完整藏文原文 · 德格版页 当前仅加载第 56 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་ཆོས་རྣམས་ནི་ཡང་དག་པའི་མཐས་ཡོངས་སུ་བཅད་པའོ། །བྲི་བ་མེད་པ་དང་། གང་བ་མེད་པའི་ཕྱིར་སངས་རྒྱས་ཀྱི་ཆོས་རྣམས་ནི་ཕ་རོལ་དང་ཚུ་རོལ་ལ་རེག་པ་མེད་པའོ། །ཆ་ཤས་མེད་པའི་ཕྱིར་སངས་རྒྱས་ཀྱི་ཆོས་རྣམས་ནི་བརྗོད་དུ་མེད་པའོ། །མི་གཡོ་
D138.056.0247a01.01ཞིང་རྣམ་པར་གཞག་པ་མེད་པའི་ཕྱིར་སངས་རྒྱས་ཀྱི་ཆོས་རྣམས་ནི་རྫས་དང་། དངོས་པོ་དང་། མཚན་ཉིད་ཐམས་ཅད་མེད་པའོ། །ཚིག་གི་ལམ་དང་བྲལ་བའི་ཕྱིར་སངས་རྒྱས་ཀྱི་ཆོས་ཐམས་ཅད་ནི་སྒྲོ་བཏགས་པ་མེད་པ་སྟེ། ཡང་དག་པ་མ་ཡིན་པ། ཀུན་ཏུ་རྟོག་པ་ལས་སྲིད་པའི་ཡན་
D138.056.0247a02.01ལག་རྣམས་སྐྱེས་སོ། །བསྟན་པ་འདི་བཤད་པའི་ཚེ་སྲོག་ཆགས་བརྒྱད་ཁྲི་བཞི་སྟོང་གིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་བདུད་སྡིག་ཅན་གྱིས་གསོལ་པ། གལ་ཏེ་སངས་རྒྱས་ཀྱི་ཆོས་ནམ་མཁའ་ལྟ་བུར་དངོས་པོ་མ་མཆིས་ཤིང་
D138.056.0247a03.01བརྗོད་དུ་མ་མཆིས་པ་ལགས་ན། དེ་ཅིའི་སླད་དུ་ཡེ་ཤེས་དང་། བརྩོན་འགྲུས་དང་། ཐབས་དང་། ཕ་རོལ་གནོན་པས་ཁྱོད་འདི་ལྟར་བདག་ལ་འཚེ། བདག་གི་བདུད་ཡུལ་འཇོམས། བདག་གི་བདུད་ཀྱི་ཡུལ་ནས་སེམས་ཅན་ཁ་འདྲེན། འགྲོ་བ་མེད་པ་དང་། འོང་བ་མེད་པ་དང་།
D138.056.0247a04.01ཅི་ཡང་མ་ཡིན་པའི་སྒྱུ་མ་ལ་སློབ་ཏུ་འཛུད་པ། གང་གི་ཚེ་སེམས་ཅན་འདི་དག་ཁྱོད་ཀྱིས་བསླབ་པ་ལ་སློབ་པ་ན་དེ་དག་ལ་ཉོན་མོངས་པ་སྐྱེ་བའི་སྤྱོད་པ་ཡང་དག་པར་རྗེས་སུ་མ་མཐོང་ངོ་། །གང་གི་སླད་དུ་ཁྱོད་ཀྱིས་བདག་གི་སླད་དུ་གྲངས་མེད་དཔག་ཏུ་མེད་པའི་སངས་རྒྱས་བཅོམ་ལྡན་འདས་
D138.056.0247a05.01དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ཉན་ཐོས་ཆེན་པོ་རྣམས་དང་། ཚངས་པ་ཆེན་པོ་རྣམས་དང་། བརྒྱ་བྱིན་དང་། འཇིག་རྟེན་སྐྱོང་བ་བཞི་དང་། དབང་ཕྱུག་ཆེན་པོ་རྣམས་དང་། རྫུ་འཕྲུལ་ཆེ་ཞིང་མཐུ་ཆེ་བའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།
D138.056.0247a06.01ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་བསྡུས་ནས། སངས་རྒྱས་ཀྱི་ཞིང་མ་ལུས་པ་འདི་དག་གང་བར་བགྱིས། སྙིང་རྗེ་མེད་པ་འདིས་ཀྱང་གང་དག་ཐོས་མ་ཐག་ཏུ་བདག་ཀླད་པའི་ནད་མི་བཟད་པས་བཏབ་སྟེ། སྡུག་བསྔལ་གྱི་ཚོར་བ་མྱོང་ཞིང་། ལུས་ཀྱང་
D138.056.0247a07.01