完整藏文原文 · 德格版页 当前仅加载第 56 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
འཐུང་བར་བྱོས། །སྟོང་པ་ཉིད་ཀྱང་རབ་སྒོམས་ཤིག །དམ་པའི་དོན་ལ་དངོས་པོ་མེད། །རྫས་ཀྱང་མེད་ཅིང་མཚན་ཉིད་མེད། །འདི་ལྟར་དབང་པོ་དྲུག་སྟོང་སྟེ། །བྱེད་པ་པོ་ནི་འདི་ལ་མེད། །དེ་བཞིན་མཚན་མར་རྟོག་པ་ཡང་། །དངོས་པོ་ཙམ་སྟེ་གཡོ་བ་མེད། །ཚོར་བ་དྲུག་
D138.056.0231a01.01དང་སྲེད་པ་དྲུག །རེག་པ་དྲུག་ལས་བྱུང་བ་ཡིན། །དེ་བཞིན་རེག་པའི་སྐྱེ་མཆེད་དྲུག །སྟོང་པ་ཡིན་པར་ཤེས་པར་བྱོས། །རང་བཞིན་གྱིས་ནི་དངོས་མེད་པར། །དངོས་པོ་ཉིད་ལ་བརྟག་པར་བྱོས། །སྐྱེ་བ་མེད་ཅིང་འགག་མེད་པས། །འདི་ན་རྫས་ཀྱང་མེད་པར་ལྟོས། །གང་གིས་ཆོས་ཀུན་ཚུལ་གཅིག་
D138.056.0231a02.01སྟེ། །དུས་གསུམ་དུ་ཡང་དངོས་མེད་པར། །ཤེས་པ་དེ་དག་ནད་མེད་དེ། །དེ་ནི་བླ་ན་མེད་པའི་ལམ། །རྣམ་པ་བཅུ་གསུམ་ངེས་གྲོལ་ལ། །སེམས་ཅན་འདུ་ཤེས་རྣམ་འཇིག་ཅིང་། །ཚུ་རོལ་ཕ་རོལ་རྣམ་གྲོལ་བ། །དེ་ནི་བཟོད་པ་བསྒོམ་པ་ཡིན། །དེ་ནས་གང་གི་ཚེ་བཅོམ་ལྡན་འདས་ཀྱི་
D138.056.0231a03.01བསོད་ནམས་ཀྱི་སྟོབས་རྣམས་དང་། མི་འཇིགས་པའི་ཤུགས་དང་། དགེ་བའི་རྩ་བའི་རྒྱུ་འཐུན་པའི་བྱིན་གྱི་རླབས་ཀྱིས་དབྱངས་ཀྱི་དཀྱིལ་འཁོར་གྱི་སྒྲ་ཐོགས་པ་མེད་པས་ཚིགས་སུ་བཅད་པ་དེ་དག་གསུངས་པ་དེའི་མོད་ལ་ཕྱོགས་བཅུའི་འཇིག་རྟེན་གྱི་ཁམས་སྟོང་པ་དང་། མི་སྟོང་པའི་སྙིགས་མ་ལྔ་ཅན་གང་
D138.056.0231a04.01གཱའི་ཀླུང་དཔག་ཏུ་མེད་པ་མི་འཁྲུགས་པའི་བྱེ་མ་སྙེད་རྣམས་སུ་དབྱངས་ཀྱི་དཀྱིལ་འཁོར་གྱི་ཚིག་བརྗོད་པ་འདི་དག་གྲགས་པར་གྱུར་ནས། །དེའི་མོད་ལ་སངས་རྒྱས་ཀྱི་ཞིང་རེ་རེ་ནས་ཀྱང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་གྲངས་མེད་དཔག་ཏུ་མེད་པ་དག་ནི་ཤིན་ཏུ་ཟང་ཟིང་མེད་པའི་དགའ་བ་དང་། དད་པ་
D138.056.0231a05.01རྙེད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལ་ལ་དག་གིས་ནི་ཏིང་ངེ་འཛིན་དང་། བཟོད་པ་དང་། གཟུངས་སྣ་ཚོགས་ཐོབ་བོ། །སངས་རྒྱས་ཀྱི་ཞིང་འདིར་འདུས་པའི་སེམས་ཅན་གྲངས་མེད་དཔག་ཏུ་མེད་པ་རྣམས་ཀྱིས་ནི་དོན་དང་། ཚིག་དང་། ཡི་
D138.056.0231a06.01གེ་འདི་དག་ཐོས་ནས་ཕྱིར་མི་ལྡོག་པའི་ས་ཐོབ་པར་གྱུར་ཏོ། །སེམས་ཅན་གྲངས་མེད་དཔག་ཏུ་མེད་པ་དག་ནི་ཐེག་པ་གསུམ་པོ་དག་གིས་ངེས་པར་འབྱུང་བ་ཐོབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྐར་མ་ལ་དགའ་བས་པད་མའི་ཁྲི་ལ་འཛེག་པར་བྱ་བའི་ཕྱིར་རང་གི་རྫུ་འཕྲུལ་གྱི་
D138.056.0231a07.01