འབྱོར་དེ་ལྟར་སློབ་པའི་བྱང་ཆུབ་སེམས་དཔའ་སེམས་
D10.030.0247b07.01