完整藏文原文 · 德格版页 当前仅加载第 56 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་གསུང་བ་དོན་དམ་གཟིགས་པ་བཅོམ་ལྡན་འདས། །བྱང་ཆུབ་ཡན་ལག་རིན་ཆེན་དྲི་མེད་ནོར་གསུང་སྒྲོན། །མཚུངས་མེད་བདུད་ཀྱི་སྟོབས་བཏུལ་ཁྱོད་ཀྱིས་བདག་ཅག་ལ། །ད་ལྟར་མྱུར་དུ་ལྷན་ཅིག་བྱང་ཆུབ་ལུང་བསྟན་གསོལ། །དེ་ནས་བདུད་ཀྱི་བུ་མོ་དེ་དག་སྟན་ལས་ལངས་ནས་
D138.056.0193b01.01མགྲིན་གཅིག་ཏུ་བདུད་སྡིག་ཅན་ལ་འདི་སྐད་ཅེས་སྨྲས་སོ། །ཉེས་བྱས་བློ་གྲོས་ཅན་ཁྱོད་སྙིང་པོ་མེད་གཡོ་བའི། །དཔལ་རྙེད་ཅི་ཕྱིར་བཅོམ་ལྡན་འདས་ལ་སྡང་བར་སེམས། །དྲེགས་པས་གོས་ནས་སྐྱེ་བ་ལ་སོགས་སྡུག་བསྔལ་གྱིས། །ལུས་ཀུན་གཙེས་ཏེ་མི་བཟད་གནས་སུ་ཉེ་བར་སོང་། །
D138.056.0193b02.01དེ་ལྟར་ཁྲོ་བ་སྤངས་ཏེ་རྒྱལ་ལ་དད་པར་གྱིས། །འཁོར་བའི་ཉེས་པ་དྲེགས་པའི་འདམ་ལས་ཐར་བའི་བདག །འདི་ནི་ཉིད་ཀྱིས་འགྲོ་བ་ཀུན་གྱི་ངོ་བོ་མཁྱེན། །ཐུགས་རྗེ་ཅན་གྱི་སྐྱབས་སུ་འདོང་གིས་མྱུར་དུ་བཞུད། །དེ་ནས་བདུད་སྡིག་ཅན་ཤིན་ཏུ་གདུག་པའི་ཡིད་དང་ལྡན་པ་འདི་སྙམ་དུ་སེམས་
D138.056.0193b03.01ཏེ། བདག་གིས་འདི་འདྲ་བའི་བདུད་ཀྱི་སྟོབས་ཀྱི་ཡུལ་དྲག་པོ་དྲན་པར་བྱས་ལ། གང་གཡོག་མོ་ལྔ་བརྒྱ་ཙམ་པོ་འདི་དག་བདག་ཉིད་བཅིང་བ་ལྔས་བཅིངས་པར་མཐོང་བར་བྱས་ཏེ། འདི་ནས་བཟློག་ལ་འགྲོ་མི་ནུས་པར་བྱའོ་སྙམ་པ་དང་། བདུད་དེས་དེ་དག་བཅིངས་པར་མ་ནུས་སོ། །དེ་ཅིའི་
D138.056.0193b04.01ཕྱིར་ཞེ་ན། འདི་ལྟར་གཡོག་མོ་ལྔ་བརྒྱ་ཙམ་པོ་དེ་དག་དེ་བཞིན་གཤེགས་པས་བྱིན་གྱིས་བརླབས་པའི་ཕྱིར་རོ། །དེ་ནས་གཡོག་མོ་ལྔ་བརྒྱ་ཙམ་དེ་དག་བདུད་སྡིག་ཅན་གྱི་དྲུང་ནས་དོང་བ་དང་། དེ་ནས་བདུད་སྡིག་ཅན་རབ་ཏུ་ཁྲོས་ཏེ་དེ་འདི་སྙམ་དུ་སེམས་སོ། །བདག་གིས་ཡང་འདི་འདྲ་བའི་
D138.056.0193b05.01བདུད་ཀྱི་སྟོབས་ཀྱི་ཡུལ་དྲག་པོ་དྲན་པར་བྱས་ཏེ། ཅི་ནས་བདག་གིས་གཡོག་མོ་དེ་དག་ཕྱོགས་དང་ཕྱོགས་མཚམས་ཐམས་ཅད་འཁྲུལ་ནས་དགེ་སྦྱོང་གཽ་ཏ་མ་མི་མཐོང་ཞིང་སླར་ཡང་བདག་གི་གནས་སུ་འོང་བར་ནམ་མཁའ་འདི་དག་ཐམས་ཅད་དུ་རྣམ་པར་འཐོར་རླུང་དང་། རླུང་ནག་པོ་ཆེན་པོས་ཀུན་ཏུ་ཁྱབ་
D138.056.0193b06.01པར་བྱའོ་སྙམ་ན་ཡང་སངས་རྒྱས་ཀྱི་བྱིན་གྱིས་བརླབས་ཀྱི་སྟོབས་ཀྱིས་རླུང་ཅུང་ཟད་ཀྱང་ལངས་པར་བྱེད་མ་ནུས་སོ། །ཐ་ན་སྐྲའི་རྩེ་མོ་གཅིག་ཙམ་ཡང་བསྐྱོད་མ་ནུས་ན་མང་དུ་ལྟ་ཅི་སྨོས། དེ་ནས་ཡང་བདུད་སྡིག་ཅན་རབ་ཏུ་ཁྲོས་ཤིང་སྡུག་བསྔལ་ཏེ་ཡིད་མི་བདེ་ཞིང་ཡིད་ལ་གཅགས་ནས་ངུ་ཞིང་སྐད་ཆེན་
D138.056.0193b07.01