完整藏文原文 · 德格版页 当前仅加载第 56 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་མི་མཐོང་ཞིང་ལམ་དྲང་པོར་འགྲོ་བར་མཛད་དོ། །ཡང་བདུད་སྡིག་ཅན་གྱིས་དེ་གཉིས་ཀྱི་མདུན་དུ་རི་ཆེན་པོ་བརྟན་པ། སྲ་བ། མ་རྙིལ་བ། སུལ་མེད་པ། གཅིག་ཏུ་སྟུག་པོར་གྱུར་པ། མཁྲེགས་པ། འཕང་དུ་དཔག་ཚད་སྟོང་ཡོད་པ་ཅིག་མངོན་པར་སྤྲུལ་ཏེ། སེང་གེ་
D138.056.0191a01.01ཁྲོ་ཞིང་གདུག་ལ་གཏུམ་པ། སྒྲ་ཆེན་པོ་འབྱིན་པ་སྟོང་ཡང་མངོན་པར་སྤྲུལ་ན། བཅོམ་ལྡན་འདས་ཀྱིས་གཟི་བརྗིད་དང་རྫུ་འཕྲུལ་གྱི་མཐུས་སྐྱེས་བུ་དམ་པ་དེ་གཉིས་ཀྱིས་རི་དེ་ཡང་མ་མཐོང་། སེང་གེ་ཡང་མ་མཐོང་། སེང་གེའི་སྐད་ཀྱང་མ་ཐོས་ཏེ་ལམ་དྲང་པོར་བཅོམ་ལྡན་འདས་ག་ལ་བ་དེ་ལོགས་སུ་
D138.056.0191a02.01སོང་ངོ་། །བཅོམ་ལྡན་འདས་ནི་འཁོར་བརྒྱ་སྟོང་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་སྐྱེས་བུ་དམ་པ་ཚོགས་ཀྱི་གཙོ་བོ་གཡོག་གི་ཚོགས་ཅན་འདི་གཉིས་ལ་ལྟོས། དེ་དག་གིས་
D138.056.0191a03.01གསོལ་པ། བཅོམ་ལྡན་འདས་མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་དམ་པ་འདི་གཉིས་གཡོག་དང་བཅས་པ་ངའི་ཐད་དུ་རབ་ཏུ་བྱུང་ནས་གཅིག་ནི་ངའི་ཉན་ཐོས་ཐམས་ཅད་ཀྱི་ནང་ན་ཤེས་རབ་ཅན་གྱི་མཆོག་ཏུ་འགྱུར་རོ། །གཅིག་ནི་རྫུ་འཕྲུལ་ཅན་གྱི་མཆོག་ཏུ་འགྱུར་རོ། །
D138.056.0191a04.01དེ་ནས་དགེ་སློང་ཞིག་གིས་དེའི་ཚེ་ཚིགས་སུ་བཅད་པ་འདི་སྨྲས་སོ། །སྐྱེས་བུ་མཁས་པ་གཡོག་ལྡན་འདི་གཉིས་ནི། །རྫུ་འཕྲུལ་ལྡན་དང་ཤེས་རབ་འཇིགས་མེད་པར། །མི་མཆོག་ཕན་པ་མཛད་པས་ལུང་བསྟན་ཏེ། །བདག་གིས་དེ་གཉིས་བསྟི་སྟང་བསྐྱེད་ནས་བསུ། །དེ་ནས་དགེ་སློང་དེ་སྟན་
D138.056.0191a05.01ལས་ལངས་ནས་དགེ་སློང་མང་པོ་དང་། ཁྱིམ་ན་གནས་པ་དང་། རབ་ཏུ་བྱུང་བ་མང་པོ་དང་ལྷན་ཅིག་ཏུ་སྐྱེས་བུ་དམ་པ་དེ་གཉིས་བསུ་ནས་བསྙེན་བཀུར་བྱས་སོ། །དེ་ནས་སྐྱེས་བུ་དམ་པ་དེ་གཉིས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་
D138.056.0191a06.01ཏེ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔར་འདུག་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རབ་ཏུ་འབྱུང་བ་དང་། བསྙེན་པར་རྫོགས་པ་དགེ་སློང་གི་དངོས་པོ་བདག་ཅག་གཉིས་ལ་སྩལ་དུ་གསོལ། བདག་ཅག་བཅོམ་ལྡན་འདས་ཀྱི་ཐད་དུ་
D138.056.0191a07.01