完整藏文原文 · 德格版页 当前仅加载第 56 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་ནམས་དང་རྫུ་འཕྲུལ་གྱི་སྟོབས་ཀྱི་བྱིན་གྱི་རླབས་ཀྱིས་པད་མའི་གདན་སྤྲུལ་པ་རྣམས་ལ་འཁོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཕྱོགས་བཅུ་ནས་འདུས་པ་དེ་དག་སངས་རྒྱས་བཅོམ་ལྡན་འདས་རྣམས་ལ་མཆོད་པ་བྱ་བའི་ཕྱིར་ལ་ལ་དག་གིས་ནི་འཛམ་བུའི་ཆུ་བོའི་གསེར་གྱི་
D138.056.0237b01.01ཆར་ཕབ་བོ། །གོང་དུ་སྨོས་པ་བཞིན་སྦྱར་ཏེ། ལ་ལ་དག་གིས་ནི་སངས་རྒྱས་ཀྱི་ཞིང་མ་ལུས་པར་བསྐོར་བར་བྱས་སོ། །ལ་ལ་དག་གིས་ནི་ཆོས་ཉན་པས་བསྐོར་ནས་སངས་རྒྱས་བཅོམ་ལྡན་འདས་རྣམས་ཀྱི་སྤྱན་སྔར་ཐལ་མོ་སྦྱར་ཏེ་འཁོད་དོ། །ལ་ལ་དག་གིས་ནི་རང་གི་དགེ་བའི་ཕྱོགས་
D138.056.0237b02.01ཡིད་ལ་བྱེད་ཅིང་གནས་སོ། །ཡང་དེའི་ཚེ་ན་ཟླ་འོད་གཞོན་ནུར་གྱུར་པས་ཐལ་མོ་སྦྱར་ཏེ་རང་གི་རྫུ་འཕྲུལ་གྱི་མཐུ་དང་། སངས་རྒྱས་བཅོམ་ལྡན་འདས་རྣམས་ཀྱི་སྟོབས་བསྐྱེད་པས་སངས་རྒྱས་ཀྱི་ཞིང་འདི་མ་ལུས་པར་དབྱངས་ཀྱིས་བཀང་སྟེ་འདི་སྐད་ཅེས་སྨྲས་སོ། །ཐེ་ཙོམ་ཐམས་ཅད་
D138.056.0237b03.01གཅོད་མཛད་པ། །ཐུབ་པ་ཟླ་བ་ཀུན་ནས་གཤེགས། །སྔོན་ཆད་མ་མཐོང་མ་ཐོས་པའི། །དགེ་འདུན་ཕུན་སུམ་ཚོགས་འདི་སྣང་། །བྱང་ཆུབ་སེམས་དཔའ་བརྟུལ་ཞུགས་མཆོག །སངས་རྒྱས་ཀུན་གྱིས་རབ་གང་བས། །ཞིང་འདི་མཆོད་རྟེན་གྱུར་པ་སྟེ། །ཞིང་རྣམས་ཀུན་གྱིས་ཕྱག་བྱས་
D138.056.0237b04.01སོ། །གང་ན་སེམས་ཅན་སྨད་པ་ཡི། །ཞིང་ནི་སྙིགས་མ་ལྔ་ལྡན་འདིར། །ཐུབ་པ་སྣང་མཛད་རྒྱུ་མེད་པར། །རྫོགས་པའི་སངས་རྒྱས་དེང་མི་གཤེགས། །དེ་རིང་བདུད་ངན་ཚར་གཅད་ཅིང་། །ནག་པོའི་ཕྱོགས་ནི་རབ་གཞོམ་དང་། །སྤྱོད་པ་དགེ་བ་བསྡུ་བའི་ཕྱིར། །དེ་ཡི་དོན་དུ་ཀུན་ནས་
D138.056.0237b05.01གཤེགས། །ཡིད་ནི་རབ་ཏུ་དང་བྱོས་ལ། །བདུད་སྡེ་རབ་ཏུ་འཇོམས་པ་ཡི། །ཆོས་ཉིད་ཞི་བར་རབ་ཉོན་ལ། །རྫོགས་པའི་སངས་རྒྱས་འགྱུར་བར་བྱོས། །ཐེག་པ་ཆེན་པོ་སྤྱོད་པའི་ལམ། །བཟོད་པའི་གོ་བགོས་ཤེས་པར་བྱོས། །ཉོན་མོངས་ཐམས་ཅད་ཟད་བྱའི་ཕྱིར། །གཟུངས་འདི་དེ་རིང་
D138.056.0237b06.01མཉན་པར་བྱོས། །གདན་རྣམས་ལ་ནི་བཞུགས་ནས་ནི། །བསྲུང་བ་འདི་ནི་བཤད་གསོལ་ཕྱིར། །དེ་ཕྱིར་ཐམས་ཅད་མགྲིན་གཅིག་ཏུ། །འདྲེན་པ་རྣམས་ནི་སྤྱན་དྲོངས་ཤིག །དམ་ཆོས་ཡུན་རིང་གནས་བྱའི་ཕྱིར། །སྒྲིབ་པ་ཐམས་ཅད་ཞི་བྱེད་པ། །ཆོས་རྣམས་ཐམས་ཅད་སྡུད་པ་ཡི། །
D138.056.0237b07.01